စောင့်ကြည့်ရေး ရေဒါများ

 

    မြန်မာတစ်နိုင်ငံလုံးကို ဥမင်လှိုင်ခေါင်းများ ဖေါက်လုပ်ခြင်းဆိုသည့် သီတင်းများ ပျံ့နှံ့ခဲ့ဘူးသည်မှာ ကာလအတော်ကြာခဲ့ပြီဖြစ်ပါသည်။ သို့သော် ထို ဥမင်များနှင့် ပက်သက်၍ မျက်မြင်နှင့် မြေပြင် အထောက်အထားများအရ နိုင်ငံအဝှမ်း ချိတ်ဆက်ထားသည် ဆိုသည်မှာ ဖြစ်နိုင် မဖြစ်နိုင် ငြင်းခုန်နေရဆဲဖြစ်သော်လည်း ထို ဥမင်များနှင့် ခေတ်ပြိုင် တည်ဆောက်ခဲ့သည့် ဖိုင်ဘာအော့ပ်တစ် ဆိုသည့် နိုင်ငံအဝှမ်း ကိုယ်ပိုင်ဆက်သွယ်ရေး ကွန်ယက်ကို အောင်မြင်စွာ တည်ထောင်နိုင်ခဲ့သည်မှာတော့ ၁၀နှစ်ကို လက်တစ်ဘက်စွန်းအောင် ကျော်လာခဲ့ပြီဖြစ်ပါသည်။ အဆိုပါ ကွန်ယက်ဖြင့် C4ISR အဆင့်ကို တက်လှမ်းရန် ကြိုးစား တည်ဆောက်ရာတွင် မြန်မာ့ တပ်မတော်သည် တာဝေး ထောက်လှမ်းရေး ရေဒါများ၊ ၂ဘက်မြင်၊ ၃ဘက်မြင် တာလတ်ရေဒါများ၊ ဆက်ကြောင်းမပြတ် ချထားခြင်းချထားခြင်းဖြင့် နိုင်ငံ အဝှမ်း ဆက်သွယ်ရေးကွန်ယက်ကို အခြေပြုကာ ရေဒါကွန်ယက်ကို တည်ဆောက်ထားခဲ့ပါသည်။

     သို့သော် တိုးတက်လာသော စစ်လက်နှက်နှင့် ရေဒါဖိဖျက် အီလက်ထောနစ်စစ်ဆင်မှုများ၊ လှည့်စားမှုများ၊ ယောင်ပြများ၊ ဂျိုတုစနစ်ဖြင့် လမ်းညွှန်ပစ်ခတ်ကြိုတင်ချေမှုန်းမှုများ၊ Stealth နည်းပညာများ မြင့်မားလာသည်နှင့်အတူ နိုင်ငံတစ်နိုင်ငံ၏ ပုံသေချထားသော ရေဒါကွန်ယက်ကို ထိုးဖေါက်ရန် နည်းဗျူဟာများ ပိုင်ဆိုင်လာခဲ့ကြသည်။ မြန်မာနိုင်ငံ၏ မြို့ကြီးများကို ရန်သူ၏ အသံထက်မြန်သော တိုက်လေယာဉ် သို့မဟုတ် ဒုံးပျံ သို့မဟုတ် ဒုံးလိမ္မာတို့ ရန်မှ ကာကွယ်ရန်သည် နယ်စပ် လေပိုင်နက်မှ အကွာအဝေးပေါ်တွင် မူတည်၍ မိနစ်အနည်းငယ်အတွင်းသာ အချိန်ရမည့် သဘောဖြစ်သည်။ ထို့ကြောင့် မိမိတို့ လေပိုင်နက်အလွန်သို့ ကြိုတင်ထောက်လှမ်းထားနိုင်ရန်နှင့် Stealth နည်းပညာသုံး လေယာဉ်များ၊ ရေဒါဖိဖျက် စနစ်များကို တန်ပြန်နိုင်သော၊ အသံထက်မြန်ပြီး သေးငယ်သော ဒုံးပျံများ၊ ရေဒါမိနိုင်သော အမြင့်ပေအောက်မှ ရှောင်ရှားကာ ပျံသန်းလာမည့် ဒုံးလိမ္မာများကို ကြိုတင် သိရှိထားရန် အလွန် အရေးကြီးသည်။ ထို့အပြင် အဆိုပါ လေယာဉ်၊ ဒုံးလက်နှက်များကို မိမိနိုင်ငံတွင်း မြို့ကြီးများ၏ အပေါ်တည့်တည့်တွင်မှ ပစ်ခတ် ဖျက်စီးခြင်းသည်ပင်လျင် မိမိတို့၏
မြို့ရွာများ လုံခြုံရေးအတွက် အထူးအန္တာရယ်ကြီးလှရာ အဆိုပါ ရန်ပြုနိုင်သည့် အရာများကို မိမိ လေပိုင်နက် မရောက်ခင် အချိန်အတွင်းမှာပင် အမျိုးအစားခွဲခြားခြင်း၊ ဦးတည်လမ်းကြောင်း ထောက်လှမ်းခြင်း၊ မျက်ခြေမပျက် စောင့်ကြည့်ခြင်း၊ အနီးစပ်ဆုံးသော လေကြောင်းရန်ကာကွယ်ရေး လက်နှက်ဆီသို့ အချိန်နှင့် တပြေးညီ သတင်းအချက်လက်နှင့် ပစ်မိန့်ပေးနိုင်ရန် အထူးလိုအပ်လှပါသည်။ ထို့အတွက် ထောက်လှမ်းရန်၊ ဆုံးဖြတ်ရန်၊ ပြင်ဆင်ရန် အမိန့်ပေးရန် အတွက် ရရှိသည့်အချိန်မှာ ၁၀မိနစ်အောက်တွင်ဖြစ်မှသာ နယ်စပ်စည်းမျဉ်းတွင် ချေမှုန်းနိုင်မှာ ဖြစ်ပါတယ်။

ထို့ကြောင့် ရေဒါဆက်ကြောင်းတွင် တာလတ် ၂ဘက်မြင် ၃ဘက်မြင်ရေဒါများနှင့်အတူ အမျိုးအစား မတူသော ရေဒါများ တစ်နည်း လှိုင်းအလျားနှင့် ထောက်လှမ်းနည်းစနစ်မတူသော ရေဒါများ ကို ဆက်ကြောင်းအတွင်း ဗျူဟာကျစွာ ထည့်သွင်းခြင်း Anti stealth နည်းပညာပါဝင်သော ရေဒါများကို ရန်သူထင်မှတ်မထားသောနေရာများ၊ အရေးကြီးနေရာများကာကွယ်ရန် နေရာများတွင် ပုံသေမဟုတ်သော ချထားနိုင်ခြင်းဖြင့် အမြဲမပြတ် စောင့်ကြည့် ကာကွယ်ထားကြရပါတယ်။ ထို ရေဒါများထဲမှ အမျိုးအစားများကို ရေးသားဖေါ်ပြရန် အကြိမ်ကြိမ် ကြိုးစားခဲ့သော်လည်း ထိုစနစ်များသည် တပ်မတော်နှင့် နိုင်ငံတော် ကာကွယ်ရေး၏ အသက်သွေးကြော နားမျက်စိသဖွယ် ဖြစ်နေသော စနစ်နည်းပညာများဖြစ်နေသဖြင့် အပြည့်အစုံ ဖေါ်ပြရန် မသင့်လျော်သဖြင့် အကြိမ်ကြိမ် ရွှေ့ဆိုင်းခဲ့ရာ ယနေ့တွင်ကျရောက်သော ၆၉နှစ်မြောက် တပ်မတော်နေ့ အတွက် ဂုဏ်ပြုရင်း ထို စနစ်များထဲမှ နာမည်ကျော် တာဝေးနှင့် တာလတ် နည်းပညာသုံး ရေဒါ စနစ်အချို့ကို ဖေါ်ပြလိုက်ရပါတယ်။

မြန်မာ့တပ်မတော်သုံး ST-68U

СТ-68У (သို့) ST-68U တာလတ် ၃ဘက်မြင် ရေဒါ

ရုရှားနာမည်ဖြင့် 19ж6 ဘုရင်မဟု ခေါ်ဆိုပြီး S-300 နှင့် တွဲဖက် အသုံးပြုလေ့ရှိသည်။ ထိုရေဒါစနစ်သည် ၃ဘက်မြင်( အကွာအဝေး၊ အမြင့်၊ ထောင့်) ဖြစ်ပြီး anti stealth နည်းပညာသာမက အနိမ့်ပျံ ပစ်မှတ်အသေးများထိ အသေးစိတ် ထောက်လှမ်းသိနိုင်သော စနစ်ဖြစ်သည်။ လေယာဉ်ပျံများထက်များစွာ သေးငယ် မြန်ဆန်သော ဝေဟင်မှ မြေပြင်ပစ် တာဝေး ဒုံးလိမ္မာများ(cruise missiles)၊ မြေပြင်မှ မြေပြင်ပစ် ဒုံးပျံများ၊ အနိမ့်ပျံ ပစ်မှတ်များ၊ ရန်သူ့ကိုယ့်ပျောက်လေယာဉ်များကို ရှာဖွေချေမှုန်းရန်အတွက် အထူးပြုထုတ်လုပ် တပ်ဆင်ကြသည့် စနစ်တစ်ခုဖြစ်သည်။ E band အမျိုးအစားသုံး phased array antenna စနစ်ဖြင့် အမြင့် ၆ကီလိုမီတာ၊ အကွာအဝေး ၁၅၀ကီလိုမီတာ ထိ ၃၆၀ဒီကရီ ထောက်လှမ်းနိုင်သည်။ ရှာဖွေတွေ့ရှိသော ပစ်မှတ်များထဲမှ ၃ခုကို တပြိုင်တည်း missile lock လုပ်နိုင်ပြီး စောင့်ကြည့်ထားနိုင်သည်။ S-300 ကဲ့သို့လေကြောင်းရန် ကာကွယ်ရေး ဒုံးစနစ်များဖြင့် တွဲဖက် အသုံးချလေ့ရှိသလို ရေဒါသီးသန့် အသုံးပြုကြသည်လဲရှိသည်။

