Sunday, December 29, 2013

ကမ်းလွန်ပင်လယ်ပြင် ဝေဟင်စိုးမိုးရေး အတွက် မျှော်လင့်စရာ တိုက်လေယာဉ်များ

ဖြစ်ပွားခဲ့ပြီးသော ကမ်းလွန်ပင်လယ် ပဌိပက္ခများ၊ တည်ဆောက်နေသော ရေနက်ဆိပ်ကမ်းများ၊ ပိုက်လိုင်းများ၊ စသည်တို့အပြင် အထူးစီးပွားရေးဇုံများကြောင့် အိမ်နည်းချင်းနိုင်ငံများနည်းတူ ကမ်းလွန်ပင်လယ်ပြင် စိုးမိုးရေးနှင့် ကမ်းခြေစောင့် တိုက်ခိုက်ရေးတာဝန်များအတွက် သင်္ဘောဖျက်ဒုံးများ သယ်ဆောင်တိုက်ပွဲဝင်နိုင်မည့် အလားအလာရှိသော တိုက်လေယာဉ်များကို ရွေးထုတ်ရေးသားလိုက်ရပါတယ်။
မြန်မာ့ တပ်မတော် လေ၏ လိုအပ်နေသော ပင်လယ်ပြင် ကာကွယ်ရေးအတွက် ဘက်စုံသုံး အမျိုးစား တိုက်လေယာဉ်များနဲ့ ရေပြင်ပစ်ဒုံး သယ်ဆောင်နိုင်သော တိုက်ခိုက်ရေး လေယာဉ်များကို စဉ်းစားမိသလောက် အနေဖြင့်

၁- Mig29SMT(သို့) Mig29M
၂-Mig35
၃-JH-7
၎-JF-7
၅-Su-30M (သို့) J11B တို့ကို ရွေးချယ်လိုက်ပါတယ်။


နံပတ် ၅- Su-30M (သို့) J11B

 


Su-30 4++ မျိုးဆက် တိုက်လေယာဉ်များဟာ ၁၉၈၀ပြည့်လွန် နှစ်များက သန္ဓေတည်ခဲ့တာဖြစ်ပြီး ၁၉၉၆ခုနှစ်များမှာ အများအပြား ထုတ်လုပ်ခဲ့ပါတယ်။ Su-30M များဟာ ဘက်စုံသုံး တိုက်လေယာဉ် အမျိုးအစားများ ဖြစ်ပြီး၊ ရုရှားနိုင်ငံ ဆူးခွိုင်းလေယာဉ် ထုတ်လုပ်ရေး ဗျူယိုကနေ ထုတ်လုပ်ထားတာ ဖြစ်ပါတယ်၊ ၂၀၀၀ ခုနှစ် ဝန်းကျင်လောက်မှာ ပြည်ပနိုင်ငံများသို့ တင်ပို့ခဲ့ပါတယ်။ ရုရှားနိုင်ငံအပါအဝင် အိန္ဒိယ၊ တရုတ်၊ ဗီယက်နမ်၊ အင်ဒိုနီးရှား၊ မလေးရှားနိုင်ငံ လေတပ်များသာမက ကမ္ဘာ့အနှံ့လေတပ်များမှာ အသုံးပြုပါတယ်။ Su-30M များကို နိုင်ငံအလိုက် တရုတ်နိုင်ငံအတွက် MKK, အိန္ဒိယအတွက် MKI, မလေးရှားအတွက် MKM စသလိုပေးထားပါတယ်။ အိန္ဒိယနိုင်ငံက ရုရှားနိုင်ငံနဲ့ ပူးပေါင်းကာ နိုင်ငံတွင်းတွင် ထုတ်လုပ်လျက်ရှိပြီး၊ တရုတ်နိုင်ငံက တိုက်ရိုက်မှာယူ တင်သွင်းမှုအပြင် ပုံတူပွား ထုတ်လုပ်တဲ့ J11B အမျိုးအစားကိုလဲ အသုံးပြုပါတယ်။ တစ်စင်းကို ဒေါ်လာ ၃၅သန်းနဲ့ သန်း၆၀ကျော် ကြားတန်ဖိုးရှိ သည်လေယာဉ်တွေဟာ လေကြောင်း တိုက်ပွဲဝင် လှုပ်ရှားမှုတွေမှာ အထူးကောင်းမွန်ပါတယ်။ အဆင့်မြင့် ဝေဟင် မြေပြင် ရေဒါစနစ်တွေ အီလက်ထောနစ်စနစ်တွေ (fly by wire) စနစ်တွေ တပ်ဆင်ထားပြီး အသံထက် ၂ဆခွဲခန့်ထိ အမြန်ဆုံး ပျံသန်းနိုင်ကာ အပိုဆီတိုင်ကီ မပါပဲ လေထဲမှာ ၃နာရီခွဲခန့် ပျံသန်းကာ မိုင်၁၅၀၀ အကွာအဝေးကို လွှမ်းခြုံ စစ်ဆင်နိုင်ပါတယ်။ ပိုင်းလော့ ၁ယောက် သို့မဟုတ် ၂ယောက် မောင်းနှင်နိုင်ပြီး လက်နှက် ချိတ်ဆွဲ တပ်ဆင်ရန် နေရာ စုစုပေါင်း ၁၂နေရာထိ ပါဝင်ပြီး မိုင် ၁၀၀နီးပါးကနေ ပစ်ခတ်နိုင်တဲ့ Kh35၊ Kh59 လို သင်္ဘော ဖျက်ဒုံးတွေ အပါအဝင် ကီလိုမီတာ ၁၀၀၀ ကျော်ထိ ပစ်ခတ်နိုင်တဲ့ ခရုစ်ဒုံးပျံတွေ၊ ကီလိုမီတာ ၁၅၀ခန့်ထိ ပစ်ခတ်နိုင်တဲ့ တီဗီလမ်းညွှန်စနစ်ပါဝင်တဲ့ ဒုံးပျံတွေ၊ လေဆာလမ်းညွှန် ပဲ့ထိမ်းဒုံးတွေ၊ အီလက်ထောနစ်စင်ဆင်ရေးသုံး လက်နှက်အမျိုးမျိုးသာမက ရော့ကတ်များ၊ ဗုံးများ၊ ဝေဟင်မှ ဝေဟင်ပစ် ဒုံးများ ကိုပါ စစ်ဆင်ရေးအလိုက် သယ်ဆောင် တိုက်ပွဲဝင်နိုင်ပါတယ်။ အိန္ဒိယထုတ် တိုက်လေယာဉ်များဟာ အိန္ဒိယနိုင်ငံထုတ် လက်နှက်များ သယ်ဆောင်နိုင်ဖို့ အဓိက ထုတ်လုပ်ပြီး စွမ်းဆောင်ရည်ဟာ ရုရှားလုပ်များထက် မနိမ့်ဘူးလို့ ဆိုကြပါတယ်။ တရုတ်နိုင်ငံထုတ် ပုံတူကူး J11B များကတော့ မူလ Su30M များနဲ့ စွမ်းဆောင်ရည်များ ကွာခြားနိုင်ပါတယ်။ သို့သော် ဒေါ်လာ ၂၅သန်း-သန်း၅၀ ခန့်သာ ရှိတဲ့ အတွက် ဈေးနုန်းချိုသာတဲ့ မျိုးကွဲ တိုက်လေယာဉ်များ ဖြစ်ပါတယ်။

J11B


နံပတ်၎-JF-7



 

၂၀၀၇ခုနှစ်မှ စတင်ကာ F-7 တွေ အမြောက်အများ ထုတ်လုပ်ရောင်းချတဲ့ တရုတ်နိုင်ငံ ချောင်ဒူး လေယာဉ် ထုတ်လုပ်ရေးနဲ့ ပါကစ္စတန်နိုင်ငံတို့ ပူးပေါင်းထုတ်လုပ်ထားတဲ့ လေယာဉ်ဖြစ်ပါတယ်။ အမေရိကန်ရဲ့ F16 ရဲ့ စွမ်းရည်တွေကို စံပြု ထုတ်လုပ်ထားတဲ့ လေယာဉ်၂မျိုးထဲက ဈေးနုန်းချိုသာတဲ့ အမျိုးအစားဖြစ်ပါတယ်။ ပါကစ္စတန်နိုင်ငံက အသုံးပြုပြီး အဆင့်မြင့်တင်ခဲ့ရာမှာ ဘက်စုံသုံး တိုက်လေယာဉ်အဖြစ် ပိုမိုအဆင့်မြင့်တဲ့ ရေဒါစနစ်များနဲ့ အီလက်ထောနစ် စနစ်များကို တပ်ဆင်ကာ ၂၀၁၃ခုနှစ်တွင် Block 2 အဖြစ် အဆင်ြ့မင့်တင် ထုတ်လုပ်ခဲ့ပါတယ်။ အသံထက် ၁.၆ဆ အမြန်နုန်းနဲ့ အမြန်ဆုံးပျံသန်းနိုင်ပြီး အပိုဆီတိုင်ကီ မပါဝင်ပဲလျက် မိုင်၈၀၀ခန့် အကွာအဝေးအတွင်း တိုက်ပွဲဝင် စစ်ဆင်နိုင်ပါတယ်။ လက်နှက်ချိတ်ဆွဲရန် ၇နေရာထိ တပ်ဆင်နိုင်ပြီး YJ-12၊ YJ9K ကဲ့သို့ ကီလိုမီတာ ၃၀၀နီးပါးအထိ ပစ်ခတ်နိုင်တဲ့ အကြီးစား သင်္ဘောဖျက်ဒုံးများ၊ C-802A နှင့် C-803 ကဲ့သို့ ကီလိုမီတာ ၁၃၀ ကျော်အထိ ပစ်ခတ်နိုင်တဲ့ သင်္ဘောဖျက်ဒုံးတွေ အပါအဝင် လေဆာလမ်းညွှန်ဗုံးများ၊ ဝေဟင်မှ ဝေဟင်တာတိုပစ် ဒုံးများ၊ ဝေဟင်မှ မြေပြင် ဒုံးများ၊ အီလက်ထောနစ် စစ်ဆင်ရေးသုံး လက်နှက်များ၊ ခရုစ် ဒုံးပျံများကို သက်ဆိုင်ရာ စစ်ဆင်ရေးအလိုက် သယ်ဆောင် တိုက်ပွဲဝင်နိုင်ပါတယ်။ သို့သော် နိုင်ငံတကာသာမက ပါကစ္စတန်လေတပ်ကပါ စိတ်တိုင်းကျခြင်း သိပ်မရှိတဲ့ အမျိုးအစားဖြစ်ခဲ့တာကြောင့် ၂၀၁၂-၂၀၁၃ နှစ်များမှာ အဆင့်မြင့်တင်မှုများ ပြုလုပ်ခဲ့ရာမှာတော့ နိုင်ငံတကာရဲ့ စိတ်ဝင်စားမှု အများအပြား ရရှိခဲ့ပါတယ်။ Block I ဟာ ဒေါ်လာ ၁၅သန်း နဲ့ သန်း၂၀ကြား တန်ကြေးရှိပြီး၊ BlockII ဟာ ဒေါ်လာ ၂၅သန်းကျော် တန်ကြေးရှိပါတယ်။



JF-7 နဲ့အပြိုင် တရုတ်နိုင်ငံထုတ် လေယာဉ်ကတော့ J10 ဖြစ်ပြီး J10B အမျိုးအစားတွေဟာ ဘက်စုံသုံး အမျိုးအစားများဖြစ်ပါတယ်။ အသံထက် ၂.၂ဆ ပျံသန်းနိုင်ပြီး၊ လက်နှက်ချိတ်ဆွဲရန် ၁၁နေရာထိပါဝင်ပါတယ်။ မိုင်၅၀၀  ဝန်းကျင် စစ်ဆင်နိုင်ပြီး  JF-7 ထက်သာလွန်တဲ့ အဆင့်မြင့် လက်နှက်များ သယ်ဆောင်နိုင်ပါတယ်။ ဒေါ်လာသန်း ၃၀-၃၅သန်းခန့် တန်ကြေးရှိပြီး၊ တရုတ်နိုင်ငံရဲ့ ကျောရိုးတိုက်ခိုက်ရေး လေယာဉ် ဖြစ်နိုင်ချေ ရှိတဲ့ လေယာဉ်အမျိုးအစားဖြစ်ပါတယ်။ 


နံပတ် ၃-JH7 


JH-7A FBC Flying leopardII


 

JH-7 ခေါ် FBC-1 Flying Leopard တိုက်လေယာဉ်များဟာ မြေပြင် တိုက်ခိုက်ရေး ဗုံးကျဲလေယာဉ်များဖြစ်ပါတယ်။ ၁၉၉၂ခုနှစ်က တရုတ်နိုင်ငံ လေတပ်နဲ့ ရေတပ် အထောက်ကူပြုလေယာဉ် အဖြစ်ထုတ်လုပ် ခဲ့တာဖြစ်ပြီး ၂၀၀၄ခုနှစ်မှာတော့ အဆင့်မြင့် ရေဒါစနစ်များ၊ fly by wire စနစ်များ၊ လမ်းညွှန်စနစ်သစ်များနဲ့ ဘက်စုံသုံး သဖွယ် အဆင့်မြင့်တင်ခဲ့ပါတယ်။ F-111 ကဲ့သို့ လေယာဉ်ကို စံထား တည်ဆောက်ခဲ့တာမို့ အီလက်ထောနစ် စစ်ဆင်ရေးတိုက်ပွဲ ဝင်နိုင်ပါတယ်။ မြေပြင်တိုက်ခိုက်ရေး နဲ့ ရေပြင် တိုက်ခိုက်ရေး အဓိက ဖြစ်ပြီး၊ တရုတ်နိုင်ငံ ရေတပ်နဲ့ ကြည်းတပ်က အဓိက အသုံးပြုပါတယ်။ တရုတ်နိုင်ငံရဲ့ ဖျက်သိမ်းခဲ့တဲ့ A5 တိုက်ခိုက်ရေး လေယာဉ် တွေနေရာမှာ အစားထိုးခဲ့ပြီး A5 လေယာဉ်များ ဝယ်ယူ အသုံးပြုသူ ပြည်ပနိုင်ငံတွေကို အစားထိုးဖို့ ကမ်းလှမ်းတဲ့ လေယာဉ်အမျိုးအစားဖြစ်ပေမယ့် ဝယ်ယူသူမရှိသေးပါဘူး။ တောင်တရုတ်ပင်လယ်ကဲ့သို့ တရုတ်နိုင်ငံရဲ့ အရေးကြီးတဲ့ ရေပြင် ပိုင်နက်ကာကွယ်ရေး ရှေ့တန်း တိုက်လေယာဉ်တွေ ဖြစ်တဲ့အတွက် စွမ်းဆောင်ရည်ကို မနိမ့်ဘူးလို့ ခန့်မှန်းရပါလိမ့်မယ်။ ၂ယောက်မောင်း အမျိုးအစားတွေဖြစ်ပြီး အသံထက် ၁.၇ဆခန့် ပျံသန်းနိုင်ကာ အမြင့်ပျံ တိုက်ခိုက်ရေးသာမက အနိမ့်ပျံ အနီးကပ် ပစ်ကူပေးနိုင်တဲ့ အမျိုးအစားဖြစ်ပါတယ်။ ရေမိုင် ၂၀၀၀ နီးပါးနဲ့ မြေပြင်မိုင် ၂၀၀၀ ကျော်အထိ ကင်းလှည့်နဲ့ တိုက်ခိုက်ရေး တာဝန်များကို ထမ်းဆောင်နိုင်ပါတယ်။ တောင်ပံအောက်၆နေရာ၊ တောင်ပံထိပ်၂နေရာနဲ့ ကိုယ်ထည်အောက်မှာ လက်နှက်တပ်ဆင် ချိတ်ဆွဲနိုင်ပါတယ်။ C-802Aများ၊ C-803 ကဲ့သို့ တာလတ်ပစ် သင်္ဘောဖျက်များသာမက၊ YJ-12 ကဲ့သို့ သင်္ဘောဖျက်လက်နှက်များကို JF-7 ကဲ့သို့ အထောက်ကူ စနစ်များမလိုပဲ တာဝေးပစ်ခတ်နိုင်ပါတယ်။ တိကျပစ်လက်နှက်များ၊ ခရုစ် ဒုံးပျံများ၊ ရေဒါဖျက်ဒုံးများ၊ ဘန်ကာဖျက် လက်နှက်များ၊ လေဆာလမ်းညွှန်ဗုံးများ သာမက တာတိုပစ် ဝေဟင်မှ ဝေဟင်ဒုံးများ၊ ရော့ကတ်များနဲ့ အဆင်ြ့မင့်ဗုံးများကို စစ်ဆင်ရေးအလိုက် တပ်ဆင် တိုက်ပွဲဝင်နိုင်ပါတယ်။ ၂၀၀၄ခုနှစ်မှာ ပြသခဲ့ပြီး ၂၀၁၁ခုနှစ်မှာ ထပ်မံ အဆင့်မြင့်ခဲ့တဲ့ အမျိုးအစားကို JF-7A သို့မဟုတ် FBC-2 Flying LeopardII လို့ခေါ်ပါတယ်။ မြန်မာ့လေတပ် A5 များအစား၊ အစားထိုးနိုင်ရန် ကမ်းလှမ်းထားသော အမျိုးအစားဖြစ်ပါတယ်။ JF-7 ဟာ ဒေါ်လာ၁၈သန်းခန့်ရှိပြီး၊ JF-7A ဟာ ဒေါ်လာ၂၅သန်းနဲ့ သန်း၃၀ခန့် တန်ကြေးရှိပါတယ်။


နံပတ်၂ -Mig35



 

မစ်၃၅ လေယာဉ်ဟာ Mig29 လေယာဉ်များရဲ့ နောက်ဆုံးပေါ် မျိုးဆက်ဖြစ်ပြီး 4++ မျိုးဆက် ဘက်စုံသုံး တိုက်လေယာဉ်ဖြစ်ပါတယ်။၂၀၀၇ခုနှစ်တွင် စတင်ထုတ်လုပ်ခဲ့ပြီး ရုရှားနိုင်ငံ မီကိုယမ်း လေယာဉ်ထုတ်လုပ်ရေးရဲ့ အဆင့်မြင့်ဆုံးသော ရေဒါစနစ်များ၊ fly by wire စနစ်များ၊ ပျံသန်းမှု နည်းစနစ်များထည့်သွင်းထားပြီး၊ မြန်မာ့ လေတပ်မတော်က သွားရောက်လေ့လာခဲ့သော လေယာဉ် အမျိုးအစားလဲ ဖြစ်ပါတယ်။ အိန္ဒိယနဲ့ မြန်မာနိုင်ငံတို့ကို ကမ်းလှမ်းထားပေးမယ့် ဝယ်ယူခဲ့ခြင်း ရှိမရှိကိုတော့ မသိရပါဘူး။ အသံထက် ၂.၃ဆ အမြန်နဲ့ ပျံသန်းနိုင်ပြီး အပိုဆီတိုင်ကီ မပါပဲ မိုင်၆၀၀ ခန့်အထိ လွှမ်းခြုံ တိုက်ပွဲဝင်နိုင်ပါတယ်။ အဆင့်မြင့် ရေဒါစနစ်များနှင့် ရေဒါဖျက် စနစ်များ တပ်ဆင်ထားခြင်းဟာ ထူးခြားပါတယ်။ လက်နှက်ချိတ်ဆွဲရင် ၉နေရာထိ ပါဝင်ပြီး၊ တာတို၊ တာလတ်ပစ် ဝေဟင်မှ ဝေဟင်ဒုံးများ၊ ဝေဟင်မှ မြေပြင်ပစ် ဒုံးများ၊ ခရုစ်ဒုံးပျံများ၊ လေဆာလမ်းညွှန်ဗုံးများ၊ ရော့ကတ်များသာမက Kh35၊ Kh59 ကဲ့သို့ သင်္ဘောဖျက် ဒုံးပျံများကို ရေမိုင် ၁၀၀ခန့် အကွာအဝေးကနေ ပစ်ခတ်တိုက်ခိုက်နိုင်ပါတယ်။ ဒေါ်လာ ၃၅သန်းဝန်းကျင် တန်ကြေးရှိပါတယ်။


နံပတ် ၁ -Mig29M


Mig29-M


Mig29M အမျိုးအစားများဟာ မူလ Mig29များကို တာဝေးစစ်ဆင်နိုင်မှု၊ အဆင့်မြင့် လက်နှက်များ သယ်ဆောင်နိုင်မှု၊ ဘက်စုံသုံး တိုက်လေယာဉ် အင်္ဂါရပ်များနှင့် ညီညွတ်အောင် အဆင့်မြင့်တင် ထုတ်လုပ်ခဲ့သည့် အမျိုးအစားဖြစ်ပါတယ်။ ရုရှားနဲ့ အိန္ဒိယ လေတပ်များတွင် အသုံးပြုနေသည့် အမျိုးအစားများဖြစ်ပြီး ကမ္ဘာအနှံ့က Mig29 အသုံးပြုသူများကို အဆင့်မြင့်တင်ပေးသည့် အမျိုးအစားလဲ ဖြစ်ပါတယ်။ အသံထက် ၂.၃ဆခန့် ပျံသန်းနိုင်ပြီး မိုင်၁၂၀၀ ခန့်ကို လွှမ်းခြုံ တိုက်ပွဲဝင် စစ်ဆင်နိုင်ပါတယ်။ လက်နှက်ချိတ်ဆွဲရန် ၈နေရာထိ ပါဝင်ပြီး တာတို၊ တာလတ်ပစ် ဝေဟင်မှ ဝေဟင်ပစ် ဒုံးများသာမက၊ အဆင့်မြင့် လေဆာလမ်းညွှန်ဗုံးများ၊ ရော့ကတ်များသာမက Kh35ကဲ့သို့ သင်္ဘောဖျက်ဒုံးများ၊ ရေဒါဖျက် ဒုံးများကို သယ်ဆောင်တိုက်ပွဲ ဝင်နိုင်ပါတယ်။ အသစ်ထုတ်တဲ့ M အတန်းအစားများမှာ ရေဒါဖိဖျက် စနစ်များပါဝင်တဲ့ အတွက် အီလက်ထောနစ် တိုက်ပွဲ ဝင်နိုင်ပါတယ်။ ဒေါ်လာ ၂၇သန်းကနေ သန်း၃၀ကြား တန်ကြေးရှိပါတယ်။  Mig29M2 အမျိုးအစားများဟာ Mig35 များနည်းတူ တိုက်ပွဲဝင် စွမ်းဆောင်ရည်များ ပေးနိုင်အောင် အဆင့်မြင်တင်ထားပါတယ်။ 



Mig29M မဟုတ်တဲ့ အခြားသော Mig29 စနစ်များကို Mig29SMT အဖြစ် မောင်းနှင်မှု စနစ်များ၊ လက်နှက်စနစ်များ၊ လမ်းညွှန်စနစ်များ၊ ပျံသန်းမှု စနစ်များ အဆင့်မြင့်နိုင်ပြီး၊ သည်လို အဆင့်မြင့်တင်တဲ့ အမျိုးအစားတွေမှာတော့ fly by wire စနစ်များ တပ်ဆင်ထားနိုင်ခြင်းနဲ့ အီလက်ထောနစ် စစ်ဆင်မှုများ အားနည်းတဲ့ အတွက် အကန့်အသတ်နဲ့သာ စစ်ဆင်နိုင်မှာ ဖြစ်ပါတယ်။ M ကဲ့သို့ အဆင့်မြင့် လက်နှက်များ သယ်ဆောင်တိုက်ပွဲ ဝင်နိုင်မှာဖြစ်ပေမယ့် ပျံသန်းမှုမှာတော့ M များထက် စွမ်းရည်အနဲငယ်နည်းပြီး လက်နှက်ချိတ်ဆွဲရန် နေရာများက မူလအတိုင်း ၆နေရာသာ သယ်ဆောင်နိုင်ပါတယ်။ အိန္ဒိယနိုင်ငံက မူလ Mig29 များကို Mig29UBT အဖြစ် အဆင့်မြင်တင်ခဲ့ပြီး SMT များနဲ့ တူညီပါတယ်။ မြန်မာ့လေတပ်သုံး Mig29B များနဲ့ Mig29SE များကိုလဲ Mig29UBT သို့မဟုတ် Mig29SMT အဖြစ် အဆင့်မြင့်တင်နိုင်ခဲ့ရင် Kh35 ကဲ့သို့ သင်္ဘောဖျက် ဒုံးများ သယ်ဆောင် တိုက်ပွဲဝင်နိုင်ပါတယ်။
စင်ကာပူ တပ်မတော်၏ ရေပြင်ကင်းလှည့် တိုက်ခိုက်ရေး လေယာဉ် Fokker50
မျှော်မှန်းနိုင်ဖွယ် ရှိတဲ့ လေယာဉ်များကို ရွေးထုတ်ရာမှာ မြန်မာနိုင်ငံအပေါ် ရှိနေဆဲ ပိတ်ဆို့မှု အစီစဉ်များကြောင့် ဥရောပနဲ့ အနောက်နိုင်ငံသုံး လေယာဉ်များကို ထည့်သွင်းစဉ်းစားထားခြင်း မရှိတဲ့အပြင်၊ လက်ရှိအသုံးပြုနေဆဲ လေယာဉ်စနစ်များ၊ နည်းပညာများ၊ ပြင်ဆင်နိုင်မှု အဆင့်အတန်းများကို ထည့်သွင်းစဉ်းစားကာ ရွေးထုတ်ရေးသားထားတာ ဖြစ်ပါတယ်။ မြေပြင် သတင်းများနှင့် ရရှိဘက်ဂျက်အခြေအနေများကို ထည့်သွင်းစဉ်းစားခဲ့ခြင်း မရှိသလို ဝေဖန်သုံးသပ်ထားခြင်း မလုပ်ထားပါဘူး။ ဒါ့ကြောင့် မြေပြင် သတင်းများ၊ ကောလဟာလများ၊ ဘက်ဂျက် အခြေအနေများကို စာဖတ်သူများ သိရှိကြားသိရသလိုသာ ထည့်သွင်းကာ စဉ်းစားဆုံးဖြတ်ကြစေလိုပါတယ်။ မြန်မာ့ ပင်လယ်ပြင်နဲ့ ကမ်းလွန်ကာကွယ်ရေးအတွက် ပင်လယ်ပြင် ကင်းထောက် လေယာဉ်များနဲ့ အဆင့်မြင့် တိုက်လေယာဉ်များ လိုအပ်နေတာကတော့ အမှန်ပဲဖြစ်ပြီး မဖြစ်မနေ ဖြည့်တင်းရမယ့် အခြေအနေလဲ ဖြစ်ပါတယ်။ သို့သော် ဘယ်သောအခါမှာ မည်သို့လေယာဉ် အမျိုးအစားများနဲ့ ဖြည့်တင်းတာဝန် ထမ်းဆောင်ကြမည်ကတော့ စောင့်စားကြရုံသာ ရှိပါတယ်။ ကျန်းမာချမ်းသာကြပါစေ။ 