မြန်မာ့တပ်မတော်သုံး YLC-2V

 YLC-2V တာလတ် စောင့်ကြည့်ရေး ရေဒါ

၂၀၀၀ ခုနှစ်တွင် တရုတ်နိုင်ငံ မှ စတင်ထုတ်ဖေါ်ပြသခဲ့သော  phased array antenna  စနစ်သုံး တာလတ် စောင့်ကြည့်ရေး ရေဒါဖြစ်သည်။ anti stealth နည်းပညာသာမက ရန်သူ၏ အီလက်ထောနစ် စစ်ဆင်ရေးများဖြစ်သည့် ပုံရိပ်ယောင် ထုတ်လွှတ်မှုများ၊ Jamming ပြုလုပ်မှုများ ကိုပါ ဖျောက်ဖျက်ပေးနိုင်သည့်အပြင် အသံထက်မြန်သော ပစ်မှတ်အသေးများကို ထောက်လှမ်းပေးနိုင်သော စနစ်ဖြစ်သည်။ လေကြောင်းရန် ကာကွယ်ရေးအပြင် ဒုံးပျံကာကွယ်ရေးအတွက်ပါ အသုံးဝင်သော စနစ်ဖြစ်ပြီး တိုက်ချင်းပစ်ဒုံးပျံများ၊ အာကာသ အလွှာအချို့ထိ တက်လှမ်းနိုင်သော သူလျိုလေယာဉ် စနစ်များကိုပါ ထောက်လှမ်း ရှာဖွေပေးနိုင်သည်။ မြန်နုန်းမြင့်ပြီး ရွေ့လျား လှုပ်ရှားမှု များသော သေးငယ်သည့် ပစ်မှတ် ၅ခုမှ ၁၀ခုထိ စောင့်ကြည့်ပေးထားနိုင်သဖြင့် အမေရိကန်တို့၏ stealth တိုက်လေယာဉ်ပျံများနှင့် မောင်းသူမဲ့ များကို အဓိက ရည်ရွယ်ထုတ်လုပ်ထားဟန် ရှိသည့် စနစ်တစ်ခုလဲဖြစ်သည်။ တာဝေး ၅၀၀ကီလိုမီတာထိ ထောင်လှမ်းနိုင်ပြီး ၃၅၀ကီလိုမီတာ၊ အမြင့် ၂၀ကီလိုမီတာ၊ ၃၆၀ဒီကရီ အတွင်းတွင် အသေးစိတ် စောင့်ကြည့် ထောက်လှမ်းပေးနိုင်သော စနစ်ဖြစ်သည်။ တရုတ်တပ်မတော်က Hq9၊ Hq12 လေကြောင်းရန် ကာကွယ်ရေး စနစ်များနှင့် တွဲဖက်ထားလေ့ရှိသော်လည်း စောင့်ကြည့်ရေး ရေဒါအဖြစ်သာ အသုံးပြုလေ့ရှိသည်။

အီရန်နိုင်ငံ၏ တာဝေး စောင့်ကြည့်ရေး ရေဒါ

အထက်ပါ စနစ်ကဲ့သို့ တာလတ်နှင့် တာဝေး ရေဒါအမျိုးအစားများမှာ အထိုင်အမျိုးအစားများ မဟုတ်ကြပဲ ရွေ့လျား ရေဒါစနစ်များဖြစ်သဖြင့် ပုံသေ ချထားလေ့မရှိသည်ကပင် ရေဒါကွန်ယက်ကို ထိုးဖေါက်မည့် တစ်ဘက်ရန်သူအတွက် အခက်အခဲ တစ်ရပ်ဖြစ်သည်။ သို့သော် ထိုစနစ်များသည် နာရီ ၁၀၀၀ ထိသာ တောက်လျောက် မောင်းနှင်ထားနိုင်ပြီး နာရီ ၁၀၀ ကျော်လာတိုင်း ပြုပြင်ထိမ်းသိမ်းကြရလေ့ရှိသည်။ ပြုပြင်ထိမ်းသိမ်းချိန် နာရီဝက်ခန့်သာ ဖြစ်သော်လည်း အပူကဲသော ရာသီဥတု၊ ဖုန်နှင့် မိုးများစိုစွတ်သော ရာသီဥတု အခြေအနေများတွင် ပိုမိုကြန့်ကြာလေ့ရှိသည်။ ထို့အတွက် မိုးလုံလေလုံ အကာကွယ်အောက်တွင် အဆက်မပြတ် မောင်းနှင် ထောက်လှမ်းရန် တပ်ဆင်ထားသော တာဝေး ရေဒါများလဲ ထားရှိကြရသည်။ ထိုစနစ်များသည်လဲ နာမည်ကျော် phased array antenna စနစ်များဖြစ်ပြီး ကီလိုမီတာ ၁၀၀၀ ကျော်အထိ ထောက်လှမ်းနိုင်ကြပြီး စောင့်ကြည့်ရေး ရေဒါ ပင်မအမိန့်ပေး ရေဒါအဖြစ်သာ ထားရှိလေ့ရှိသော အထိုင်ချ ရေဒါကြီးများဖြစ်သည်။ တပ်ဆင်ထားသော ရေဒါအမျိုးအစားအလိုက် ကီလိုမီတာ ၁၀၀၀မှ ၁၅၀၀ ခန့်အထိ ထောက်လှမ်းနိုင်ကြပြီး အာကာသ နယ်အထိ စောင့်ကြည့်ထားနိုင်သည်။ သို့သော် ထောင့်နိမ့်များနှင့် အနိမ့်ပျံ ပစ်မှတ်များကို ထောက်လှမ်းနိုင်စွမ်းသည် ၁၂၀ဒီကရီထိသာ ရှိသည်။ ထို့ကြောင့် ဝေဟင်ပိုင်နက် အတွင်း ပျံသန်းနေသော အရာဝထ္ထုများကို စောင့်ကြည့်မှတ်သားရန်နှင့် အမိန့်ပေးကွပ်ကဲရန် ရန်သူ မိတ်ဆွေ ခွဲခြားသတ်မှတ်ပေးရန်နှင့် စစ်ဆင်ရေး နယ်ဝန်းများ စောင့်ကြည့်ရန် အသုံးပြုလေ့ရှိကြသည်။

:)

ထိုရေဒါစနစ်များကို ဘောလုံးပုံစံ အကာအကွယ် သို့မဟုတ် ပုံဖျက်ထားသော တောင်စွန်းများတွင် ထားလေ့ရှိကြသည်။
အဆိုပါ ရေဒါစနစ်များသည် အဆင့်မြင့် ရေဒါစနစ်များထဲမှ တာလတ်၊ တာဝေး စောင့်ကြည့်ရေး ရေဒါအချို့ကို ဖေါ်ပြထားခြင်းဖြစ်ပြီး အခြားသော ၂ဘက်မြင်၊ ၃ဘက်မြင် ရေဒါများနှင့် တွဲဖက်ကာ မြန်မာ့ ဆက်သွယ်ရေး ကွန်ယက်တစ်လျောက် ပါဝင်ကာ စောင့်ကြည့် ကာကွယ်ပေးနေသော ရေဒါစနစ်များဖြစ်ကြောင်း ဖေါ်ပြရင်း ၆၉နှစ်မြောက် မြန်မာ့တပ်မတော်နေ့ကို ကြိုဆို ဂုဏ်ပြု နုတ်ခွန်းဆက်လိုက်ရပါတယ်။ ကျန်းမာချမ်းသာကြပါစေ။

(၆၉)နှစ်မြောက် တပ်မတော်နေ့မှ စိတ်ဝင်စားဖွယ်ရာများ

မင်္ဂလာပါခင်ဗျာ....။

အားလုံးနည်းတူ စစ်လက်နက်စိတ်ဝင်စားတဲ့ ကျွှန်တော့်အတွက်တော့ ဒီကနေ့ဟာ ရင်ခုန်စရာအကောင်းဆုံးနှင့် ဂုဏ်အယူရဆုံးသော နေ့တစ်နေ့ပဲဖြစ်ပါတယ်...။ (၆၈)နှစ်မြောက် တပ်မတော်နေ့ကနေစပြီး စစ်လက်နက်များပါဝင်ပြသခဲ့တာဟာ အခုဆိုရင် (၂)တိတိပြည့်မြောက်သွားပြီး ဖြစ်သလို မြန်မာ့တပ်မတော်ရဲ့ လက်နက်စွမ်းရည်များအကြောင်းကိုလည်း ထပ်မံသိခွင့်တဲ့နေ့လည်းဖြစ်ပါတယ်...။ တပ်မတော်နေ့ အောင်ဆန်းစစ်ကြောင်းနှင့် ပါဝင်ချီတက်ခဲ့ကြတဲ့ လက်နက်စနစ်များရဲ့ ပုံများကို ဖော်ပြပေးချင်ပါတယ်...။

ဒီကနေ့ ထုတ်ဖော်ပြသခဲ့တဲ့ လက်နက်စနစ်များကတော့--

၁.Type-59M ပင်မတိုက်ပွဲဝင် တင့်ကားများ
၂.EE-9 Cascavel ခေါ် သံချပ်ကာယာဉ်/အပေါ့စားတင့်များ
၃.PTL-02 ၁၀၅မမအမြောက်သုံး တင့်ဖျက်ယာဉ်များ
၎.SH-1 ၁၅၅မမ ဟောင်ဝစ်ဇာ အမြောက်ကြီးများ
၅.Type-81 ၁၂၂မမ အတွဲလိုက်ဒုံးပစ်ယာဉ်များ
၆.D-30M2 ၁၂၂မမ ယာဉ်ဆွဲအမြောက်များ
၇.Pechora 2M မြေပြင်မှ ဝေဟင်ပစ်ဒုံးများ
၈.၂၅မမ ယာဉ်တင် လေယာဉ်ပစ်စက်အမြောက်များ
၉.TWL (Smart Hunter Radar) ခေါ် တာတိုကင်းထောက်နှင့် ရှာဖွေရေးရေဒါများ
၁၀.MADV-1 ခေါ် Igla ပခုံထမ်းဒုံးတင်ယာဉ်များ ဘဲဖြစ်ပါတယ်...။

အထက်ပါ စာရင်းများရှိ လက်နက်စနစ်များကို အရင်ကလည်း ဖော်ပြဘူးပြီးမို့ ပုံများသာအဓိကတင်ပြပေးသွားပါ့မယ်...။

Type-59M ပင်မတိုက်ပွဲဝင် တင့်ကားများ

EE-9 Cascavel ခေါ် သံချပ်ကာယာဉ်/အပေါ့စားတင့်များ

PTL-02 ၁၀၅မမအမြောက်သုံး တင့်ဖျက်ယာဉ်များ

SH-1 ၁၅၅မမ ဟောင်ဝစ်ဇာ အမြောက်ကြီးများ

Type-81 ၁၂၂မမ အတွဲလိုက်ဒုံးပစ်ယာဉ်များ

D-30M2 ၁၂၂မမ ယာဉ်ဆွဲအမြောက်များ

Pechora 2M မြေပြင်မှ ဝေဟင်ပစ်ဒုံးများ

၂၅မမ ယာဉ်တင် လေယာဉ်ပစ်စက်အမြောက်များ

TWL (Smart Hunter Radar) ခေါ် တာတိုကင်းထောက်နှင့် ရှာဖွေရေးရေဒါများ

MADV-1 ခေါ် Igla ပခုံထမ်းဒုံးတင်ယာဉ်များ

ဖော်ပြပါ လက်နက်စနစ်များအကြောင်းကို အတော်များများလည်း သိပြီးဖြစ်မယ်လို့ မျှော်လင့်ပါတယ်...။ အကြမ်းအားဖြင့် လက်နက်စနစ် (၁၀)မျိုး ပြသခဲ့တာဖြစ်ပြီးတော့ အများစုဟာ ပြည်တွင်းထုတ် နည်းပညာများဖြစ်တာရယ်၊ အချို့လက်နက်စနစ်များကိုပင် ပြည်ပနိုင်ငံများမှ ဝယ်ယူအသုံးပြုနေပြီးဆိုတာ သိရတဲ့အတွက် ကျွှန်တော့်အတွက်တော့ အထူးဂုဏ်ယူဝမ်းသာမိသလို တပ်မတော်ရဲ့ ကာကွယ်ရေးစွမ်းရည်ကို ပိုမိုယုံကြည်စိတ်ချမှု အမှန်တကယ်ကိုဖြစ်စေခဲ့မိပါတယ်....။

စစ်သည်များရဲ့ ချေမှုန်းရေးရိုင်ဖယ်များနှင့် လေတပ်ပုံများလည်း အလျှင်းသင့်သလို စုစည်းတင်ပြပေးပါဦးမယ်...။

(ပုံအသုံးပြုခွင့်ပြုသည့် ညီ၊အစ်ကိုများအား အထူးကျေးဇူးတင်ရှိကြောင်းပါခင်ဗျာ....။)

အားလုံးကိုလေးစားလျှက်-
KoMM

မြန်မာ့တပ်မတော်၏ ခေတ်မီစစ်လက်နက်တချို့

ကျွှန်တော်တို့ စာမရေးဖြစ်တာ အတော်ကြာသွားပါပြီ..။ အလုပ်နည်းနည်းရှုပ်နေလို့ မရေးဖြစ်တာပါ ခွင့်လွှတ်ပေးကြပါခင်ဗျာ...။

နောင်ရိုးဂျစ် ( Naung Yoe Jeep )

မြန်မာ့တပ်မတော်နှင့် ပတ်သက်ပြီး ၂၀၁၄ခုနှစ်ဟာ ထူးခြားတဲ့ နှစ်လို့ဆိုရမလိုဖြစ်နေပါပြီ...။ ကျွှန်တော်တို့ အားလုံးမျှော်လင့်မထားတဲ့ တပ်မတော် (ကြည်း)၊(လေ) အမြောက်နှင့် သံချပ်ကာစစ်ဆင်ရေးမျိုး ခေတ်သစ်မဟာဗျူဟာတိုက်ပွဲဝင် လေ့ကျင့်ခန်းများကို ကျင်းပခဲ့သလို့ အခုအချိန်မှာလည်း တပ်မတော်(ရေ)အနေဖြင့် Sea Shield 2014 Naval Exercise ကျင်းပနေပြီး ရေတပ်၏ ဒုံးတပ် စစ်ရေယာဉ်များအပေါ်ကနေ တပ်ဆင် သဘောဖျက်ဒုံးများကို လေ့ကျင့်ပစ်ခတ်နေကြပြီဘဲဖြစ်ပါတယ်...။ အချိန်အားဖြင့် ၁၉ရက်နေ့မှ ၂၇ရက်နေ့အထိ ကျင်းပမယ့် ရေတပ်စစ်ရေးလေ့ကျင့်ခန်းကြီးရဲ့ လေ့ကျင့်ခန်းကျင်းပရာ နေရာကလည်း စိတ်ဝင်စားဖွယ်ရာ ကောင်းလှပါတယ်....။

တပ်မတော် (ကြည်း)၊(လေ) အမြောက်နှင့် သံချပ်ကာစစ်ဆင်ရေးကာလအတွင်း အသုံးပြုတဲ့ စစ်လက်နက်များနှင့် ပတ်သက်ပြီး အတော်များများ စိတ်ဝင်တစားနှင့် မေးကြတဲ့ မေးခွန်းတစ်ချို့ရှိပါတယ်...။

အနော်ရထာ လေ့ကျင့်ခန်းအတွင်း လေ့ကျင့်ပစ်ခတ်ခဲ့တဲ့ အတွဲလိုက်ပစ်ဒုံးများအကြောင်းပါ...။
အဆိုပါ စစ်ရေးလေ့ကျင့်မှုမှ လက်တွေ့စမ်းသပ်ခဲ့တဲ့ အတွဲလိုက်ဒုံးတင်ယာဉ်များကို ပုံစံ-၈၁ ၁၂၂၅၅  အတွဲလိုက်ပစ် ဒုံးတင်ယာဉ်များလို့  သတ်မှတ်ထားကြပြီး ရုရှားတပ်မတော်ရဲ့ BM-21 122mm MRLS စနစ်ကို ပုံတူကူးယူထားတာဖြစ်ပါတယ်...။ မြန်မာ့တပ်မတော်အနေဖြင့် ၁၉၉၅ခုနှစ်များကတည်းက စတင်ပိုင်ဆိုင်လာခဲ့တယ်လို့ သိရပင်မယ့် ပိုပြီးတိကျတဲ့သတင်းတော့ မရသေးပါဘူး။ သေချာတာတစ်ခုကတော့ တပ်မတော်ရဲ့ ပထမဆုံးသော ၁၂၂မမ အတွဲလိုက် ဒုံးတင်ယာဉ်များပဲဖြစ်ပါတယ်...။ ဒုံး အစင်း(၄၀)လုံးအား တပြိုင်နက်တည်း ပစ်ခတ်နိုင်သလို ၁တောင့်ချင်းလည်း ပစ်ခတ်နိုင်ပါတယ်...။ အကွာအဝေးအားဖြင့် ၈-၂၀ ကီလိုမီတာအထိ ပစ်ခတ်နိုင်ပါတယ်...။

ပုံစံ-၈၁ ၁၂၂မမ အတွဲလိုက်ပစ် ဒုံးတင်ယာဉ် (Type-81 122mm MRLS)


ပုံစံ-၈၁ အတွဲလိုက်ပစ် ဒုံးတင်ယာဉ်များဟာ တရုပ်တပ်မတော်ထုတ် ဒုံးစနစ်ဖြစ်ပြီးတော့ တပ်မတော်အနေနှင့် အဆိုပါနည်းစနစ်များကို လေ့လာကာ ပြည်တွင်းမှာဘဲ ထုတ်လုပ်နိုင်ခဲ့ပါပြီ။ ဒုံးတင်ယာဉ်ရဲ့ အမည်သတ်မှတ်ချက်ကို မသိရသေးပင်မယ့် MA-122 လို့လည်း ပြောနေကြတာရှိပါတယ်...။ (အမည်အမှန်သိပါက ကော်မန့်တွင် ဖော်ပြပေးကြပါ)။ ပစ်ခတ်မှုစနစ်အပိုင်းမှာတော့ ပုံစံ-၈၁ စနစ်များထက် သာလွန်ပြီး ဒုံးကိုလည်း အဆင့်မြှင့်တင်ထားတာဖြစ်လို့ အကွာအဝေး ၈-၃၀အထိ ပစ်ခတ်လာနိုင်ပါတယ်...။ မြန်မာ့တပ်မတော်အနေနှင့် Type-81 , Type-90B, MA-122 စသည်ဖြင့် ၁၂၂မမ အတွဲလိုက်ပစ် ဒုံးတင်ယာဉ်များပိုင်ဆိုင်ထားပြီးတော့ အမ်၁၉၈၅ ၂၄၀မမ ၁၂ပြောင်းပါ အတွဲလိုက် ဒုံးတင်ယာဉ်များကိုလည်း ပိုင်ဆိုင်ထားပါတယ်...။

MA-122 အတွဲလိုက်ပစ် ဒုံးတင်ယာဉ် (MA- Myanmar Army)


နောက်တစ်မျိုးတင်ပြပေးမှကတော့ အားလုံးဘဲ စောင့်မျှော်နေကြတဲ့ MBT-2000 ပင်မတိုက်ပွဲဝင်တင့်ကားများဘဲ ဖြစ်ပါတယ်...။ MBT-2000 တင့်ကားများကို တရုပ်တပ်မတော်ကနေ ၂၀၀၉ခုနှစ်များကတည်းက စတင်ဝယ်ယူခဲ့တာဖြစ်ပြီးတော့ အစီးရေအတော်များများ ပိုင်ဆိုင်ထားပါတယ်...။ ပြီးခဲ့တဲ့ အနော်ရထာလေ့ကျင့်ခန်းကြီးမှာ ပါဝင်လေ့ကျင့်ခြင်း မရှိပင်မယ့် တင့်နှင့် သံချပ်ကာတပ်များတွေရဲ့ လေ့ကျင့်ခန်းတွေမှာ အမြဲပါဝင်ခဲ့ပြီးတော့ လုံးဝကို စိတ်ချရတဲ့ ပင်မတိုက်ပွဲဝင်တင့်တစ်မျိုး ဖြစ်ပါတယ်...။ တန်ချိန်အားဖြင့် ၄၆-၄၈ တန်ချိန်သာရှိတာမျိုး ကျွှန်တော်တို့ နိုင်ငံအတွက်တော့ မှန်ကန်တဲ့ ရွှေးချယ်မှုဆိုတာ မြင်နိုင်ပါတယ်...။ အဓိကအားဖြင့် နှိုင်းယှဉ်လေ့ရှိကြတဲ့ ဂျာမနီရဲ့ Leopard MBTများ ၊ အမေရိကန်ရဲ့ M1A1 MBTများနှင့် စာရင် စိတ်ချရမှုလျော့နည်းတယ်လို့ သိရပါတယ်...။ ဒါပင်မယ့် ကျွှန်တော်တို့အနေနှင့် သိထားရမယ့် အချက်ကတော့ ကျွှန်တော်တို့ရဲ့ အနာဂါတ်ရန်သူဖြစ်လာနိုင်တဲ့ နိုင်ငံတွေအနေနှင့် အဆိုပါ ဂျာမနီနှင့် အမေရိကန်တင့်တွေ မရှိကြသလို ရန်သူ့နိုင်ငံတွေအနေနှင့် အဆိုပါတင့်တွေရှိလာရင်တောင် ကျွှန်တော်တို့အနေနှင့် မျိုးဆက်သစ် T-90 ပင်မတိုက်ပွဲဝင်တင့်များနှင့် ခုခံကာကွယ်နိုင်စွမ်းရှိနေဦးမှာပဲ ဖြစ်ပါတယ်...။