Friday, December 27, 2013

ဘင်္ဂလားဒေ့်၏ အင်အားတိုးချဲ့မှုနှင့် မြန်မာ့တပ်မတော်

မြန်မာ့တပ်မတော်ရဲ့ လေတပ်မွေးနေ့နှင့်ရေတပ်မွေးနေ့ကို အရင်နှစ်ကလို လေယာဉ်၊ရေယာဉ်အသစ်တွေ တပ်တော်ဝင်ဖို့ရှိမလားဆိုပြီး စောင့်စားရင်နဲ့မျှော်နေခဲ့မိပါတယ်...။ ဒါပင်မယ့် ကျွှန်တော့်မျှော်လင့်ချက်တိုင်းတော့ ဖြစ်မလာခဲ့ပါဘူး....။ ပိုဆိုးတာကတော့ ဘင်္ဂလားစစ်တပ်ရဲ့ လက်နက်ဝယ်ယူဖြည့်တင်းမှုသတင်းတွေ အတော်များများဖတ်လာရလို့ပါဘဲ...။

 မြန်မာ့တပ်မတော်ကို ခုခံကာကွယ်နိုင်ဖို့ အပြင်းထန်ကြိုးပမ်းနေတဲ့ ဘင်္ဂလားရဲ့ လက်နက်စနစ်ဖြည့်တင်းမှုပုံစံကတော့ တပ်မတော်ရှိ လက်နက်နည်းပညာတွေအတိုင်း ပိုင်ဆိုင်ဖို့ ကြိုးပမ်းမှုဘဲဖြစ်ပါတယ်...။ MBT-2000 တင့်တွေကို ၂၀၀၉ခုနှစ်အစောပိုင်းကတည်းက ပိုင်ဆိုင်တဲ့ တပ်မတော်ကို ယှဉ်နိုင်ဖို့ MBT-2000 တင့်တွေကို ဝယ်ယူရင်း ၂၀၁၂ခုနှစ်မှာ ပိုင်ဆိုင်ခဲ့ကြပါတယ်...။မိမိတို့ တပ်မတော်ရဲ့ စစ်လက်နက်နည်းပညာအတိုင်း တိုးချဲ့နိုင်ဖို့ ကြိုးပမ်းမှုများကြောင့် ဘစစ်တပ်ဝယ်ယူတဲ့ လက်နက်စနစ်တွေအကြောင်း လေ့လာကြည့်မိပါတယ်...။ထူးထူးခြားခြားရယ်လို့တော့ ဘာမှမရှိပါဘူး..။

ဘင်္ဂလားစစ်တပ်ဝယ်ယူသည့် လက်နက်စာရင်း-
၁.Nora B52 K2
၂.BOV M11
၃.Cobra
၎.Metis M-1
၅.PF-98 စသည်ဖြင့် တရားဝင်ကျေညာထားပါတယ်...။ တစ်ခုချင်းဆီ တင်ပြပေးပါ့မယ်...။

 ဘင်္ဂလားစစ်တပ်ရှိ Nora B52 K2 ၁၅၅မမ ယာဉ်တင်အမြောက်
Nora B52 K2ဟာ ၁၅၅မမ ယာဉ်တင်အမြောက်စနစ်ဖြစ်ပြီးတော့ ဆာဘီးယားတပ်မတော်ထုတ်ဖြစ်ပါတယ်..။ မူလ Nora B52 ကို အဆင့်မြှင့်တင်ထားပြီး  SAGEM Sigma 30စနစ်တပ်ဆင်ထားတယ်လို့ ဆိုပါတယ်။ နိုရာ ဘီ၅၂ ယာဉ်တင်အမြောက်ကို အစီးရေ ၁၈စီးဝယ်ယူထားပြီး ဘင်္ဂလားစစ်တပ်ရဲ့ ပထမဆုံးသော ၁၅၅မမအမြောက်စနစ်ဖြစ်လာပါတယ်။

မြန်မာ့တပ်မတော်ရှိ Nora B52 ၁၅၅မမ ယာဉ်တင်အမြောက်
 မြန်မာ့တပ်မတော်ရှိ SH-1 ၁၅၅မမ ယာဉ်တင်အမြောက်

နှိုင်းယှဉ်ချက်။ ။ မြန်မာ့တပ်မတော်အနေဖြင့် Nora B52 155mm SPG တွေကို ၂၀၀၇-၀၈ ခုနှစ်များကတည်းက စတင်အသုံးပြုခဲ့တယ်လို့ သိရပြီး အစီးရေ (၃၀)နှင့်အထက် ပိုင်ဆိုင်ထားပါတယ်...။ မြန်မာ့တပ်မတော်ရဲ့ ပထမဆုံး ယာဉ်တင်အမြောက်စနစ်ဖြစ်ပြီးတော့ SH-1 ၁၅၅မမ ယာဉ်တင်အမြောက်များကတော့ ဒုတိယ ယာဉ်တင်အမြောက်စနစ်လို့ သိရပါတယ်...။
ဘင်္ဂလားစစ်တပ်ရှိ BOV M11 သံချပ်ကာယာဉ်

BOV M11 (၄×၄) ဘီးတပ်သံချပ်ကာယာဉ်များဟာလည်း ဆားဘီးယာဉ်တပ်မတော်ထုတ်များပင်ဖြစ်ပြီး ပင်မလက်နက်စနစ်အဖြစ် ယာဉ်အတွင်းမှထိန်းချုပ်ပစ်ခတ်နိုင်သည့် ၁၂.၇မမ စက်ကြီးတပ်ဆင်ထားကာ ဒုတိယလက်နက်အဖြစ် ၇.၆၂ စက်ကလေးတပ်ဆင်ထားပါတယ်...။ နေ့၊ညမရွေးပစ်ခတ်နိုင်စေရန်အတွက် ပစ်မှတ်ပြစနစ်များတပ်ဆင်ထားပြီး ၃၀မမ ဗုံးပစ်လောင်ချာများတပ်ဆင်ထားတယ်လို့ သိရပါတယ်...။
Otokar Cobra သံချပ်ကာယာဉ်ကတော့ တူရကီတပ်မတော်ထုတ်ဖြစ်ပြီး အပေါ့စားသံချပ်ကာယာဉ်ဖြစ်ပါတယ်...။ အသုံးပြုတဲ့ နိုင်ငံအတော်များများမှာတော့ ကင်းလှည့်၊လုံခြုံရေးအနေဖြင့်သာ အသုံးပြုကြတာများပါတယ်...။ ဆူပူမှုမကြာခဏဖြစ်တဲ့ ဘင်္ဂလားအတွက်တော့ အမှန်တကယ်လိုအပ်တဲ့ ကင်းလှည့်ယာဉ်အမျိုးအစားပါ..။

နှိုင်းယှဉ်ချက်။ ။ မြန်မာ့တပ်မတော်တွင် သံချပ်ကာယာဉ်များအနေဖြင့် ပြည်တွင်းထုတ် သံချပ်ကာယာဉ်များ အများအပြားပိုင်ဆိုင်ထားပြီး MAV-2 MK2 နှင့် ULARV-2 (Utility Light Armoured Reconnaissance Vehicle) ဘက်စုံသုံး အပေါ့စား ကင်းထောက်သံချပ်ကာယာဉ်များ ပိုင်ဆိုင်ထားရာ ဘစစ်တပ်၏ သံချပ်ကာယာဉ်ဖြည့်တင်းမှုသည့် တပ်မတော်အတွက် မပြောပလောက်သော အတားဆီးတစ်ခုသာလျှင် ဖြစ်ပါသည်..။

မြန်မာ့တပ်မတော်ထုတ် MAV-2 MK2 သံချပ်ကာယာဉ်
မြန်မာ့တပ်မတော်ထုတ် ULARV-2 သံချပ်ကာယာဉ်
Metis M-1နှင့် PF-98 တင့်ဖျက်ဒုံး
 Metis M-1 တင့်ဖျက်ဒုံးဟာ ရုရှားတပ်မတော်သုံး တင့်ဖျက်ဒုံးစနစ်တစ်ခုဖြစ်ပြီးတော့ အကွာအဝေး(၂)ကီလိုမီတာထိ ပစ်ခတ်နိုင်ပါတယ်...။ ရုရှားရဲ့ နာမည်ကျော်တင့်ဖျက်ဒုံးတစ်မျိုးဖြစ်ပါတယ်...။
PF-98 တင့်ဖျက်ဒုံးကတော့ တရုပ်တပ်မတော်သုံး တင့်ဖျက်ဒုံးပါ ထိရောက်မှုအကွာအဝေး အမြှင့်ဆုံး ၁.၈ ကီလိုမီတာရှိပါတယ်...။

နှိုင်းယှဉ်ချက်။ ။ မြန်မာ့တပ်မတော်ရှိ တင့်ဖျက်များအနက် konkurs တင့်ဖျက်ဒုံးအနေဖြင့် (၄) ကီလိုမီတာရှိ ပစ်မှတ်များကို ကောင်းစွာချေမှုန်းနိုင်ပြီး Kornet တင့်ဖျက်ဒုံး များကိုတော့ ၂၀၀၆ခုနှစ်ဝန်းကျင်များကတည်းက အသုံးပြုနေပြီးဖြစ်ပါတယ်...။ ထို့အပြင် နာမည်ကျော်  Carl Gustav ကဲ့သို့သော နာမည်ကျော်  တင့်နှင့်ဘန်ကာဖျက်လက်နက်စနစ်များကိလည်း ပြည်တွင်းတွင်ပင် ထုတ်လုပ်နိုင်ပြီးဖြစ်ရာ ဘင်္ဂလားစစ်တပ်၏ တင့်နှင့် သံချပ်ကာယာဉ်များကို များစွာခြောက်လှန့်လျက်ရှိပါသည်..။
konkurs M တင့်ဖျက်ဒုံး
Kornet  တင့်ဖျက်ဒုံး
အထက်ပါဖော်ပြထားတဲ့ အချက်လက်တွေကို ပြန်ကြည့်လိုက်မယ်ဆိုရင်တော့ ဘင်္ဂလားဒေ့်စစ်တပ်ရဲ့ လက်နက်ဝယ်ယူဖြည့်တင်းမှုဟာ တပ်မတော်ရှိ လက်နက်စနစ်များကို အားကျပြီး အပြင်းထန်ကြိုးပမ်းဝယ်ယူနေကြတယ်ဆိုတာ သိသာတဲ့အချက်ပါ...။ ဒီနေရာမှာတော့ လက်နက်စနစ်ချင်းကိုသာ ယှဉ်ပြထားတာဖြစ်ပြီးတော့ ဗျုဟာပိုင်းဆိုင်ရာအသုံးချမှုတွေကိုတော့ နောက်မှဘဲ ဖော်ပြပေးပါ့မယ်...။ ဒီလောက်ဆိုရင် ဘင်္ဂလားရဲ့ အင်အားတိုးချဲ့မှုဟာ တပ်မတော်အတွက် မပြောပလောက်တဲ့ ကိစ္စတစ်ရပ်သာလျှင်ဖြစ်တယ်ဆိုတာ အားလုံးဘဲ သိရှိနိုင်ကြမယ်ထင်ပါတယ်ခင်ဗျာ....။