အမ်ဘီတီ-၂၀၀၀ ပင်မတိုက်ပွဲဝင်တင့်ကား ( MBT-2000 MBT )

ပင်မတိုက်ပွဲဝင်တင့်ကားအကြောင်းပြီးတော့ တင့်ဖျက်ယာဉ်အကြောင်းပေါ့...။ တပ်မတော်အနေနှင့် တင့်ဖျက်ဒုံး၊တင့်ဖျက်ယာဉ်များ ပိုင်ဆိုင်ထားပြီး ဖြစ်တယ်ဆိုတာ အားလုံးလည်း တင်ပြပေးပြီးဖြစ်လို့ ဖတ်မိကြမယ်ထင်ပါတယ်...။ ဒီပိုစ့်အနေနှင့်ကတော့ အချက်လက် အတိအကျ ဖော်ပြပေးတော့မှာ မဟုတ်ပါဘူး...။ ဒါပင်မယ့်လို့ ကျွှန်တော့်အနေနှင့် သိခွင့်ရတဲ့ အပိုင်းကနေပြောရမယ် ဆိုရင် တပ်မတော်ရဲ့ PTL-02 ၁၀၅မမ ယာဉ်တင်တင်ဖျက်စနစ်ဟာ အလွန်ကိုအဆင့်မြှင့်တယ်လို့ အာမခံနိုင်ပါတယ်...။ အတိကျဖော်ပြပေးဖို့ မဖြစ်နိုင်ပင်မယ့် အနည်းငယ်တင်ပြပေးရမယ်ဆိုရင် GPS စနစ်၊ ဘီးတွေအနေနှင့်လည်း ဗဟိုလေထိုးစနစ်၊ မီးခိုးဗုံးစသည်များပါဝင်ပြီးတော့ ပုံစံ-၈၈ ပင်မတိုက်ပွဲဝင်တင့်ရဲ့ ပစ်ခတ်မှုစနစ်အတော်များများ ပါဝင်တာဖြစ်လို့ လျင်မြန်စွာ စစ်ဆင်နိုင်မှု၊ နည်းပညာမြှင့်မားမှု နှင့် ကမ္ဘာတပ်မတော်အတ်ာများများမှာ အသုံးပြုလာကြတဲ့ တင့်ဖျက်ယာဉ်တွေ ဖြစ်လာတာမို့ တပ်မတော်ရဲ့ ခေတ်မီတပ်မတော် တည်ဆောက်ရေးဆိုတဲ့ ခြေလှမ်းတွေကို ပိုမိုမြန်ဆန်လာစေမယ်ဆိုတာလည်း သေချာနေပါတယ်...။

PTL-02 ( Export Version with 105mm Anti-Tank Gun )

နောက်တစ်မျိုးကတော့ အားလုံးသိပြီးသားဖြစ်နေမယ့် MADV ( Myanmar Air Defense Vehicle ) လို့ခေါ်တဲ့ နောင်ရိုးဂျစ်အခြေခံသော Igla-S ဒုံးတင်ယာဉ်တွေဘဲ ဖြစ်ပါတယ်...။ နောင်ရိုးဂျစ်တွေကို တပ်မတော်ကနေပဲ ဒီဇိုင်းထုတ်ခဲ့တာဖြစ်ပြီးတော့ သံချပ်ကာ အပေါ့စားယာဉ်အဖြစ်လည်းကောင်း၊ အမိန့်ပေးယာဉ်အဖြစ် လည်းကောင်း စစ်ဆင်ရေးလိုအပ်ချက်အပေါ်မူတည်ကာ ထုတ်လုပ်ခဲ့ခြင်း ဖြစ်ပြီးတော့ ယာဉ်၏ ပေါ့ပါးသော ဝန်နှင့် ထိရောက်သော လေကာစနစ်တပ်ဆင်ထားသာဖြစ်လို့ လေကြောင်းရန် ကာကွယ်ရေးတပ်ဖွဲ့များအတွက် အားကိုးရသော Mobile လေကာစနစ်တစ်မျိုးအဖြစ်လည်း သိရပါတယ်...။ တပ်ဆင်ထားတဲ့ လေကာစနစ်ဟာလည်း ပြည်တွင်းထုတ် တာတိုပစ် ဒုံးစနစ်ဖြစ်တာမို့ တပ်မတော် လေကာတပ်ဖွဲ့များကို အလုံအလောက် တပ်ဆင်ပေးထားနိုင်ပြီးလည်း ဖြစ်ပါတယ်...။

MADV ( Myanmar Air Defense Vehicle )

နောက်ဆုံး လေကာစနစ်တစ်မျိုးကတော့ ၂၅မမ လေယာဉ်ပစ် အမြောက်တပ်ဆင်ထားတဲ့ ၂၅မမယာဉ်တင်စနစ်များဘဲဖြစ်ပါတယ်...။ တပ်မတော်အနေနှင့် ပြည်တွင်းမှာ ထုတ်လုပ်ခဲ့တဲ့ အမျိုးစားဖြစ်ပြီးတော့ ပြည်ပနိုင်ငံအချို့ကိုလည်း ရောင်းချပေးနိုင်ခဲ့ပြီးဖြစ်ပါတယ်...။ အလားတူ စစ်လက်နက် အမျိုးစားအချို့ကို ပြန်လှည်ရောင်းချပေးနိုင်ခဲ့ပြီးဖြစ်ရာ တပ်မတော် ကာကွယ်ရေးပစ္စည်း ထုတ်လုပ်ရေးစက်ရုံများရဲ့ အရည်အသွေးကိုလည်း ခန့်မှန်းနိုင်ကြမှာ ဖြစ်ပါတယ်...။

 ၂၅မမ ယာဉ်တင် လေယာဉ်ပစ် စက်အမြောက်များ

အထက်ပါဖော်ပြထားတဲ့ အချက်လက်တွေအနေနှင့် အမှားယွင်းရှိပါက ထောက်ပြပေးနိုင်ပါတယ်..။ တစ်စုံတစ်ရာ အမှားယွင်းရှိပါက ကျွှန်တော် ကိုmm အမှားသာလျင် ဖြစ်ပါတယ်ခင်ဗျာ...။

အားလုံးကိုလေးစားလျှက်-
KoMM

Fokker F27 Friendship/Fairchild Hiller FH-227

  ဖေါ်ကာ F27 လေယာဉ်သည် ၁၉၅၈ခုနှစ် ကတည်းက နယ်သာလန်နိုင်ငံတွင် ထုတ်လုပ်ခဲ့ပြီး အရပ်ဖက် လေကြောင်းလိုင်းသုံး ပန်ကာအင်ဂျင်၂လုံးတပ် လေယာဉ်အမျိုးအစားဖြစ်သည်။ အမေရိကန်နိုင်ငံ လေယာဉ်ထုတ်လုပ်ရေး ကုမ္ဗနီ Fairchild က ၁၉၅၈ ကတည်းက ဝယ်ယူပြီး အမေရိကန်နိုင်ငံ ပုဂ္ဂလိကနှင့် စစ်ဘက်သုံးအတွက် ထုတ်လုပ်ခဲ့သည်။ နောက်ပိုင်းတွင် ပိုမို အဆင့်မြင့်သော စနစ်များတပ်ဆင်ထုတ်လုပ်လာနိုင်ပြီး FH-227 အဖြစ် ခွဲထွက်ခဲ့သည်။ 

ဖေါ်ကာ လေယာဉ်များကို မြန်မာ့တပ်မတော်နှင့် မြန်မာ့လေကြောင်းက ၁၉၇၀ပြည့်လွန်နှစ်များ တွင်မှာယူအသုံးပြုခဲ့သည်။ မြန်မာ့တပ်မတော် အတွက် နယ်သာလန်နိုင်ငံ ဖေါ်ကာ ကုမ္ဗနီမှ တိုက်ရိုက်မှာယူခဲ့ပြီး တစ်စင်းမှာ F-27-100 အမျိုးအစားဖြစ်ပြီး အရေးကြီးပုဂ္ဂိုလ်သယ်ဆောင်ရေး အတွက် အသုံးပြုသည်ဟု ယူဆရသည်။ ဒုတိယတစ်စင်းမှာ F-27-500 အမျိုးအစားဖြစ်ပြီး စစ်ဘက်သယ်ယူပို့ဆောင်ရေး လေယာဉ်နှင့် လေကြောင်းချီ လေထီးချ လေကြောင်းထောက်ပို့ များအတွက် အထူးမှာယူထားသည့် အမျိုးအစားဖြစ်သည်။ ဆီသယ်ဆောင်နိုင်မှု ပမာနပိုမိုများပြားပြီး ရန်သူ့လက်နှက်ဒဏ် ခံနိုင်သည့် ဆီတိုင်ကီ အမျိုးအစားများ တပ်ဆင်သည်။

ထို့အပြင် ၁၉၈၀ပြည့်လွန် မူးရစ်ဆေးဝါးနှင့် ကွန်မြူနစ်ဆန့်ကျင်ရေး စစ်ပွဲများအတွင်း အမေရိကန်နှင့် နီးကပ်သော ဆက်ဆံရေးများ ရှိသည့်အတွက် မြန်မာ့တပ်မတော် အတွက် ရေပြင် ဝေဟင် ကင်းထောက်နှင့် လေကြောင်းချီ စစ်ဆင်ရေးများအတွက် ရောင်းချပေးခဲ့သော စစ်သုံးပစ္စည်းများတွင် အမေရိကန်နိုင်ငံထုတ် F-227 များပါဝင်ခဲ့သည်။ F-227 များထဲမှ တစ်စင်းသည် F-27-600 (သို့) FH-227B အမျိုးအစားဖြစ်ဖွယ်ရှိပြီး ကာဂို အမျိုးအစား စစ်ဘက် သယ်ယူပို့ဆောင်ရေး တာဝန်ကို ထမ်းဆောင်သည်။ 