(မိမိတစ်ဦးတည်း၏ လေ့လာမှုနှင့်သုံးသပ်ချက်သာဖြစ်ပြီး အချက်လက်အမှားများရှိပါက ဝေဖန်ထောက်ပြပေးနိုင်ပါတယ်...။)

Wednesday, December 25, 2013

PCC 772 နစ်မြုပ်ခြင်း၂ (သို့) အသေးစား ရေငုပ်သင်္ဘောများ


တောင်ကိုရီးယား စစ်သင်္ဘော ချောင်နန် နစ်မြုပ်ရခြင်းမှာ အဓိက လက်သည် တရားခံလို့ ယူဆကြတဲ့ Yono အတန်းအစား ရေငုပ်သင်္ဘော ငယ်လေးတွေ အကြောင်းပါ။ မြောက်ကိုရီးယားဟာ သူ့ရဲ့ ရေပြင်ပိုင်နက်ကို ကာကွယ်ဖို့ ခေတ်မှီတဲ့ စစ်သင်္ဘောကြီးတွေ ရေငုပ်သင်္ဘောကြီးတွေ အမြောက်အများ မပိုင်ဆိုင်ပါဘူး။ သူ့မှာရှိနေတဲ့ Sang-O၊ Yogo စတဲ့ ယူကိုစလားဗီးယား နိုင်ငံက တည်ဆောက်ပေးတဲ့ ရေငုပ်သင်္ဘော ငယ်လေးတွေနဲ့ ဒုတိယကမ္ဘာစစ်မျိုးဆက် ရေငုပ်သင်္ဘော တွေပဲ ရှိတာပါ။ မြန်မာနိုင်ငံ အာဇာနည်ကုန်း ဗုံးခွဲတုန်းက ကွန်မင်ဒိုတွေ လာချပေးတဲ့ စစ်ဆင်ရေးလိုမျိုး ကွန်မင်ဒိုတွေ သယ်ဆောင်ဖို့ Sang-O အတန်းအစားတွေကို အဓိကထားသုံးပါတယ်။ (မြန်မာပြည် စစ်ဆင်ရေးတွင် ၎င်းအမျိုးအစားများ သုံးသည်ဟု ဆိုလိုသည် မဟုတ်ပါ)။ Yogo အတန်းအစား အငယ်စားတွေ၊ ၂၀၀၀ခုနှစ်နောက်ပိုင်း Yono အတန်းအစား အငယ်စားတွေကို အများဆုံး အသုံးပြုပါတယ်။ 

ဒုတ်ိယကမ္ဘာစစ် ဂျပန်ရေတပ်သုံး TypeA အမျိုးအစား ရေငုပ်သင်္ဘောငယ်
သည်လို ရေငုပ်သင်္ဘော အငယ်စားတွေကို Midget အတန်းအစား ရေငုပ်သင်္ဘောတွေလို့ ယျေဘူယျ ခေါ်ဆိုကြပါတယ်။ ကမ္ဘာပေါ်မှာ မြောက်ကိုရီးယား၊ ယူကိုဆလားဘီးယား၊ အီရန်၊ စတဲ့ ရေတပ်ငယ်လေးတွေက စစ်ဆင်ရေးအတွက် အဓိက သုံးကြပြီး၊ အခြား ခေတ်မှီ ရေတပ်မတော်တွေမှာတော့ ကင်းထောက်ဖို့၊ သုတေသနပြုဖို့နဲ့ မိုင်းခင်းဖို့ သုံးကြသလို၊ ပင်လယ်ဓါးပြတွေ၊ မူးရစ်ဆေးဝါး ဂိုဏ်းတွေ၊ သူပုန်တပ်ဖွဲ့လို အဖွဲ့တွေကလဲ သယ်ယူပို့ဆောင်ရေး အတွက် သုံးကြတဲ့ အဖိုးနဲ ဝန်ပါ ရေငုပ်သင်္ဘောငယ်တွေ ဖြစ်ပါတယ်။
midget အတန်းအစား ရေငုပ်သင်္ဘောငယ်
Midget အတန်းအစား ရေငုပ်သင်္ဘောငယ်တွေဟာ ဒုတိယ ကမ္ဘာစစ်မှာ ထင်ရှားခဲ့တာ ဖြစ်ပြီး ဂျပန်နဲ့ ဂျာမနီတို့က ထိထိရောက်ရောက် အသုံးချခဲ့ကြပါတယ်။ တန်၁၅၀အောက်သာ ရှိတဲ့ သင်္ဘောငယ်လေးတွေ ဖြစ်ပြီး အများဆုံး တော်ပီတို ၄လုံးထိသာ သယ်နိုင်ကြပါတယ်။အချို့က ၂လုံး၊ အချို့က တစ်လုံးမှ မသယ်နိုင်ကြပါဘူး၊ ရေနက်နက်ထဲ မငုပ်နိုင်၊ အကွာအဝေး ရေမိုင် ၁၀၀ဝန်းကျင်သာ စစ်ဆင်နိုင်တာမို့ ထောက်ပံ့ရေးသင်္ဘော မိခင် သင်္ဘောနဲ့ (သာမန်သင်္ဘော သို့မဟုတ် ရေငုပ်သင်္ဘောကြီး) တွဲဘက် တာဝန်ထမ်းဆောင်ကြရပါတယ်။ အမြန်နုန်းလဲ သိပ်မရှိတာကြောင့် ရန်သူ့ရဲ့ စစ်ဆင်ရေးဆင်းနေတဲ့ စစ်သင်္ဘောတွေကို တိုက်ခိုက်ဖို့ မလွယ်ကူပါဘူး။ ရန်သူရဲ့ နောက်ပိုင်း ပို့ဆောင်ရေး လမ်းကြောင်းတွေ၊ ဆိပ်ကမ်းတွေ၊ ကျောက်ချ ရပ်နားထားတဲ့ သင်္ဘောတွေကို တိုက်ခိုက်ရာမှာ သုံးကြပါတယ်။ အင်္ဂလန် ရေလက်ကြားက ဂျာမန်ယူဘုတ်တွေနဲ့ ပုလဲဆိပ်ကမ်း တိုက်ပွဲက ဂျပန် ရေငုပ်သင်္ဘောငယ်တွေဟာ ထင်ရှားပါတယ်။ အချို့ သင်္ဘော ငယ်တွေကို မိုင်းစစ်ဆင်ရေးတွေမှာ အသုံးပြုပါတယ်။
သင်္ဘောကို မောင်းနှင်ဖို့ သင်္ဘောသား ၂ဦးကနေ ၄ဦးထိသာ လိုအပ်ပြီး အချို့ကို တစ်ဦးတည်းကနေ မောင်းနှင်နိုင်ပါတယ်။ အပို သယ်ဆောင်နိုင်တဲ့ လူဦးရေ ၁၀ယောက်လောက် တင်ဆောင်နိုင်ပြီး၊ တော်ပီတို ၂လုံးကနေ ၄လုံးထိ ယေဘူယျ သယ်နိုင်ပါတယ်။ 
 

တောင်မြောက် ကိုရီးယား စစ်ပွဲတွေထဲက ထင်ရှားထဲ ရေငုပ်သင်္ဘော ငယ်အမျိုးအစားတစ်ခုဟာ Yugo အတန်းအစား များဖြစ်ပါတယ်။ Sung-O အတန်းအစားတွေဟာ တန် ၂၅၀အထက်မှာ ရှိတာမို့ ရေငုပ်သင်္ဘောကြီးစာရင်းဝင်ပေမယ့် သူတို့လဲ သီးခြား လွတ်လပ်စွာ စစ်ဆင်ရေး မလုပ်နိုင်ပါဘူး။ ဒါ့ကြောင့် တန်၁၅၀အောက် Midget အတန်းအစား Yugo အတန်းအစားတွေကိုပဲ ဖေါ်ပြလိုက်ပါတယ်။ ဒီအမျိုးအစား ရေငုပ်သင်္ဘော ငယ်လေးတွေဟာ တောင်ကိုရီးယား ရေပိုင်နက်ထဲကို အကြိမ်ကြိမ် ဝင်ထွက် စစ်ဆင်ခဲ့တဲ့ အမျိုးအစားဖြစ်ပါတယ်။ အစင်း၄၀နီးပါး တာဝန်ထမ်းဆောင်ခဲ့ပြီး ၆စင်းဟာ တောင်ကိုရီးယားရဲ့ ဖမ်းဆီးခြင်း ခံခဲ့ရပါတယ်။ Yugo ဆိုတာ ယူကိုစလားဗီးယား နိုင်ငံက တည်ဆောက်ပေးခဲ့တာ ကြောင့် နာမည်တွင်ခဲ့တာ ဖြစ်ပါတယ်။ ယူကိုစလားဗီးယားနိုင်ငံရဲ့ ၈၈တန်ရှိ Una အတန်းအစား မိုင်းခင်း ရေငုပ်သင်္ဘောငယ်ကို တော်ပီတို သယ်ဆောင်ပစ်ခတ်နိုင်အောင်နဲ့ ကွန်မင်ဒိုတွေ သယ်ဆောင်နိုင်အောင် ပြင်ဆင်တည်ဆောက်ပေးခဲ့တာပါ။ အရှည် မီတာ၂၀၊ အမြင့် ၂မီတာ အလေးချိန် တန်၁၁၀ လေးတဲ့ Yugo အတန်းအစားတွေဟာ ရေအောက် မီတာ ၁၀၀လောက်ထိ ငုပ်နိုင်ပြီး ရေပေါ်မှာ တစ်နာရီ ရေမိုင်၁၀မိုင်၊ ရေအောက်မှာ တစ်နာရီ ရေမိုင် ၄မိုင်နုန်းလောက်သာ မောင်းနှင်နိုင်ပါတယ်။ အဝေးဆုံး အကွာအဝေး ရေမိုင် ၁၀၀ကျော်ထိ စစ်ဆင်နိုင်ပြီး ၅၃၀မမ တော်ပီတို ၂လုံး ဒါမှမဟုတ် ကွန်မင်ဒို ၆ယောက်ကို သယ်ဆောင်ပေးနိုင်ပါတယ်။ မြောက်ကိုရီးယားရေတပ်မှာ ၁၉၆၀ ကျော်နှစ်များက တာဝန်ထမ်းဆောင်ခဲ့ပြီး ၁၉၉၇ခုနှစ်မှာတော့ ဗီယက်နမ်ဆီကို ၂စင်း၊ ၂၀၀၇မှာတော့ အီရန်ဆီကို အရေအတွက် မသိရ ရောင်းချပေးနိုင်ခဲ့ပါတယ်။ ဗီယက်နမ်ရေတပ်ကတော့ ၂၀၁၂ခုနှစ်မှာ ဒီသင်္ဘောတွေကို အနားပေးခဲ့ပြီး အီရန်ရေတပ်ကတော့ သည်သင်္ဘောတွေဆီကနေ ပုံတူဆင့်ပွားပြီး ကိုယ်ပိုင် ရေငုပ်သင်္ဘောငယ်တွေကို တည်ဆောက်နိုင်ခဲပါတယ်။
Una အတန်းအစား ရေငုပ်သင်္ဘောငယ်
မြောက်ကိုရီးယားကိုယ်တိုင် အဆင့်မြင့်တင် တည်ဆောက်ခဲ့ရာမှာ Yono အတန်းအစား သင်္ဘောငယ်တွေကို ထုတ်လုပ်နိုင်ခဲ့ပါတယ်။ အောင်မြင်ခဲ့တဲ့ ခုနှစ်ကို မသိပေမယ့် ၂၀၁၀ခုနှစ် ချောင်နန်သင်္ဘော လက်သည်ဟာ ဒီအတန်းအစား သင်္ဘောတွေလို့ ယူဆကြပါတယ်။ အရှည် ၂၉မီတာ၊ အမြင့် ၃မီတာသာ ရှိပြီး၊ အလေးချိန် တန်၁၃၀ကျော်ရှိတဲ့ ဒီသင်္ဘောတွေဟာ ရေအောက် မီတာ ၁၀၀ထိ ငုပ်နိုင်ပြီး ရေပေါ်မှာ တစ်နာရီ ရေမိုင်၁၁မိုင်၊ ရေအောက်မှာ တစ်နာရီ ရေမိုင် ၈မိုင်ထိ ခုတ်မောင်းလာနိုင်ပါတယ်။ ရေဒါစနစ်အချို့ပါ တပ်ဆင်ထားနိုင်ပြီး အဆင်မြင့် ဆက်သွယ်ရေး ကိရိယာတွေကို တပ်ဆင်ထားပါတယ်။ မောင်းနှင်ဖို့ လူ၂ဦးသာလိုတဲ့ Yono တွေဟာ ၅၃၃မမ တော်ပီတို ၂လုံး ဒါမှမဟုတ် ကွန်မင်ဒို ခြောက်ဦးထိ သယ်ဆောင်ကာ ရေမိုင် ၁၀၀ဝန်းကျင်ထိ စစ်ဆင်နိုင်ပါတယ်။