F-27 နှင့် F-227 များသည် ပိုင်းလော့ ၂ဦးဖြင့် မောင်းနှင်ရပြီး လေထီးစစ်သည် ၄၀ကျော် ခရီးသည် ၅၆ဦး၊ ကုန်တန်ချိန် တန်၂၀ခန့်ထိ သယ်ဆောင်နိုင်သည်။ တစ်နာရီ မိုင်၃၀၀ခန့်နှင့် အမြင့်ပေ ၂သောင်း၈ထောင်ထိ ပျံသန်းနိုင်သည်။ ကုန်အပြည့်နှင့် မိုင်၆၀၀ ခန့်ထိ ခရီးနှင်နိုင်ပြီး ကင်းလှည့်တာဝန်အတွက် မိုင်၁၄၀၀ခန့်အထိ ပျံသန်းနိုင်သည်။ F-27၊ F-227 များသည် နေရာပြစနစ်များ၊ မိုးလေဝသ ရေဒါများ ပါဝင်သည့်အတွက် ထိုစဉ်က အဆင့်မြင့်သော လေကြောင်းစနစ်များဖြစ်သည်။

နိုင်ငံတကာတွင် အသုံးပြုနေသော F-227နှင့် F-27 လေယာဉ်များ အစင်းရေ ၁၀၀၀ခန့်ကို ထုတ်လုပ်မှု ရပ်ဆိုင်းခဲ့သည့် ၁၉၈၇ ခုနှစ်နောက်ပိုင်းမှ စတင်၍ အစားထိုးခြင်း အနားပေးခြင်းများ ပြုလုပ်ခဲ့ကြသည်။ 

F-27 အသုံးပြုသော နိုင်ငံငယ်များ အနေဖြင့် ပိုမိုအဆင့်မြင့်တင်ထားသော ဖေါ်ကာ F-50၊ F-60 များ၊ ATR-42၊ ATR-72 များနှင့် အစားထိုးခဲ့ကြသည်။ ၂၀၀၅ခုနှစ်တွင်တော့ F-27၊ F-227 လေယာဉ်များ၏ လေပေါ်ပျံတက်နိုင်သော လေယာဉ်ဆို၍ တစ်စင်းတည်းသာ ရှိတော့ကြောင်း လေယာဉ်လေ့လာသူ များက ဆိုကြသည်။ ထို F-227 လေယာဉ်သည် မြန်မာ့တပ်မတော်၏ လေယာဉ်ဖြစ်ပြီး အမှတ် ၅၀၀၁ ဖြစ်သည်။ 

ထိုလေယာဉ်ကို ထပ်မံလေ့လာကြသော်အခါ ၁၉၈၀ ပြည့်လွန်နှစ်များက အမေရိကန်ဆီမှ(ထိုင်ဝမ်ဆီမှ) ရောက်ရှိခဲ့သော F-227E များထဲမှ တစ်စင်းဖြစ်ပြီး သယ်ယူပို့ဆောင်ရေးသုံး အမျိုးအစားမဟုတ်ပဲ ပင်လယ်ပြင်ကင်းထောက်နှင့် လေကြောင်းကင်းလှည့် လေယာဉ်အမျိုးအစား ဖြစ်သည်ကို တွေ့ရှိခဲ့ကြသည်။ FH-227 အမျိုးအစားထဲမှ အဆင့်အမြင့်ဆုံး စနစ်တစ်ခုဖြစ်ပြီး မိုးလေဝသရေဒါ၊ စောင့်ကြည့်ရေးရေဒါအပြင် အခြားသော ရေကြောင်းကင်းလှည့်လေယာဉ် အတွက် စနစ်များ အပြည့်အစုံပါဝင်သည်။ သို့သော် အမေရိကန်နှင့် ထိုင်ဝမ် တပ်မတော်တို့ သုံးသကဲ့သို့ လက်နှက်သယ်ဆောင် ပစ်ခတ်နိုင်ခြင်း ရှိမရှိကိုတော့ မသိကြပေ။ 

အခြားသော F-227 ကင်းလှည့်လေယာဉ်အသုံးပြုသူများအတွက် ဖေါ်ကာကုမ္ဗနီမှ F-50/60 ကင်းလှည့်လေယာဉ်များဖြင့် အစားထိုးပေးခဲ့သော်လည်း မြန်မာနိုင်ငံသည် လက်နှက်တင်သွင်းမှုများ အပါအဝင် စီးပွားရေး ပိတ်ဆို့မှုများ ခံထားရသဖြင့် အစားထိုးအစီစဉ်များတွင် မပါဝင်ခဲ့တော့ပေ။ ၂၀၁၀ ဖေဖေါ်ဝါရီလတွင်တော့ ထိုF-227 ၏ နောက်ဆုံးပျံသန်းခဲ့သော အချိန်ဖြစ်ခဲ့ဖွယ်ရှိသည်ဟု ခန့်မှန်းခဲ့ကြပြီး ယခုအခါ F-27 နှင့် F-227 လေယာဉ်များသည် ကမ္ဘာပေါ်တွင် ပျံသန်းနိုင်သော လေယာဉ်များ စာရင်းမှ အပြီးအပိုင် အနားယူသွားခဲ့ပြီဖြစ်သည်။ မြန်မာ့တပ်မတော်အတွက်လည်း ထို F-227E သည် အမေရိကန်နှင့် အနောက်နိုင်ငံများ၏ လက်နှက်နှင့် နည်းပညာစနစ်များ အပြည့်အဝ အသုံးချခဲ့သော လေကြောင်း ကင်းလှည့်စနစ်၏ နောက်ဆုံးစစ်သုံးပစ္စည်းလဲ ဖြစ်ခဲ့ပါတော့သည်။ ကျန်းမာချမ်းသာကြပါစေ။  ။

မြန်မာ့တပ်မတော်၏ ၂၀၁၄စိန်ခေါ်သံ

ဆောင်းပါးရှင် ကိုSky Hunter ၏ " မြန်မာ့တပ်မတော်၏ ၂၀၁၄စိန်ခေါ်သံ " ဆောင်းပါးအား မိတ်ဆွေတို့အတွက် ပြန်လည်တင်ပြပေးလိုက်ပါသည်....။ တိကျသော အချက်လက်များဖြင့် တင်ပြထားခြင်းဖြစ်ပြီး မြန်မာ့တပ်မတော်၏ စစ်ဆင်ရေးစွမ်းရည်များကို ဂုဏ်ယူဖွယ် တွေ့ရနိုင်ပါသည်။


မြန်မာ့တပ်မတော် ကြည်း/လေ/အမြောက်/သံချပ်ကာ/လေကြောင်းရန် ပူးပေါင်းစစ်ဆင်ရေးလေ့ကျင့်ခန်း (အနော်ရထာ)ကို ၂၀၁၄ခုနှစ် ဖေဖော်ဝါရီလ ၂၅ရက်နေ့တွင် မိထီလာမြို့နယ် မုန်တိုင်လွင်ပြင် ဒေသတွင် လေ့ကျင့်ဆောင်ရွက်ခဲ့သည်။ထိုပူးပေါင်းစစ်ဆင်ရေးလေ့ကျင့်ခန်းသည် တပ်မတော်ကာကွယ်ရေးဦးစီးချုပ် ဗိုလ်ချုပ်မှုးကြီးမင်းအောက်လှိုင် လက်ထက်တွင် လေ့ကျင့်ပြုလုပ်သော ဒုတိယမြောက် ပူးပေါင်းစစ်ဆင်ရေးလေ့ကျင့်ခန်းဖြစ်သည်။၂၀၁၁ခုနှစ်က ကြည်း/အမြောက်/သံချပ်ကာ ပူးပေါင်းစစ်ဆင်ရေး(အောင်ဇေယျ)ကို ဆောင်ရွက်ခဲ့သည်။

ယနေ့ခေတ်သည် နိုင်ငံတိုင်းတွင် အမျိုးသားလုံခြုံရေးနှင့် ကာကွယ်ရေး အင်အားစုများကို ကြိုးစားတည်ဆောက်လာသည်ကို တွေ့ရှိရသည်။နှစ်ဆယ်ရာစု အကုန်ပိုင်းတွင် ကမ္ဘာထိပ်တန်းနိုင်ငံကြီးများဖြစ်သည့် ဆိုဗီယက် ယူနီယံ ချက်ကိုစလိုဗက်ကီးယား ယူဂိုဆလပ် စသည့်နိုင်ငံကြီးများသည် အစိပ်စိပ်အမွှာမွှာ ကွဲထွက်ကာ တိုင်းပြည်များ ပြိုကျပျက်စီးခဲ့ရသည်။အယူဝါဒမတူခြသင်း ဘာသာရေးမတူညီခြင်း လူမျိုးစွဲဝါဒကြီးခြင်းနှင့် ကိုယ်ပိုင်နိုင်ငံတည်ထောင်လိုခြင်းတို့သည် တိုင်းပြည်များပြိုကွဲစေသည့် အကြောင်းတရားများဖြစ်သည်။သို့သော် ထိုသြို့ ဒုတိယကမ္ဘာစစ်နှောင်းပိုင်း ပြိုကွဲသွားသည့် နိုင်ငံများမှ ထွက်ပေါ်လာသော နိုင်ငံငယ်များ၏ ရလာဒ်ကို ကြည့်လျှင် သယံဇာတ မပြည့်စုံခြင်း စစ်ရေးအင်အား နည်းပါးခြင်း စီးပွားရေးပြိုကွဲခြင်းနှင့် ပြည်သူလူထုမှ ဆွေးမျိုးများ ဝေးကွာရခြင်းများသာ အဖတ်တင်ပြီး အင်အားကြီးမားသော နိုင်ငံများအဖြစ် ရောက်ရှိသည့်နိုင်ငံမှ အိန္နိယ နှင့် ပါက္ကစတန်ကလွဲ၍ ကျန်နိုင်ငံများ ခေါင်းမထောင်နိုင်ခဲ့သည်မှာ အထင်းသားပင်ဖြစ်သည်။