အီရန်ကတော့ Ghadir အတန်းအစား ရေငုပ်သင်္ဘောတွေကို ၂၀၀၇ခုနှစ်မှာ ထုတ်ဖေါ်ပြသခဲ့ပါတယ်။ သူ့ရဲ့ ရေလက်ကြား ကာကွယ်ရေးအတွက်တော့ သိပ်အသုံးဝင်တဲ့ ရေငုပ်သင်္ဘောတွေလို့ ခပ်ကြွားကြွားဆိုပါတယ်။ သူ့ရဲ့ ရေငုပ်သင်္ဘောတွေဟာ မြောက်ကိုရီးယားရေငုပ်သင်္ဘောတွေကို လေ့လာတည်ဆောက်တာမှန်ပေမယ့် တပ်ဆင်ထားတဲ့ စက်ပစ္စည်းအရရော အသွင်အပြင်အရပါ များစွာ ကွဲပြားတယ်လို့ ဆိုပါတယ်။ တန်၁၂၀လေးပြီး အရှည်မီတာ ၃၀၊ အမြင့် ၃မီတာ ရှိတဲ့ သည်ရေငုပ်သင်္ဘောတွေဟာ ရေအောက်မှာ တစ်နာရီ ရေမိုင် ၁၁ထိ မြန်မြန်သွားနိုင်လာပြီး ပတ်လည် ရေမိုင် ၁၀၀ကျော်ကို စစ်ဆင်နိုင်ပါတယ်။ မောင်းနှင်ဖို့ သင်္ဘောသား ၅ဦးကနေ ၇ဦးထိ လိုမှာဖြစ်ပြီး စုစုပေါင်း လူ၂၀လောက်ကို သယ်ဆောင်နိုင်ပါတယ်။ တော်ပီတို ၂လုံးအပါအဝင် မိုင်းများကိုပါ တပြိုင်တည်း သယ်ဆောင် တိုက်ပွဲဝင်လာနိုင်ပါတယ်။  အဆင့်မြင့် ဆိုနာတွေ ရေဒါတွေနဲ့ ဆက်သွယ်ရေး ကိရိယာတွေ တပ်ဆင်ထားပြီး ရော့ကတ် တော်င်္ပီတိုတွေကို တပ်ဆင် တိုက်ပွဲဝင်နိုင်တယ်လို့ ဆိုပါတယ်။ စုစုပေါင်း ၂၁စင်းဟာ အီရန်ရေတပ်မှာ တာဝန်ထမ်းဆောင်နေပါတယ်။ 

အီရန်တို့၏Ghadir ရေငုပ်သင်္ဘော

အများနဲ့မတူပဲ အစိမ်းနုရောင် အပြာရောင်စတဲ့ ထင်ရှားတဲ့ ဆေးသုတ်ထားတဲ့ သင်္ဘောတွေအဖြစ် လူသိများကြပါတယ်။ ကုန်ကျငွေ တန်ဖိုး ဒေါ်လာ သန်း၂၀ဝန်းကျင်သာ ရှိတဲ့ ဒီ ရေငုပ်သင်္ဘော အငယ်စားလေးတွေဟာ ထောက်ပံရေးသင်္ဘောတွေ၊ စစ်သင်္ဘောကြီးတွေနဲ့ တွဲဘက် တာဝန်ထမ်းဆောင်ရာမှာ အသုံးဝင်လှပါတယ်။ ကျနော်တို့ နိုင်ငံရဲ့ ဘင်္ဂလားပင်လယ်အော် ရေနက်ရေပြင်ကျယ်မှာတော့ အသုံးဝင်နိုင်မှု နဲပါးနိုင်ပေမယ့် တနင်္သာရီ ကျွန်းစုတွေနဲ့ ကမ်းလွန် ငါးဖမ်းလုပ်ကွက်တွေကို ကာကွယ်ဖို့နဲ့ ကပ္ပလီပင်လယ် တနင်္သာရီ ကမ်းလွန် ပင်လယ်ပြင်အတွက်တော့ သင့်တော်မယ့် အမျိုးစားတွေ ဖြစ်မယ်လို့ ယူဆမိပါတယ်။ ထွက်ပေါ်လာတဲ့ သတင်းတွေအရ ၂၀၁၉ထက် နောက်မကျစေပဲ အလေးချိန် တန်၂၂၀၀ ကျော်ရှိ Ming အတန်းအစား တရုတ်လုပ် ရေငုပ်သင်္ဘောတွေကို ရရှိနိုင်ဖို့ ဒေါ်လာသန်း၂၀၀ကျော်ဖိုး စာချုပ်နဲ့ ဘင်္ဂလားရေတပ်က ဝယ်ယူခဲ့ပါပြီ။ ကျနော်တို့နိုင်ငံ ဘဏ္ဏာရေး အခြေအနေအရ ယခုအချိန်မှာ အစောတလျင် စီမံဖို့ မဖြစ်နိုင်ပေမယ့် လစ်လျူရှုလို့ မရနိုင်တဲ့ ရေတပ်အတွက်လိုအပ်နေတဲ့ ရေငုပ်သင်္ဘောများအကြောင်းကို ဖတ်မိသလောက် တင်ပြလိုက်ရခြင်းဖြစ်ပါတယ်။ ကျန်ရှိနေတဲ့ ချောင်နန်သင်္ဘောကို ပစ်ခတ်ခဲ့တယ် ဆိုတဲ့ တော်ပီတို ကိုလဲ ဆက်လက်တင်ပြပေးသွားပါ့မယ်။ ကျန်းမာ ချမ်းသာကြပါစေ။

Sunday, December 22, 2013

PCC 772 နစ်မြုပ်ခြင်း












   ၂၀၁၀ခုနှစ် မတ်လ၂၆ရက် သောကြာည ကိုရီးယားစံတော်ချိန် ၉နာရီ၂၂မိနစ်မှာ ပင်လယ်ဝါထဲက တောင်-မြောက် ၂နိုင်ငံ ရေပိုင်နက်စပ်အနီး တောင်ကိုရီးယားပိုင် Baengnyeong ကျွန်းနဲ့ ရေမိုင်၁မိုင်ခန့်အကွာမှာ ကင်းလှည့်နေတဲ့ တောင်ကိုရီးယား ရေတပ် ရေငုပ်သင်္ဘောတိုက်ဖျက်ရေး ကော်ဗတ်အမျိုးအစား စစ်ရေယာဉ် ချောင်နန် Cheonan အနီးမှာ ပေါက်ကွဲမှုတစ်ခု ဖြစ်ပွားခဲ့ပြီး မိနစ်အနည်းငယ်အကြာ ည၉နာရီခွဲမှာတော့ နစ်မြုပ်သွားခဲ့ပါတော့တယ်။ လိုက်ပါသွားတဲ့ သင်္ဘောသား၁၀၄ဦးထဲက ၄၆ဦး အသက်ဆုံးခဲ့ပါတယ်။ မြောက်ကိုရီးယားကတော့ သူ့လက်ချက်မဟုတ်ဘူးလို့ လျင်လျင်မြန်မြန်ငြင်းဆိုလိုက်ပြီး စုံစမ်းစစ်ဆေးမှုတွေကို ပူးပေါင်းကူညီမယ်လို့ ကမ်းလှမ်းပါတယ်။ နိုင်ငံတကာက ကျွမ်းကျင်သူတွေနဲ့ စုံစမ်းစစ်ဆေးကြအပြီး အမေရိကန်အပါအဝင် အနောက်နိုင်ငံတွေက လက်သည်မပေါ်တဲ့ တိုက်ခိုက်မှုလို့ ဆုံးဖြတ်ပါတယ်။ တောင်ကိုရီးယားကတော့ ဒါဟာ မြောက်ကိုရီးယား ရေငုပ်သင်္ဘောက တော်ပီတိုနဲ့ တိုက်ခိုက်တာလို့ ဆိုပြီး နောက်ပိုင်းမှာ အထောက်အထားတွေ ထုတ်ပြခဲ့ပါတယ်။ တရုတ်နဲ့ ရုရှားကတော့ အထောက်အထားတွေဟာ ရေအောက်မှာ ၆လထက် မနဲကြာခဲ့တာတွေ ဖြစ်တယ်လို့ဆိုပြီး သင်္ဘောဟာ မိုင်းထိတာလို့ ဆိုပါတယ်။ မြောက်ကိုရီးယားကတော့ သူတိုက်ခိုက်တာ မဟုတ်ဘူးလို့ တောက်လျောက် ငြင်းဆိုပါတယ်။

PCC772 ချောင်နန်


ချောင်နန် သင်္ဘောဟာ ၈၈မီတာ ရှည်လျားပြီး တန်၁၂၀၀ရှိတဲ့ Pohang-class အတန်းအစား ဘက်စုံသုံး ကင်းလှည့် ကော်ဗတ်အမျိုးအစားဖြစ်ပြီး ရေငုပ်သင်္ဘော တိုက်ဖျက်ရေး ပူးတွဲစစ်ရေယာဉ်အဖြစ် တာဝန် ထမ်းဆောင်ပါတယ်။ AN/SQS-58 ဆိုနာစနစ်အပါအဝင် ရေဒါစနစ်တွေနဲ့ တွဲဖက်လို့  Mark46 တော်ပီတို ၆လုံး၊ Mark9 Depth charge ၁၂လုံး ပါဝင်တာကြောင့် လုံလောက်တဲ့ ရေငုပ်သင်္ဘော တိုက်ဖျက်ရေး လက်နှက်စနစ်တွေ ပါဝင်တယ်လို့ ဆိုရမှာဖြစ်ပါတယ်။ သင်္ဘောသား ၁၀၄ဦး တာဝန်ထမ်းဆောင်ပြီး ၇၆မမ OTO အမြောက်၂လက်၊ ၄၀မမ ဘရက်ဒါ ၂လက် အပြင် Harpoon သင်္ဘောဖျက် ဒုံးကျည် ၄လုံး တပ်ဆင်ထားပါတယ်။ 
A-အပြာလိုင်းသည် အမေရိကန်နှင့် တောင်ကိုရီးယားတို့ သတ်မှတ်သော မျဉ်း
B-အနီလိုင်းသည် မြောက်ကိုရီးယားတို့က သတ်ထားသော ပိုင်နက်မျဉ်း
2-Baengnyeong ကျွန်း
3-
Daecheong ကျွန်း

လွန်ခဲ့တဲ့ ၂၀၀၉ခုနှစ်တုန်းကတော့ အနီးက Daecheong ကျွန်းနားကို မြောက်ကိုရီးယားရဲ့ ကင်းလှည့် ရေယာဉ်ဝင်ရောက်ခဲ့တာကြောင့် အပြန်အလှန် ပစ်ခတ်ကြပြီး မြောက်ကိုရီးယားရဲ့ သင်္ဘောငယ်နစ်မြုပ်ပြီး သင်္ဘောသား ၁၀ဦး သေဆုံးခဲ့ပါတယ်။ ၁၉၉၉ခုနှစ်ကလဲ အလားတူ အဖြစ်မျိုး အနီးနား ရေပိုင်နက်မှာဖြစ်ပွားခဲ့ပြီး မြောက်ကိုရီးယား သင်္ဘောနစ်မြုပ်ပြီး သင်္ဘောသား ၃၀သေဆုံးခဲ့ရဘူးပါတယ်။ ဒါ့ကြောင့် လက်စားချေ စစ်ဆင်ရေးများလား ဆိုပြီး တောင်ကိုရီးယားဘက်က သံသယကြီးမားတာဖြစ်ပါတယ်။ သို့သော်လည်း အဲဒီအချိန်က တောင်နဲ့မြောက် ပေါင်းစည်းရေး အရှိန်မြင့်တက်နေချိန်မို့ တွေးဆစရာတွေ များစွာရှိနေခဲ့တာကြောင့် စစ်မဖြစ်ခဲ့ကြတာဖြစ်ပါတယ်။