ယနေ့ ၂၁ရာစုတွင် အကြမ်းဖက်အဖွဲ့အစည်းများရဲ့ ခြိမ်းခြောက်မူနှင့် ယခင်နှင့်မတူသော နိုင်ငံငယ်များရဲ့ စစ်အေးတိုက်ပွဲ(စစ်အေး တိုက်ပွဲသည် အမေရိကန်နှင့် ဆိုဗီယက်တို့၏ နိုင်ငံရေး စစ်ရေး အယူဝါဒရေး စီးပွားရေး လူမူရေးများကို ထိပ်တိုက်ရင်ဆိုင်ခဲ့ပြီး စစ်ရေးအနေဖြင့် အမြဲအသာစီးရရန်ကြိုးစားကာ နှစ်ဖက်၏ သြဇာခံ သို့မဟုတ် အယူဝါဒတူ နိုင်ငံများကို စစ်ရေးအရ ထောက်ပံကာ ယှဉ်ပြိုင်သော တိုက်ပွဲဖြစ်ပြီး ၁၉၉၁ခုနှစ်တွင် ဆိုဗီယက်သမ္မတ ဂေါ်ဘာချော့၏ နိုဘယ်ဆုနှင့် အလဲခံရသော ဆိုဗီယက်ပြည်ထောင်စု ခွဲထွက်ခွင့် ပေးပြီး ဆိုဗီယက်ပြိုကွဲပြီးနောက် စစ်အေးတိုက်ပွဲ ပြီးဆုံးကာ အမေရိကန်တစ်ဦးတည်း လွှမ်းမိုး ချုပ်ကိုင်သော ကမ္ဘာအဖြစ်သို့ ပြောင်းလဲခဲ့သည်)ဟုဆိုရမည့် နိုင်ငံရေး စီးပွားရေး လူမူရေး ယဉ်ကျေးမူ စသည့်အရာများ ပြိုင်ဆိုင် ခဲ့ကျရာ စစ်လက်နက် ပစ္စည်း အပြိုင်အဆိုင် တပ်ဆင်ခြင်းမှာ ထင်ရှားသော အချက်ဖြစ်ပေသည်။ထို စစ်လက်နက် အပြိုင်အဆိုင် တပ်ဆင်မူသည် စစ်ဆင်မူ အတွက် အထောက်အကူ ပြုသလို တဖက်နိုင်ငံအား စိတ်ဓာတ်ရေးရာနှင့်စစ်ဖက်ရေးရာတို့တွက်ပါ ခြိမ်းခြောက်ပြီးသားဖြစ်စေသည်။

မြန်မာနိုင်ငံသည် ပထဝီနိုင်ငံရေးအရ မဟာအင်အားကြီး တရုပ်နှင့်အိန္နိယနိုင်ငံ အကြားတွင် တည်ရှိပြီး နိုင်ငံရေး စစ်ရေး စီးပွားရေးတို့တွင် အချက်အခြာကျသော နိုင်ငံဖြစ်သည်။ထိုကြောင့်မြန်မာနိုင်ငံအား လွှမ်းမိုးချုပ်ကိုင်ရန် အင်အာကြီးနိုင်ငံ အသီးသီးက အစဉ်ကြိုးပမ်းလျှက် ရှိသည်ကို တွေ့ရှိရသည်။

တပ်မတော်သည်နိုင်ငံတော် ကာကွယ်ရေးအတွက် အဓိက စွမ်းအားစု ဖြစ်ရာ တပ်မတော်ကို နိုင်ငံတော်ကာကွယ်ရေးအတွက် အစဉ်အမြဲတည်ဆောက်နေရန်လိုသည်။ယခုစစ်ဆင်ရေးမကျင်းပမှီ ရက်အနည်းငယ်က ၂၀၀၉ခုနှစ်အတွင်းက ရေပိုင်နက် အငြင်းပွားခဲ့သော ဘင်္ဂလားဒေရ်ှနိုင်ငံသည် မြန်မာနိုင်ငံပိုင်နက်နှင့် ကီလိုမီတာ ၃၀၀ခန့်သာ ကွာဝေးသော စိန့်မာတင်ကျွန်း(အုန်းကျွန်း)တွင် ရေကြောင်းပူးပေါင်းစစ်ဆင်ရေးတစ်ရပ်ကို ဆောင်ရွက်ခဲ့သည်။ဘင်္ဂလားဒေရ်ှနိုင်ငံသည် ၂၀၀၉ခုနှစ်ရေပိုင်နက် အငြင်းပွားမူအပြီး လက်နက်အင်အားကို တိုးချဲ့လာခဲ့သည်။မြနိမာ့တပ်မတော်သည် ရေပိုင်နက် အငြင်းပွားနေစဉ်အတွင်း မြန်မာ့တပ်မတော်၏ ပင်မကျောရိုးတိုက်လေယာဉ်ဖြစ်သော Mig-29တိုက်လေယာဉ်များအား ထပ်မံဝယ်ယူကာ Mig-29တိုက်လေယာဉ်အစီးနှစ်ဆယ်ကျော်ကို အားဖြည့်ခဲ့သည်။ထိုအထဲတွင်း Mig-29SEတိုက်လေယာဉ် ၆စီးနှင်ါ အထက် ပါဝင်ခဲ့သည်။ထို့ပြင် တရုပ်နိုင်ငံမှ ဖရီးဂိတ်စစ်ရေယာဉ် နှစ်စီးကို ဝယ်ယူဖြည့်တင်းခဲ့သည်။ထို့ကြောင့် ဘင်္ဂလားဒေရှ် တပ်မတော်သည် အင်းအားဖြည့်တင်းမူများဆောင်ရွက်ခဲ့ရာ F-7တိုက်လေယာဉ်၏ နောက်ဆုံးပေါ်မျိုးကွဲဖြစ်သော F-7BGI ၁၆စီးနှင့် ရေတပ်အင်အားကုlိ အလုံးအရင်းဖြည့်တင်းခဲ့ရာ ၂၀၁၉ခုနှစ်တွင် Ming class ရေငုတ်သဘောင်္င်္နှစ်စီးပါပိုင်ဆိုင်တော့မည် ဖြစ်ပေသည်။ထိုသည်မှာ မြန်မာနိုင်ငံအား ရည်ရွယ်ကာ လက်နက်အပြိုင်အဆိုင် တပ်ဆင်ရန် ကြိုးပမ်းနေသည်မှာ အထင်အရှားတွေ့နိုင်ပေသည်။မြန်မာ့ပိုင်နက်အနီး ကီလိုမီတာ၃၀၀သာဝေးသော စိန့်မာတင်ကျွန်း(အုန်းကျွန်း)တွင် အသစ်ရောက်ရှိလာသော စစ်ရေယာဉ်များ ပူးပေါင်းလေ့ကျင့်မူမှာ တရားဝင် အသိပေးသည်ဖြစ်စေ ဤအကြောင်းအရာမှာ စိန်ခေါ်ခြိမ်းခြောက်မူဆိုသည်မှာ လူတိုင်းသိရှိသော အရာဖြစ်သည်။

ထို့ပြင် ထိုင်းနိုင်ငံတွင်လည်း အမေရိကန်နှင့်ပူးပေါင်းပြီး နှစ်စဉ်ဆောင်ရွက်လေ့ရှိသော အာရှ၏အကြီးဆုံးစစ်ရေးပူးပေါင်းလေ့ကျင့်ခန်း Cobra Goldနှင့် တိုက်ဆိုင်နေသော အချိန်ဖြစ်သည်။၂၀၀၁ခုနှစ် ယိုးဒယား-မြန်မာ နယ်နမိတ် အရေးအခင်းတွင် နှစ်ကြိမ်စလုံးသည် ယခုလို Cobra Gold စစ်ဆင်ရေးအပြီး ဆောင်ရွက်တိုက်ခိုက်ခဲ့ခြင်းဖြစ်သည်။

ထိုသို့စိန်ခေါ်မူများအတွက် ယခုပူးပေါင်းစစ်ဆင်ရေးလေ့ကျင့်ခန်းမှာ မြန်မာနိုင်ငံတော် ကာကွယ်ရေးအတွက် လိုအပ်သော ကိစ္စတစ်ခုဖြစ်ပေသည်။တပ်မတော်တစ်ခုတွင် စစ်လက်နက်ပစ္စည်းကောင်းများ ပိုင်ဆိုင်ရုံဖြင့်မပြီးသေးပဲ ထိုလက်နက်များကို ကျွမ်းကျင်ပိုင်နိုင်စွာ အသုံးချတက်ရန် လိုအပ်ပေသည်။

ယခုပူးပေါင်းစစ်ဆင်ရေး၏ ထူးခြားချက်များမှာ ယခင်ကဲ့သို့ ပူးပေါင်းစစ်ဆင်ရေးလေ့ကျင့်ခန်းကို တိုက်ခိုက်ရေးအဖွဲ့များ တိုက်ခိုက်ရုံသက်သက်လေ့ကျင့်ခြင်းမဟုတ်ပေ။တိုက်ခိုက်ရေးတပ်ဖွဲ့များအား စစ်မြေပြင်နှင့် အလားသဏ္ဍာန်တူရန် စစ်မြေပြင်စခန်းချပုံစံ အတိုင်းထားရှိခြင်း တိုက်ခိုက်ရေးတပ်ဖွဲ့များသာမက ထိုတိုက်ခိုက်ရေးကို အထောက်အကူပြုသော အုပ်ချုပ်ထောက်ပံမူတပ်ဖွဲ့များကိုပါ စစ်မြေပြင်အတိုင်းလေ့ကျင့်ခြင်းဖြစ်သည်။ထိုသည်မှာလည်း အာရှ၏အကြီးဆုံးစစ်ရေးပူးပေါင်းလေ့ကျင့်ခန်း Cobra Goldကို လေ့လာမူကြောင့် ရရှိလာသော အကျိုးဆက်ဟု သုံးသပ်မိပါတယ်။အုပ်ချုပ်ထောက်ပံမူနှင့် အကူလက်ရုံးတပ်ဖွဲ့များ ပင်မတိုက်ခိုက်ရေး တပ်ဖွဲ့များကို ကောင်းစွာထောက်ပံနိုင်မှ စစ်နိုင်သည် ဟူသော ဆိုရိုးစကားလည်း ရှိပေသည်။ဒုတိယကမ္ဘာစစ်အတွင်းက သဲကန္တာရမြေခွေးဟု နာမည်ကြီးပြီး တဖက်ရန်သူအပေါ်ပါ လွှမ်းမိုးနိုင်စွမ်းရှိသော ဂျာမန်ဗိုလ်ချုပ်ကြီး ရွန်းမဲလ်က ဗြိတိန်စစ်ဗိုလ်ချုပ်ကြီး မောင်ဂိုမာရီကို အဓိက ရှုံးနိမ့်ရသည့် အကြောင်းတရားမှာ အုပ်ချုပ်ထောက်ပံမူ ညံဖျင်းမူကြောင့်ပင်ဖြစ်သည်။ထိုစစ်ဆင်ရေးအပြီးတွင် ဗိုလ်ချုပ်ကြီး အာစင်ရွန်းမဲလ်က ဤသို့ဆိုပါသည်-"မည့်မျှကြီးကျယ်ခမ်းနားပြီး တိုက်ရည်ခိုက်ရည် ပြည့်ဝသော တပ်မတော်ဖြစ်ပါစေ အုပ်ချုပ်ထောက်ပံမူ ညံဖျင်းလျှင် စစ်ဆင်ရေးတွင် အစဉ်အမြဲ ရှုံးနိမ့်ပေမည်။"ဟု မိန့်ကြားခဲ့သည်။