မဖြစ်ပွားမီ နာရီအနည်းငယ် အလိုတုန်းက ချောင်နန် သင်္ဘောကနေ ပစ်ခတ်မှုတစ်ခု ရှိခဲ့ပေမယ့် ဒါဟာ ရေဒါပေါ်မှာ တွေ့ရတဲ့ မသင်္ကာစရာပစ်မှတ်ကိုသာ ပစ်ခတ်ခဲ့တာဖြစ်ပြီး မြောက်ကိုရီးယားက သင်္ဘော ဒါမှမဟုတ် ရေငုပ်သင်္ဘောဖြစ်တယ်လို့ အထောက်အထားလဲ မရှိသလို သူတို့လဲ မယုံကြည်ဘူးလို့ သင်္ဘောသားတွေက ဆိုပါတယ်။ မတ်လ ၂၄ရက်နေ့မှာ ပြုလုပ်တဲ့ အမေရိကန် တောင်ကိုရီးယား ဆွေးနွေးပွဲမှာတော့ မြောက်ကိုရီးယားဘက်က တိုက်ခိုက်လာနိုင်တယ်ဆိုတဲ့ အကြောင်း အမေရိကန် ရေတပ်ဗိုလ်ချုပ်က သတိပေးခဲ့ပါသေးတယ်။ ဖြစ်ပွားပြီး ချက်ချင်းပဲ တောင်ကိုရီးယားဘက်က ဒါဟာ မြောက်ကိုရီးယားက တော်ပီတိုနဲ့ တိုက်ခိုက်တာလို့ ပြောခဲ့ပေမယ့် မြောက်ကိုရီးယားက သူတို့မှာ သည်လိုသင်္ဘောမျိုးကို တိုက်ခိုက်နိုင်တဲ့ အဆင့်မြင့် ရေငုပ်သင်္ဘောမရှိဘူး၊ သည်လောက် ပြင်းထန်တဲ့ တော်ပီတိုလဲ မရှိဘူးလို့ ငြင်းဆိုခဲ့ပါတယ်။ ယခင်သိခဲ့ပြီးတဲ့ မြောက်ကိုရီးယား ရေငုပ်သင်္ဘောတွေဟာ ဆိုဗီယက်နဲ့ တရုတ်တို့ရဲ့ စစ်အေးကာလနဲ့ ဒုတိယကမ္ဘာစစ် လက်ကျန်မျိုးဆက် ရေငုပ်သင်္ဘောတွေသာ ဖြစ်ပြီး မြောက်ကိုရီးယားထုတ် ရေငုပ်သင်္ဘောငယ်တွေကလဲ ယေဘူယျအားဖြင့် တိုက်ခိုက်နိုင်ဖွယ် မရှိဘူးလို့ ယူဆဖွယ်ရာရှိပါတယ်။ 
ချောင်နန်သင်္ဘော နစ်မြုပ်သွားပုံ အဆင့်ဆင့်

ဧပရယ်လထဲမှာ နစ်မြုပ်သွားတဲ့ သင်္ဘောကို ဆယ်ယူခဲ့တဲ့အပြင် ကနေဒါ၊ အမေရိကန်၊ ဗြိတိန်၊ စတဲ့ အနောက်နိုင်ငံက ပူးပေါင်း စုံစမ်းမှုတွေအပြင်၊ ရုရှား၊ တရုတ် စတဲ့ နိုင်ငံတကာက ကျွမ်းကျင်သူတွေပါ ပါဝင် ပူးပေါင်း စုံစမ်းမှုတွေ ပြုလုပ်ခဲ့ပြီး ဧပရယ်လထဲမှာပဲ တောင်ကိုရီးယား၊ အမေရိကန် ပူးပေါင်းအဖွဲ့က ရေယာဉ်ကို တိုက်ရိုက်ထိမှန်တဲ့ ပေါက်ကွဲမှုမဟုတ်ပဲ ရေယာဉ်အနီးကနေ ပေါက်ကွဲတဲ့ အရှိန်ကြောင့် (bubble jet effect) ကြောင့် သင်္ဘောကျိုးပြီး နစ်မြုပ်ခဲ့တာလို့ ဆိုပါတယ်။ မေလထဲမှာတော့ ရှာဖွေရေး အဖွဲ့တွေက ပေါက်ကွဲတဲ့ ယမ်းအမျိုးအစားဟာ TNT ထက် အဆများစွာပြင်းတဲ့ RDX အမျိုးအစား ပေါက်ကွဲစေတတ်တဲ့ ပစ္စည်းဖြစ်ပြီး နစ်မြုပ်သွားတဲ့ သင်္ဘောနားမှာ တော်ပီတို နောက်မြီးတစ်ခုကိုလဲ တွေ့ရှိခဲ့ပါတယ်။ 
ပြသခဲ့သည့် တော်ပီတို အပိုင်းအဆ

မေလ၂၀ရက်နေ့မှာတော့ တောင်ကိုရီးယားက စုံစမ်းရေး အဖွဲ့တွေက အကျဉ်းချုပ် ထုတ်ပြန်မှုလုပ်ခဲ့ပြီး ချောင်နန်သင်္ဘောဟာ တော်ပီတိုကြောင့် နစ်မြုပ်ခဲ့တာဖြစ်ပြီး၊ တွေ့ရှိတဲ့ တော်ပီတို နောက်မြီးမှာ ယခင် မြောက်ကိုရီးယား တော်ပီတိုတွေကလို အမှတ်အသားတွေ့ရတယ်။ ဒါ့အပြင် တော်ပီတိုဟာ မြောက်ကိုရီးယားရဲ့ CHT-02D အမျိုးအစား တော်ပီတိုဖြစ်ပြီး ထောက်လှမ်းရေး အစီရင်ခံစာတွေအရ Yono သို့မဟုတ် Sang-O အတန်းအစား မြောက်ကိုရီးယား ရေငုပ်သင်္ဘော ၁စင်း သို့မဟုတ် ၂စင်းဟာ ပင်မထောက်ပံ့ရေး သင်္ဘောနဲ့အတူ မတ်လ၂၃ရက်နေ့မှာ စခန်းကနေ စတင်ထွက်ခွာခဲ့ပြီး မတ်လ ၂၈ရက်မှာ စခန်းကို ပြန်လည်ဝင်ရောက်ခဲ့တယ် ဆိုပါတယ်။ 
 တောင်ကိုရီးယားက ပုံဖေါ်ပြသခဲ့တဲ့ ဗွီဒီယိုပြကွက်တွေအရ မြောက်ကိုရီးယား ရေငုပ်သင်္ဘောငယ်ဟာ တောင်ကိုရီးယား ရေပိုင်နက်ထဲကို ဝင်ပြီး ချောင်နန်သင်္ဘောရဲ့ လမ်းကြောင်းကို ရေအောက် မီတာ ၄၀-၅၀လောက်ကနေ စောင့်ကြည့်နေခဲ့ပြီး သင်္ဘောလှည့်တဲ့အချိန်မှာ ရေအောက်မီတာ ၃၀၊ အကွာအဝေး ရေမိုင် ၁မိုင်ခွဲလောက်ကနေ အချိန်ကိုက် ပစ်ခတ်တိုက်ခိုက်ခဲ့တာဖြစ်တယ်လို့ ဆိုပါတယ်။ ဒါ့အပြင် သင်္ဘောကို တိုက်ရိုက် ထိမှန်ပေါက်ကွဲစေတာမဟုတ်ပဲ TNT ယမ်း ၂၅၀ကီလိုဂရမ်ပေါက်ကွဲအားနဲ့ သင်္ဘောအောက် ၆မီတာကနေ ၉မီတာ လောက်မှာ ဖေါက်ခွဲပစ်ခဲ့တာဖြစ်ပြီး အဲဒီပေါက်ကွဲတဲ့ အရှိန်နဲ့ သင်္ဘောမှာ ဆိုးဆိုးရွားရွား ပျက်စီးခဲ့တာလို့ ဆိုပါတယ်။ ချောင်နန်သင်္ဘောကနေ ချက်ချင်း ပြန်လည် ပစ်ခတ်မှုတွေ ပြုခဲ့သေးပေမယ့် ၅မိနစ်အတွင်းမှာပဲ ထက်ပိုင်းကျိုးနစ်မြုပ်သွားခဲ့တယ်လို့ ဆိုပါတယ်။ မြောက်ကိုရီးယားကတော့ တောင်ကိုရီးယားပြတဲ့ မှန်ပေါင်ထဲက တော်ပီတို အစုတ်ကို လာကြည့်ပြီး မှတ်ချက်တွေပေးကြတဲ့ အနောက်နိုင်ငံက ပညာရှင်တွေကို ပြင်းပြင်းထန်ထန် ရှုံ့ချ တိုက်ခိုက် လှောင်ပြောင်ခဲ့ပါတယ်။ တောင်ကိုရီးယားက ဒါဟာ နမူနာကိုသာ ပြထားခြင်းဖြစ်ပြီး တကယ်တွေ့ရတဲ့ တော်ပီတို အစစ်ကို ထုတ်မပြဘူးလို့ ဆိုပါတယ်။ 

 

ဒလက်၅ခုပါ တော်ပီတို နောက်မြီးက အက္ခရာ အမှတ်အသားဟာ မြောက်ကိုရီးယားရဲ့ အမှတ်အသားဖြစ်ပြီး ထုတ်ပြခဲ့တဲ့ဆီမှာ နံပတ်၎ဖြစ်ပြီး တကယ်တွေ့ရတာ နံပတ်၁လို့ ဆိုပါတယ်။ တရုတ်ကတော့ သည်ထုတ်ပြန်ချက်ကို ချက်ချင်းငြင်းဆိုပြီး အထောက်ထားမဲ့ စွပ်ဆွဲတာတွေ အပေါ် ကန့်ကွက်ခဲ့ပါတယ်။
မြောက်ကိုရီးယားက တိုက်ခိုက်ခဲ့ပုံ မှန်းဆချက်

တရုတ်ကတော့ ချောင်နန်ဟာ တောင်ကိုရီးယားနဲ့ အမေရိကန်တို့ရဲ့ ရေငုပ်သင်္ဘော တိုက်ဖျက်ရေး မိုင်းနဲ့ ထိတာဖြစ်နိုင်တယ်လို့ ဆိုပါတယ်။ သည်လိုဖျက်အားပြင်းတဲ့ မိုင်းတွေဟာ အမေရိကန်လုပ်တွေပဲ ဖြစ်လေ့ရှိပြီး တော်ပီတိုကြောင့်ဆိုရင် သင်္ဘောနဲ့ တော်ပီတို ထိမှန်မှသာ ပျက်စီးရမှာလို့ ဆိုပါတယ်။ ဒါ့အပြင် ရေမိုင် ၄၀-၅၀နုန်းလောက် နဲ့လာမယ့် တိုပီတိုဟာ ခုလို ရေမိုင် ၃၀နီးပါးနဲ့ ခုတ်မောင်းနေတဲ့ အဆင့်မြင့် စစ်ရေယာဉ် တစ်စစ်းကို တိုက်ခိုက်ဖို့ မလွယ်ကူသလို တကယ် ထိမှန်ခဲ့ရင်တောင် အဲဒီတော်ပီတိုဟာ အစလိုက်ကောက်လို့ မရနိုင်ဘူးလို့ ငြင်းဆိုပါတယ်။ မြောက်ကိုရီးယားမှာလဲ အဆင့်မြင့် ရေငုပ်သင်္ဘောတွေ မရှိသလို ခုလောက် ပြင်းထန်မယ့် အဆင့်မြင့် တော်ပီတိုတွေ မရှိနိုင်တဲ့အပြင် တောင်ကိုရီးယားရဲ့ သင်္ဘောက မြောက်ကိုရီးယားရဲ့ ရေငုပ်သင်္ဘောကို မတွေ့ခဲ့ပဲ တိုက်ခိုက်ခံရဖို့ဆိုတာ အလွန်ဖြစ်နိုင်ချေနဲတယ်လို့ ဆိုပါတယ်။

ဂျွန်လထဲမှာ ရုရှားအဖွဲ့ရဲ့ စုံစမ်းမှုတွေကို ပြသခဲ့ပြီး တောင်ကိုရီးယားက အားလုံးကို ပယ်ချခဲ့ပါတယ်။ ဂျူလိုင်မှာ ထုတ်ပြတဲ့ ရုရှားတွေ့ရှိမှုတွေထဲမှာ ချောင်နန်သင်္ဘောဟာ စစ်ကျန် မိုင်းတစ်လုံးကြောင့် နစ်မြုပ်ခဲ့ပုံရတယ်လို့ ဆိုပါတယ်။ ဒါ့အပြင် တောင်ကိုရီးယား တွေ့ရတဲ့ တော်ပီတို အစိတ်အပိုင်းတွေဟာ ရေအောက်မှာ အနည်းဆုံး ၇လနဲ့အထက် ကြာနေတဲ့ ပစ္စည်းတွေလို့လဲ ဆိုပါတယ်။
သြဂုတ်လထဲမှာတော့ နယူးရောက်တိုင်း သတင်းစာမှာ အဆုံးသတ် အစီရင်ခံစာ ထွက်ပေါ်လာခဲ့ပြီး တော်ပီတိုကြောင့် နစ်မြုတ်တယ်ဆိုတာကို အတည်ပြုခဲ့ပေမယ့် မြောက်ကိုရီးယားက တိုက်ခိုက်တယ်လို့ စွပ်ဆွဲချက်တွေ အားလုံးကို အဖြစ်နိုင်ဆုံး မှန်းဆချက် အနေနဲ့သာ ထည့်သွင်းထားပါတယ်။ စက်တင်ဘာ ၁၃ရက်မှာ ထွက်လာတဲ့ အစီရင်ခံစာ အပြည့်အစုံမှာလဲ အမည်မသိ တိုက်ခိုက်ခံရမှုလို့သာ သတ်မှတ်ခဲ့ကြပါတယ်။
Yono နှင့်အတန်းအစားတူ အသေးစား ရေငုပ်သင်္ဘောပုံစံငယ်
ဒါပေမယ့် ၂၀၁၁မှာ တောင်ကိုရီးယားဘက်ကို သစ္စာခံ ဝင်ရောက်လာတဲ့ မြောက်ကိုရီးယား အစိုးရအဖွဲ့ဝင် အချို့ရဲ့ ထွက်ဆိုချက်တွေမှာ ချောင်နန်ကို တိုက်ခိုက်ခဲ့တဲ့ ရေငုပ်သင်္ဘောရဲ့ အဖွဲ့သား ၄ဦးကို မြောက်ကိုရီးယားရဲ့ ၂၀၁၀ခုနှစ် သူရဲကောင်းတွေ အဖြစ် သူကောင်းပြုခဲ့တယ်လို့ ဆိုပါတယ်။ ဒီတိုက်ခိုက်မှုကို မြောက်ကိုရီးယားရဲ့ Yono အတန်းအစား အသေးစား ရေငုပ်သင်္ဘောကနေ တိုက်ခိုက်ခဲ့တာဖြစ်ပြီး အလားတူ ရေငုပ်သင်္ဘောမျိုး ၁၀စင်းခန့် လက်ရှိတာဝန် ထမ်းဆောင်နေတယ် ဆိုပါတယ်။ CHT-02D အမျိုးအစား တော်ပီတိုဟာလဲ မြောက်ကိုရီးယားရဲ့ ပြင်ပတင်ပို့တဲ့ တော်ပီတိုဖြစ်ပြီး အတော်များများ ရောင်းချရတယ်လို့ဆိုပေမယ့် ဘယ်နိုင်ငံတွေကို ရောင်းချတယ်လို့တော့ မထုတ်ပြန်ခဲ့ပါဘူး။ မြောက်ကိုရီးယားသုံးတဲ့ အမျိုးအစားတူ အဆင့်မြင့် တော်ပီတိုတွေကိုတော့ အီရန်ကို တင်ပို့တယ်လို့သာ ဆိုပါတယ်။ မြောက်ကိုရီးယားက အသုံးပြုခဲ့တယ်လို့ ယူဆဖွယ်ရာရှိတဲ့ ဒီရေငုပ်သင်္ဘောငယ်လေးတွေဟာ စိတ်ဝင်စားစရာ ကောင်းတာမို့လို့ ဆက်လက်တင်ဆက်ပေးသွားပါ့မယ်။ ကျန်းမာချမ်းသာကြပါစေ။

Friday, December 20, 2013

SS-26 (သို့) Iskander ခေါ် မဟာဗျူဟာမြောက် တာတိုပစ်ဒုံးပျံများ




 ပင်လယ်ကွေ့ စစ်ပွဲများဆီက လူသိများထင်ရှားခဲ့သော မဟာဗျူဟာမြောက် တာတိုပစ် ဒုံးပျံများ သယ်ဆောင်ကာ ရွေ့လျားတိုက်ပွဲဝင်နိုင်ခဲ့သော SCUD စနစ်များသည် ခြောက်ခြားစရာကောင်းလောက်အောင် စွမ်းဆောင်ရည် မြင့်မားခဲ့ကြသည်။ သို့သော်လည်း အမေရိကန်၏ ဒုံးခွင်းဒုံးစနစ်များနှင့် ခေတ်မှီတိုးတက်လာသော လေကြောင်းရန် ကာကွယ်ရေး စနစ်များကြောင့် ထို SCUD စနစ်များသည် စွမ်းရည်ကျဆင်းလာခဲ့ကြရသည်။ ထို့ကြောင့် အမေရိကန်တို့၏ လေကြောင်းအရေးသာ စိုးမိုးမှုနှင့် တိကျပစ်ခတ် ချေမှုန်းနိုင်မှုတို့သည် ယနေ့အထိ ရှေ့တန်းတင် အလေးထားရသော မဟာဗျူဟာ အဖြစ်ရပ်တည်နေလျက်ရှိသည်။ ထိုအခြေအနေများအတွက် တစ်ဘက်တွင်လဲ မြေပြင်မှမြေပြင်ပစ် တာတို ဒုံးလက်နှက်များကို ယနေ့ခေတ် မြင့်မားသော နည်းပညာများ ပေါင်းစပ်ကာ ဒုံးခွင်းဒုံးစနစ်များ၊ လေကြောင်းရန်စနစ်များကို ကျော်လွန်နိုင်ခြင်းသာမက တိကျစွာ ချေမှုန်းပစ်ခတ်နိုင်ခြင်း စွမ်းရည်များကိုပါ ထည့်သွင်းလာနိုင်ခဲ့သည်။ ထို့ကြောင့် မြေပြင်မှ မြေပြင်ပစ် Ballastic missile များသည်လဲ အမေရိကန်တို့၏ cruise ဒုံးပျံများနည်းတူ ရင်ဘောင်တန်း ရပ်တည်လာလျက်ရှိသည်။

ပင်လယ်ကွေ့စစ်ပွဲမှ အီရတ်၏ SCUD ဒုံးပျံများ

မူလ SCUD စနစ်များသည် လျင်မြန်စွာ စစ်ကစားနိုင်မှု၊ အဖျက်စွမ်းအား ကြီးမားမှု၊ လွယ်ကူစွာ ပစ်ခတ်နိုင်မှု စသည့် အားသာချက်များရှိသော်လည်း တိကျစွာ ချေမှုန်းနိုင်မှုနှင့် တန်ပြန် ဒုံးခွင်းဒုံးစနစ်များ၏ ဟန့်တားမှုကို ကျော်လွန်နိုင်ခြင်း မရှိခဲ့ချေ။ မည်သည့်နေရာမှ ပစ်ခတ်လာမည်ကို ရန်သူက မမျှော်မှန်းနိုင်သော်လည်း၊ ကြီးမာလှသည့် ဒုံးကျည်တစ်ခု လေထဲသို့ရောက်နေချိန်တွင် ပျံသန်းချိန်နှေးကွေးခြင်း၊ ပုံသေပျံသန်းပုံလမ်းကြောင်းဖြင့်သာ ပစ်ခတ်နိုင်ခြင်းတို့ကြောင့် ဒုံးခွင်းစနစ်များဖြင့် အလွယ်တကူ ဖျက်စီးဟန့်တားခြင်း ခံကြရသည်။ ထိုစနစ်အားနည်းချက်များကို ဖြေရှင်းရန် SCUD စနစ်များကို SCUD-D အဆင့်ထိ အဆင့် မြင့်တင်ခဲ့ကြသော်လည်း ကုန်ကျစားရိတ်ကြီးမားခြင်းကြောင့် အခြားထိရောက်သော စနစ်သစ်များဖြင့် အစားထိုးနိုင်ရန် စီစဉ်ခဲ့ကြသည်။
SS-23 spider
၁၉၈၇ခုနှစ် ဝန်းကျင်လောက်တွင် SS-23 spider ခေါ် OTR-23 Oka တာတိုပစ် ဒုံးစနစ်ကို ထုတ်လုပ်ခဲ့ပြီး ထိုဒုံးကျည်သည် အသံထက် မြန်သော နုန်းဖြင့် ပျံသန်းနိုင်ကာ ပစ်ခတ်လာနိုင်ခဲ့သည်။ အကွာအဝေး မိုင်၂၅၀ထိ ထိရောက်ပြီး နူကလိယျအပါအဝင် ထိပ်ဖူးအမျိုးမျိုး ပြောင်းလဲ တပ်ဆင်နိုင်သည့် ထိုစနစ်ကို ထိရောက်အကွာအဝေး မိုင်၁၂၀ထိ လျော့ချကာ ဆိုဗီယက်မိတ်ဖက် နိုင်ငံများသို့ တင်ပို့ရောင်းချခဲ့ကြသည်။ သို့သော် တိုးတက်လာနေသော ရေဒါစနစ်များနှင့် ဒုံးပျံကာကွယ်ရေး စနစ်များကို ကျော်လွန်ရန် လိုအပ်နေဆဲ ဖြစ်တာကြောင့် ၁၉၉၀မှ စတင်က အဆင့်မြင့်တင် စမ်းသပ်မှုများ ပြုလုပ်ခဲ့ပြီး အကြောင်းအမျိုးမျိုးကြောင့် နှောင့်နှေးနေခဲ့ရာမှ ၁၉၉၄ခုနှစ်တွင် SS-26 The stone သို့မဟုတ် 9k720 Iskander အဖြစ် ပေါ်ထွက်လာခဲ့သည်။ ၂၀၀၄ခုနှစ် ရုရှားစစ်ရေးပြတွင် ထုတ်ဖေါ်ပြသခဲ့ပြီး မည်သည့် ဒုံးပျံကာကွယ်ရေးစနစ်မဆို ကျော်လွန်နိုင်သည်ဟု ဆိုထားသော ထိုစနစ်ကို IskanderE, IskanderM, IskanderK စသည်ဖြင့် ထုတ်လုပ်ခဲ့ကြသည်။

လောင်စာခဲအသုံးပြုထားသော ထိုဒုံးကျည်သည် အလေးချိန် ၃၈၀၀ ကီလိုဂရမ်ရှိပြီး IskanderE တွင် ၅၀၀ကီလိုဂရမ်၊ IskanderM တွင် ၈၀၀ကီလိုဂရမ် အလေးချိန် ထိပ်ဖူးကို သယ်ဆောင်နိုင်သည်။ cluster munition warhead ဗုံးပဒေသာ စနစ်များ၊ Fuel-air explosive enhance-blast warhead လေကွဲစနစ်များ၊ earth penetrator for bunker blusting မြေထဲသို့ ထိုးဖေါက်နိုင်သည့် ဘန်ကာဖျက်စနစ်များ အပြင် electro-magnetic pulse အီလက်ထောနစ်စစ်ဆင်ရေးအတွက် ရေဒါဖျက်စနစ်များ စသည့် ဒုံးကျည်ထိပ်ဖူး အမျိုးမျိုးကို တပ်ဆင်နိုင်သည်။
IskanderM အမျိုးအစားသည် ပိုမိုတိကျသော လမ်းညွှန်စနစ်များ တပ်ဆင်ထားပြီး အကွာအဝေး မိုင် ၂၅၀ထိ ပစ်ခတ်နိုင်သည်။ IskanderE အမျိုးအစားသည် ပြည်ပတင်ပို့သည့် အမျိုးအစားဖြစ်ပြီး အကွာအဝေး မိုင်၁၇၀ထိ ပစ်ခတ်နိုင်သည်။ ထိရောက်မှု အကွာအဝေးကို အဆင့်မြင့်တင်နိုင်သည်။ ထူးခြားသည်မှာ ဒုံပျံ၏ ပျံသန်းနုန်း၊ ပျံသန်းခြင်း စနစ်နှင့်၊ တိကျမှုဖြစ်သည်။ ယခင်မြေပြင်ပစ် ဒုံးပျံများ၏ မတိကျမှု၊ အလွယ်တကူ ချေမှုန်းဟန့်တားခံရမှုတို့ကြောင့် အမေရိကန်၏ လေကြောင်းမှ တိကျချေမှုန်းမှု စနစ်များသည် များစွာသာလွန်ခဲ့သော်လည်း ယခု Iskander ဒုံးပျံစနစ်သစ်များကြောင့် လေသူရဲများကို လေ့ကျင့်ကြရရခြင်း၊ လေယာဉ်နှင့် နည်းပညာများစွာ အဆင့်မြင့်ရန်လိုအပ်ခြင်း၊ လမ်းညွှန်စနစ်များ အဆင့်မြင့်ရန်လိုအပ်ခြင်း စသည်တို့ရှိမှသာ ပြုလုပ်နိုင်မည့် ရန်သူ့နောက်ပိုင်းနယ်မြေသို့ နက်ရှိုင်းတိကျစွာ ချေမှုန်း ပစ်ခတ်နိုင်ခြင်းကို ပြုလုပ်လာနိုင်ခဲ့သည်။ စစ်အရေး အသုံးဝင်မှုနှင့် ကုန်ကျစားရိတ် ချိုသာမှုကြောင့် များစွာ ထိရောက်သော စနစ်ဟုလဲ ဆိုနိုင်သည်။
ဒုံးကျည်စနစ်သစ်များသည် ရေဒါဒေါင့်ချိုးများကို လျော့ချထားပြီး အသံထက် ၃ဆ အမြန်နုန်းဖြင့် အမြင့်ဆုံး ၅၀ကီလိုမီတာထိ တက်ရောက်ကာ ထိုမှ တဆင့် ချိန်ရွယ်ထားသော ပစ်မှတ်ဆီသို့ အသံထက် ၅ဆမှ ၇ဆထိ မြန်သော အလျင်ဖြင့် ဝင်ရောက် ထိမှန်မည်ဖြစ်သည်။ ထို့အပြင် ဒုံးပျံတွင် ထည့်သွင်းထားသော ပျံသန်းမှု စနစ်သစ်များကြောင့် ရန်သူ့ဒုံးကျည်လမ်းကြောင်းများ၊ ရေဒါလမ်းကြောင်းများကို အနည်းငယ်ရှောင်ရှားလာနိုင်သည်။ ထို့အပြင် ရန်သူ၏ လေကြောင်းရန်နှင့် ရေဒါစနစ်များကို လမ်းလွှဲ decoy စနစ်များ ထုတ်လွှတ်နိုင်သလို  ၃-၄ကြိမ်မျှလဲ လမ်းကြောင်း ပြောင်းလဲ ပျံသန်းနိုင်လာသည်။