MiG-29 SE တိုက်လေယာဉ်များဖြင့် လေ့ကျင့်နေကြစဉ်

ယခုပူးပေါင်းစစ်ဆင်ရေးတွင် အတွင်းပိုင်းသို့ ဝင်ရောက်လာသော ရန်သူ တပ်ဖွဲ့ကို ချေမှုန်းခြင်း ဖြစ်တာနဲ့ အညီ ထိုသို့အကြောင်းအရာနှင့် လိုက်လျောညီထွေသော စစ်ဆင်မူနှင့် တပ်ဖွဲ့များ ဖွဲ့စည်းမူကိုလည်း တွေ့ရှိရသည်။total warဆိုသော်လည်း ယခုဝင်ရောက်ချည်းနင်းတိုက်ခိုက်သော ရန်သူအားတိုက်ခိုက်ရန် တပ်မတစ်ခုအား တာဝန်ပေးအပ်ပြီး ထိုတပ်မအား အခြားအကူလက်ရုံးတပ်ဖွဲ့များနှင့် လေတပ်တို့မှ ဝန်းရံကာ တိုက်ခိုက်သည့် ပုံစံဖြစ်သည်။
ယခုပူးပေါင်းစစ်ဆင်ရေးတွင် လေတပ်မှအပ ကျန်တပ်ဖွဲ့များကို ကြည်းတပ်၏အကူလက်ရုံး တပ်သဖွယ် အသုံးပြုသွားသည်ကို တွေ့ရှိရသည်။
  
Type-59D/M ပင်မတိုက်ပွဲဝင်တင့်ကားများ
 
ယခုပူးပေါင်းစစ်ဆင်ရေးတွင် အသုံးပြုသော သံချပ်ကာတပ်ဖွဲ့၏ တင့်နှင့် သံချပ်ကာယာဉ်များမှာ မြန်မာတပ်မတော်တွင် ၁၉၉၀ခုနှစ် အစောပိုင်းကာလက ဝယ်ယူခဲ့သောလက်နက်များဖြစ်သည်။Type-59တင့်ကားများကို တရုပ်နိုင်ငံမှ ထုပ်လုပ်ခြင်းဖြစ်ပြီး မူလမျိုးကွဲ Type-59Dမှ Type-59Mအဖြစ်သို့ လေဆာပြစ်ခတ်ချိန်ရယ်မူ စနစ်များ တင့်ကားတွင် တပ်ဆင်ထားသော အမြောက်အား NATO Standardနှင့် အညီ ပြောင်းလဲတပ်ဆင်ခြင်း ညစစ်ဆင်နိုင်မူအား အဆင့်မြင့်တင်ခြင်း နှင့် အခြားစစ်ဆင်နိုင်မူများအား အများအပြားအဆင့်မြင့်တင်ခဲ့သည်။မြန်မာ့တပ်မတော် သံချပ်ကာတပ်ဖွဲ့တွင် အဆင့်အတန်းမြင့်မားပြီး ခေတ်မှီသော ပင်မတိုက်ပွဲဝင်တင့်များအဖြစ် T-72Sနှင့် MBT-2000တင့်များလည်းရှိသည်။ယခု ပူးပေါင်းစစ်ဆင်ရေးတွင် ထိုတင့်ကားများ အသုံးမပြုခြင်းမှာ လေ့ကျင့်ရေးအနေဖြင့်အသုံးပြုနေသော Type-59D/Mများဖြင့် လေ့ကျင်မူပြုလုပ်ရန်နှင့် တင့်ကားချီစစ်ဆင်ရေး မဟုတ်ပဲ ခြေလျှင်တိုက်ပွဲအကူ ပူးပေါင်းစစ်ဆင်ရေးဖြစ်သောကြောင့် ယခုT-59D/Mများကို အသုံးပြုခဲ့သည် ဟုလည်း ကြားသိရပါသည်။

ထို့အပြင် ယခင်ပူးပေါင်းစစ်ဆင်ရေး (အောင်ဇေယျ)တွင် အသုံးပြုခဲ့သော ပြည်တွင်းတွင် တပ်ဆင်ထုပ်လုပ်သည့် BTR-3U APC လူသယ်သံချပ်ကာယာဉ် (Amour Personal Carrier)အစား တရုပ်နိုင်ငံထုပ် Type-92IFV ခြေလျှင်တင်တိုက်ပွဲဝင်သံချပ်ကာယာဉ်(Infantary Fighting Vehicle)များကို ပြောင်းလဲ အသုံးပြုခဲ့သည်။ထိုသို့ အသုံးပြုရခြင်းမှာ BTR-3Uသည် တောင်ပေါ်ဒေသတိုက်ခိုက်ရေးနှင့် တင့်ကားချီစစ်ဆင်ရေးများတွင် ပိုမို အသုံးကျခြင်း သံချပ်ကာလူသယ်ယာဉ် နောက်တစ်မျိုးအား အသုံးပြုလေ့ကျင့်လိုခြင်းနှင့် လေ့ကျင့်ရေးသုံး သံချပ်ကာယာဉ်တို့ ဖြစ်နေသောကြောင့် ယခုကဲ့သို့ အသုံးပြုခြင်းဖြစ်ကြောင်း သိရှိခဲ့ရသည်။

Type-92 IFVများဖြင့် လေ့ကျင့်နေကြစဉ်

ထို့အပြင် ပြည်တွင်းဖြစ် သံချပ်ကာ လူသယ်ယာဉ် BSAC-87နှင့် MAV-2 mark |တို့ကိုလည်း အသုံးပြုခဲ့သည်။BAAC-87သည် ၂၀၁၃ဆီးဂိမ်းပြိုင်ပွဲတွင် လုံခြုံရေးအဖြစ် ဆောင်ရွက်သော သံချပ်ကာယာဉ်အဖြစ် လူသိများသည်။ထိုသံချပ်ကာ လူသယ်ယာဉ်သည် အကြမ်းခံ၍ စစ်ဆင်ရေးများတွင် အသုံးတည့်ပြီး အဆင့်မြင့်တင်မူများ ပြုလုပ်ပါက တန်းဝင် သံချပ်ကာလူသယ်ယာဉ်(APC)တစ်စီး ဖြစ်လာနိုင်ပါသည်။MAV-2 mark |အား ဆက်သွယ်/ကင်းထောက်ယာဉ်အဖြစ် အသုံးပြုခဲ့သည်။မြန်မာ့တပ်မတောတွင် MAV(Myanmar Amour Vehicle)များကို အဆင့်အတန်းမြင့် ထုပ်လုပ်နေလျှက်ရှိရာ ယခုအခါ နိုင်ငံတကာရောင်းတန်းဝင်သော သံချပ်ကာယာဉ်များကိုပါထုပ်လုပ်နိုင်သော အခြေအနေသို့ ရောက်ရှိခဲ့သည်မှာ မြန်မာ့တပ်မတော် သံချပ်ကာ တပ်ဖွဲ့အတွက် ဝမ်းသာစရာ တစ်ခုပင်ဖြစ်သည်။မြန်မာ့သံချပ်ကာ တပ်ဖွဲ့သည် အစဉ်အလာအရလည်း ထိုင်းတပ်မတော် သံချပ်ကာ တပ်ဖွဲ့ထက် ပိုမိုခေတ်မှီသော သံချပ်ကာ တပ်ဖွဲ့အဖြစ် အစဉ်အမြဲ အသာစီးရခဲ့သော တပ်ဖွဲ့ဖြစ်သည်။

Soltam 155mm ဟောင်ဝစ်ဇာများဖြင့် လေ့ကျင့်နေကြစဉ်

၁၀၅မမ အမြောက်များဖြင့် လေ့ကျင့်နေကြစဉ်
 
ပူးပေါင်းစစ်ဆင်ရေးတွင် အမြောက်တပ်ဖွဲ့အနေဖြင့် Soltam ၁၅၅မမ အမြောက်ကြီးများ မြန်မာ့တပ်မတော် အမြောက်တပ်ဖွဲ့၏ ပင်မကျောရိုးအမြောက်များဖြစ်သော ၁၀၅မမ အမြောက်များနှင့် ၁၂၀မမစိန်ပြောင်းကြီးတို့လည်း ပါဝင်ခဲ့သည်။၁၀၅မမအမြောက်များသည် မြန်မာတပ်မတော်၏ ပြည်တွင်းသောင်းကျန်းမူ နှိမ်နင်ရေး တိုက်ပွဲစဉ်များတွင် တောက်လျှောက် အသုံးပြုခဲ့သော အမြောက်ဖြစ်သည်။တိကျမူ နှင့် ထိရောက်မူအား ကောင်းသော အမြောက်ဖြစ်သည်။၁၂၀မမစိန်ပြောင်းကြီးသည် ယိုးဒယား-မြန်မာနယ်နမိတ် အရေးအခင်း စစ်ဆင်ရေးများတွင် ထိရောက်မူ အလွန်ကောင်းပြီး အထူးထင်ရှားခဲ့သော လက်နက်တစ်မျိုးလည်းဖြစ်သည်။မြန်မာ့တပ်မတော် အမြောက်တပ်ဖွဲ့ကို ဒေသတွင်း အကောင်းဆုံး အမြောက်တပ်ဖွဲ့ အဖြစ် ကမ္ဘာကပင် အသိအမှတ်ပြုထားရာ ယခု ပူးပေါင်းစစ်ဆင်ရေးတွင် အမြောက်တပ်ဖွဲ့ အနေဖြင့် လက်စွမ်းပြကာ တိကျထိရောက်သော ပြစ်ကူကို ပေးစွမ်းနိုင်ခဲ့သည်။အမျိုးအစားမတူညီသော အမြောက်သုံးခုအား တနေရာထဲသို့ တပြိုင်တည်းကျရောက် ပေါက်ကွဲအောင် အထိ စွမ်းဆောင်ရည် မြင့်မားစွာ ပြစ်ခတ်ခဲ့သည်ကိုလည်း တွေ့ရှိရသည်။