ထိုဒုံးစနစ်ကို ယာဉ်အဖွဲ့သား ၃ဦးဖြင့် လှုပ်ရှားမောင်းနှင် ပစ်ခတ်နိုင်ပြီး ထိုယာဉ်မှပင် နောက်ဆုံး စက္ကန့်အနည်းငယ် အချိန်ထိ ဒုံးကျည်ကို ထိမ်းချုပ်ထားနိုင်သည်။ ထို့အပြင် မောင်းသူမဲ့များ၊ AWAC စနစ်များ၊ ဂျိုတုစနစ်များဖြင့်လဲ လမ်းညွှန်ထိမ်းချုပ်ပေးနိုင်သလို သာမန် GPS စနစ်၊ လေဆာစနစ်သုံး အမြောက် အကဲကြည့်စနစ်ဖြင့် ပစ်မှတ်ညွှန်ပြပေးမှုကိုပင် ပေါင်းစပ်ပေးနိုင်သဖြင့် တိကျချေမှုန်းတွင် လွယ်ကူအဆင်ပြေခြင်းမှာ အားရစရာ အားသာချက်တစ်ခု ဖြစ်လာသည်။ ထို့အပြင် ဒုံးကျည်တွင် TV စနစ်နှင့် ရေဒါလမ်းညွှန်စနစ် ၂ခုပါဝင်တာကြောင့် မိမိရေဒါစနစ်ကို ရန်သူနှောက်ယှက်ထားချိန်မှာပင် ဒုံးကျည်တွင်ပါဝင်သော TV စနစ်ဖြင့် နောက်ဆုံးအချိန်အထိ မျက်မြင်ဖြင့် လမ်းညွှန် ထိမ်းချုပ်ထားနိုင်သည်။ IskanderM တွင် ပစ်မှတ်၏ ၅-၇မီတာ အတွင်း ထိမှန်အောင် ထိန်းချုပ်လမ်းညွှန်နိုင်သော ဒုံးလိမ္မာစနစ် တပ်ဆင်ထားပြီး IskanderE တွင် ၃၀-၇၀မီတာ အတွင်းသာ တိကျမှုရရှိသည်။  ပျံသန်းမှု စနစ်သစ်နှင့် လမ်းညွှန်စနစ်များကြောင့် မြေပြင်ပစ်မှတ်များသာမက ရွေ့လျား ပစ်မှတ်များကိုပင် ပစ်ခတ်နိုင်စွမ်း ရှိလာသည်။
ဒုံးတင်ယာဉ်
တစ်နာရီလျင် ၇၀ကီလိုမီတာထိ မောင်းနှင်နိုင်သော ဒုံးယာဉ်သည် ယာဉ်အဖွဲ့သား၃ဦးဖြင့် (အမိန့်ပေးယာဉ်၊ ဆက်သွယ်ရေးနှင့် ရေဒါစနစ်၊ ပြန်လည်ဖြည့်တင်ရေးယာဉ်တို့ဖြင့် ပူးတွဲ၍ မဟုတ်ပဲ) သီးခြား လွတ်လပ်စွာ စစ်ကစားနိုင်ပြီး၊ ဒုံးယာဉ်ပေါ်တွင် Iskander ဒုံး ၂စင်းထိ တင်ဆောင်တိုက်ပွဲဝင်နိုင်သည့်အပြင် မောင်းနှင်နေစဉ်မှာပင် ဒုံးကျည်ကို ထိမ်းချုပ်လမ်းညွှန်နိုင်တာကြောင့် ရန်သူ၏ တန်ပြန်တိုက်ခိုက်မှုကို အလွယ်တကူ ရှောင်ရှားနိုင်သည်။ SCUD စနစ်များပင်လျင် တန်ပြန်လေကြောင်း တိုက်ခိုက်မှုမှ ရှောင်ရှားနိုင်ခဲ့သည်ဖြစ်ရာ ဒုံးပျံ ၂စင်းထိ သယ်ဆောင် တိုက်ပွဲဝင်မည့် Iskander စနစ်သည် ၂ကျော့ ၂ကြိမ် အန္တရာယ်ပေးနိုင်သည့် စနစ်တစ်ခုဖြစ်သည်။ ဒုံးပျံများကို ပြန်လည်ဖြည့်တင်းရန် နာရီဝက်ခန့် အချိန်ယူရပြီး ပစ်ခတ်ရန် ၄မိနစ်ခန့် ကြာသည်။ ရွေ့လျားနေရာယူပြီးမှ ပစ်ခတ်ရန် ၁၅မိနစ်ခန့် အချိန်ယူပြီး ပစ်ခတ်ချိန်ကတော့ တစ်မိနစ်ထက် နဲသော အချိန်သာလိုသည်။ ပစ်ခတ်ရာမှ ပစ်မှတ်သို့ ထိမှန်ရန် ဒုံးကျည် ပျံသန်းချိန် ၄မိနစ်မှ ၆မိနစ်ခန့်သာ ကြာသည်။ ရန်သူ့အမြောက် စခန်းများ၊ ဒုံးကျည်စခန်းများ၊ အခြေစိုက် စခန်းများ၊ တင့်ကားတပ်များ၊ ရေဒါနှင့် လေယာဉ်ကွင်းများအပြင် ရန်သူ့ဌာနချုပ်များ၊ အရပ်သားများကြားတွင် ရောနှောပုန်းအောင်းနေသော စခန်းများ၊ မြေအောက်ဘန်ကာများအထိ ပစ်မှတ်မျိုးစုံကို တိုက်ခိုက်နိုင်သည်။ ၂၀၀၈ အောဆက်တီးယား စစ်ပွဲကာလတွင် ထိုစနစ်များကို ရုရှားတပ်များက အသုံးပြုခဲ့ပြီး ဂိုရီမြို့ရှိ ဂျော်ဂျီယာတို့၏ အမြောက်စခန်းများနှင့် တင့်ကားအခြေစိုက်တပ်များကို တိုက်ခိုက်ရာတွင် အောင်မြင်မှုရရှိခဲ့သည်။ လေကြောင်းရန်ကာကွယ်ရေး အကာအကွယ် ထူထပ်စွာဖြင့် နေရာယူချထားသော တင့်ကားတပ်ရင်းတစ်ရင်းကို IskanderM စနစ်ဖြင့် တိုက်ခိုက်ရာ ဒုံးကျည်တစ်လုံးတည်းဖြင့် တင့်ကား ၂၈စင်း၊ လူ၁၀၀နီးပါး ထိခိုက်ခဲ့ရသည်။ အမေရိကန်နှင့် နေတိုးတို့၏ ဒုံးပျံကာကွယ်ရေးစနစ်များ အဆင့်မြင့်တင်ခြင်းနှင့် နေရာယူချထားခြင်းကို အပူတပြင်း ပြင်ဆင် နေရာရွှေ့ပြောင်းခြင်းပြုခဲ့ရသော အောင်မြင်သည့် စနစ်တစ်ခုလဲဖြစ်သည်။
ကုန်ကျစားရိတ်သည် သာမာန် လေကြောင်းထိုးစစ်၊ ခရုစ်ဒုံးပျံ စနစ်များထက် များစွာသက်သာသောကြောင့် ရုရှားတို့ အားကိုးသော စနစ်တစ်ခုလဲဖြစ်သည်။ ဒုံးကျည်၏ သက်တမ်း ၁၀နှစ်ပေးထားသော ဒုံးစနစ်များသည် ပြင်ဆင်ထိမ်းသိမ်းရန် လိုအပ်ချက်နဲပါးပြီး အခြားသော အကဲကြည့်စနစ်များ၊ လမ်းညွှန်စနစ်များနှင့် လွယ်လင့်တကူ တွဲဖက် စစ်ဆင်အသုံးပြုနိုင်သည်။ သို့သော် အနိမ့်ပျံ cruise ခရုစ် စနစ်များထက် အဖျက်စွမ်းအားကြီးမားလွန်းခြင်း၊ ပိုမိုတိကျရန် လိုအပ်ခြင်းကြောင့် ၂၀၀၇ခုနှစ်တွင် IskanderK အမျိုးအစားကို ထပ်မံထုတ်လုပ်ခဲ့သည်။ IskanderK သည် ယခင် ballastic ဒုံးကျည် ၂စင်းအစား cruise ဒုံးပျံ ၄စင်းကို ပြောင်းလဲ တပ်ဆင်ထားပြီး လက်နှက်စနစ်၏ အချက်လက် များသည် တိကျရှင်းလင်းမှု မရှိသေးချေ။

IskanderK
Iskander စနစ်၏ အချက်အလက်များကို ဝီကီပီးဒီယားတွင် ယခုလိုဖေါ်ပြထားသည်။ 

·         Manufacturer: KB Mashynostroyeniya (KBM, Kolomna)
·         Launch range:
o    maximum: 500 km (Iskander-M, unofficial), 280 km (export version)
o    minimum: 50 km
·         Accuracy:
o    30–70 m (export version Iskander-E without homing system)
o    5–7 m with terminal phase optoelectronic homing system (Iskander-M)
·         time to launch: up to 4 min from highest readiness, up to 16 min from march
·         Interval between launches: less than a minute
·         Operating temperature range: -50 °C to +50 °C
·         Burnout Velocity: ~2100 m/s
·         Number of missiles:
o    on 9P78E launcher: 2 (export version)
o    on 9T250E transloader: 2
·         assigned service life: 10 years (Iskander-E)
·         Crew: 3 (launcher truck)
System components
The full Iskander system includes
·         missiles
·         transporter-erector-launcher vehicle (chassis of 8x8 MZKT-79306 ASTROLOG truck)
·         Transporter and loader vehicle (chassis of 8x8 MZKT-79306 ASTROLOG truck)
·         Command and staff vehicle (chassis of KAMAZ six wheel truck)
·         Information preparation station vehicle (chassis of KAMAZ six wheel truck)
·         Maintenance and repair vehicle (chassis of KAMAZ six wheel truck)
·         Life support vehicle (chassis of KAMAZ six wheel truck)
·         Depot equipment set
·         set of equipment for TEL training class
·         set of equipment for CSV training class
·         Training posters
·         Training missile mock-up
Intended targets
The system is intended to use conventional warheads for the engagement of point and area targets, including:
·         hostile fire weapons (missile systems, multiple launch rocket systems, long-range artillery pieces)
·         air and missile defense weapons, especially stationary
·         fixed- and rotary-wing aircraft at airfields
·         command posts and communications nodes
·         troops in concentration areas
·         critical civilian infrastructure facilities





မကြာသေးခင်က ထွက်ပေါ်လာသော အတည်မပြုနိုင်သည့် သတင်းများအရ မြန်မာ့တပ်မတော်သည် Missile strategic and Defense Command ဒုံးလက်နှက် ပစ်လွှတ်ရေးနှင့် ကာကွယ်ရေးတပ်ဆိုသည်ကို ဖွဲ့စည်းခဲ့သည်ဟု ဆိုထားပြီး ထိုထဲတွင် Iskander စနစ်များလဲ ပါဝင်သည်ဟု ရေးသားထားပါသည်။ ဟုတ်သည် မှန်သည်၊ ဖြစ်နိုင်သည်၊ မဖြစ်နိုင်သည် သေချာတိကျမသိရှိသော်လည်း မျှော်လင့်စရာ ကောင်းသည့် စနစ်တစ်ခု ဖြစ်သည်ကတော့ သေချာလှပါသည်။ SCUD ဒုံးပျံများကို တစ်ချက်မလွဲ ပစ်ခတ်ဖျက်ဆီးနိုင်သော အမေရိကန်တို့၏ Patriot ဒုံးစနစ်ကို ဒုံးခွင်းဒုံးဟု ခေါ်ဆိုခဲ့သောကြောင့် ယခု Patriot စနစ်များ မဟန့်တားနိုင်တော့ပဲ ယင်းတို့ကို တန်ပြန်ချေမှုန်းမည့် Iskander စနစ်ကို ဒုံးခွင်းဒုံးဖျက် စနစ်ဟု ခေါ်ဆို သမုတ်ရမည်လား တွေးဆနေမိပါတော့သည်။ ကျန်းမာချမ်းသာကြပါစေ။  ။