Type-81 122mm MLRS

ယခု ပူးပေါင်းစစ်ဆင်ရေးလေ့ကျင့်ခန်း (အနော်ရထာ)တွင် ထူးခြားမူ အနေဖြင့် မြန်မာ့တပ်မတော် အမြောက်တပ်ဖွဲ့၏ အတွဲလိုက်ပြစ်ဒုံးများကို ထည့်သွင်းအသုံးပြုစေခြင်းပင် ဖြစ်သည်။အတွဲလိုက်မြေပြင်ပြစ် ဒုံးအနေဖြင့် Type-81 MLRS(Multi-lancher Rocket System)အတွဲလိုက်ပြစ်ဒုံးများကို အသုံးပြုခဲ့သည်။အတွဲလိုက်ပြစ်ဒုံးများကို ကိုရီးယားကျွန်းဆွယ်စစ်ပွဲ အတွင်းက စတင် အသုံးပြုခဲ့သည်။ထိုအတွဲလိုက်ပြစ်ဒုံးများ၏ ပြစ်အား ထိရောက်မူနှင့် ပေါက်ကွဲအားသည် ကြောက်ခမန်းလိလိပင်ဖြစ်သည်။Type-81 အတွဲလိုက်ပြစ်ဒုံးကား တစ်စီးတွင် ဒုံးကျဉ် အတောင့်လေးဆယ် ထည့်သွင်းပြစ်ခတ်နိုင်ပြီး ထိုဒုံး၏ ပေါက်ကွဲအားသည် ၁၂၀မမစိန်ပြောင်းကြီး ဗုံးသီးထက် ပေါက်ကွဲအားနှစ်ဆ သာလွန်ပါတယ်။
ထိုအတွဲလိုက်ပြစ်ဒုံးများကို မြို့ဖျက်လက်နက်ဟူ၍ပင် တင်စားခေါ်ဝေါ်ရလောက်အောင် ပစ်မှတ်အပေါ်ထိရောက်မူနှင့် ပေါက်ကွဲဖျက်ဆီးနိုင်မူဟာ အလွန်ပင်ကြီးမားပါသည်။ထိုအတွဲလိုက်ပြစ် ဒုံးယာဉ်များအား မြန်မာ့တပ်မတော်မှ အမြောက်အမြားပိုင်ဆိုင်ထားသိဟုလည်း ဝမ်းသာစွာ ကြားသိရပါတယ်။

ယခုပူးပေါင်းစစ်ဆင်ရေး၏ ထူးခြားချက် တစ်ခုအနေဖြင့် စစ်သည်တိုင်းတွင် ကျဉ်ကာအကျီနှင့် ကျဉ်ကာဖိုက်ဘာဦးထုပ်များကို ဝတ်ဆင်ဆောင်ရွက်စေခြင်းပင်ဖြစ်သည်။စစ်မြေပြင်တွင် စစ်သည်တစ်ဦးအတွက် ကျဉ်ကာဖိုက်ဘာဦးထုပ်သည် အသက်တမျှ အရေးပါပြီး လက်နက်ကြီးပေါက်ကွဲမူမှ လွင့်စင်လာသော အစအနများနှင် ကျဉ်ဆံသည် ဦးခေါင်းအား တိုက်ရိုက်ထိမှန်သေဆုံးခြင်းမှ ကာကွယ်နိုင်သည်။တိုက်ပွဲတစ်ခုတွက် စစ်သည် တစ်ဦး၏ အသက်သည် တိုက်ပွဲကို အဆုံးအဖြတ်ပေးနိုင်စွမ်းရှိရာ ယခုကဲ့သို့ ကျဉ်ကာအကျီနှင့်ကျဉ်ကာဖိုက်ဘာဦးထုပ်များ ထုပ်ပေးခြင်းဖြင့် အဖိုးတန်သော လူစွမ်းအား အရင်းအမြစ်ဆုံးရှုံးခြင်းကို ကာကွယ်ပေးရာရောက်ပါသည်။ယခုလက်ရှိ မြန်မာ့တပ်မတော်တွင် အသုံးပြုနေသော ချပ်ဝတ်တန်ဆာများသည် တောင်ပေါ်ဒေသစစ်ဆင်ရေးအတွက် ထိရောက်လျှင်မြန်အောင် ဖန်တီးထားခြင်းဖြစ်သည်။ထို့ကြောင့်ပင် မြန်မာ့တပ်မတော်အား တောင်ပေါ်ဒေသ စစ်ဆင်ရေးတွင် ကမ္ဘာ့အကောင်းဆုံး တပ်မတော်အဖြစ် အသ်အမှတ်ပြုထားခြင်းပင်ဖြစ်သည်။သို့သော် Standard Army တစ်ခုဖြစ်ရေးအတွက် ချပ်ဝပ်တန်ဆာပိုင်းကို အဆင့်မြင့်တင်ရမည်ဖြစ်ရာ မကြာသော အချိန်ကာလတစ်ခုတွင် မြန်မာ့တပ်မတော်သည် စစ်ဝတ်စုံကို အဆင့်အတန်းမှီစွာ ပြောင်းလဲတပ်ဆင်မည့် ရှေပြေးပုံရိပ် တစ်ခု အဖြစ် မြင်တွေ့ရခြင်းဟု သုံးသပ်မိပါသည်။

ပူးပေါင်းစစ်ဆင်ရေး၏ ထင်ရှားသော အချက်မှာ အထူးအကြမ်းဖက်နှိမ်နင်းရေးတပ်ဖွဲ့(Special Operation Task Force)ကို အသုံးပြုခြင်းဖြစ်သည်။နိုင်ငံတစ်ခုတွင် သမရိုးကျ စစ်ဆင်ရေး ဆောင်ရွက်ရုံသာမက အထူးစစ်ဆင်ရေးများလည်း လိုအပ်လာသည်ကို တွေ့ရှိရသည်။သမရိုးကျတပ်ဖွဲ့ကို ကွန်မန်ဒို တပ်ခွဲ/တပ်ရင်းများအဖြစ် ဖွဲ့စည်းထားလေ့ရှိသော်လည်း အထူးစစ်ဆင်ရေးများအတွက်တွင်မူ စနစ်တကျလေ့ကျင့်ထားပြီး သင့်လျှော်သော လက်နက်တပ်ဆင်ထားသည့် အထူးတပ်ဖွဲ့များလိုအပ်သည်မှာ အထင်အရှားပင်ဖြစ်သည်။နိုင်ငံတကာတွင်လည်း အထူးစစ်ဆင်ရေးအဖွဲ့များအဖြစ် Ranger/Navy Seal/Airforce Commandoစသည်ဖြင့်ဖွဲ့စည်းလေ့ရှိသည်။၂၁ရာစု အကြမ်းဖက်မူ နိုမ်နင်းရေးတွင် အထူးတပ်ဖွဲ့များ၏ အရေးပါမူကို အထင်အရှားပင် တွေ့မြင်ရမည်ဖြစ်သည်။သမရိုးကျစစ်ပွဲများတွင်လည်း အထူးတပ်ဖွဲ့၏ စွမ်းဆောင်မူများကြောင့် အောင်မြင်ခဲ့သည်ကိုလည်းတွေ့ရှိရသည်။ဒုတိယကမ္ဘာစစ်ကို အဆုံးအဖြတ်ပေးခဲ့သော နော်မန်ဒီကမ်းခြေတိုက်ပွဲများတွင် အမေရိကန်တပ်မတော်၏ အထူးတပ်ဖွဲ့ဖြစ်သော Rangerတပ်ဖွဲ့များ၏ စွမ်းဆောင်ရည်များကြောင့် အောင်မြင်မူရှိခဲ့သည်ကိုလည်း တွေ့ရှိရသည်။ထိုကြောင့်ခေတ်သစ်စစ်ပွဲများအတွက် ယခုကဲ့သို့ အကြမ်းဖက် တပ်ဖွဲ့များ အသုံးပြုခြင်းဖြင့် စစ်ပွဲအလျှင်အမြန် အောင်နိုင်ရေးကို အထောက်အပံဖြစ်စေပါသည်။မြန်အာ့တပ်မတော်တွင် SOTFများ Navy Sealများ Airbone Forceများကို ယခုထက်တိုးချဲ့သင့်ကြောင်းကို တွေ့ရှိရပါသည်။

လေကြောင်းရန်ကာကွယ်ရေး တပ်ဖွဲ့အနေဖြင့်လည်း ပူးပေါင်းစစ်ဆင်ရေး လေ့ကျင့်ခန်းတွင် ကြည်းတပ်၏ လေကြောင်းရန် ကာကွယ်ရေး တပ်ဖွဲ့ အနေဖြင့် ဆောင်ရွက်ခဲ့ကြောင်းတွေ့ရှိရသည်။လေကြောင်းရန် ကာကွယ်ရေးတပ်ဖွဲ့တွင် လေကြောင်းရန်ကာကွယ်ရေးလက်နက်အဖြစ် ၅၇မမနှင့် ၃၇မမ တာတိုပြစ်လေကြောင်းရန်ကာကွယ်ရေးယာဉ်(57mm airdefence mobile vehicle)နှင့် SA-16 Igla ပခုံးထမ်းဒုံးများပါဝင်ခဲ့ပြီး အထောက်အကူပြုလက်နက်နှင့် ရေဒါယာဉ်အဖြစ် Smart hunterယာဉ်များကိုပါ အသုံးပြုသွားသည်။ယခုပူးပေါင်းစစ်ဆင်ရေးသည်
ကဒေသန္တရတိုက်စစ်ဖြစ်သောကြောင့် ၎င်းတွင်ပါဝင်သော အမြောက် ဒုံး သံချပ်ကာနှင့် စစ်လက်ရုံးအကူ တပ်ဖွဲ့စခန်းများကိုသာ လေကြောင်းရန် အန္တာရယ်မှ အကာအကွယ်ပေးခြင်းဖြစ်သည်။နိုင်ငံလုံးဆိုင်ရာ ဗဟိုလေကြောင်းရန်ကာကွယ်ရေး စနစ်နှင့် မသက်ဆိုင်ပေ။ဗဟိုလေကြောင်းရန်ကာကွယ်ရေးအဖြစ် ကြားဖြတ်တိုက်လေယာဉ်များ တာလတ်နှင့် တာဝေးပြစ် လက်နက်များ တာဝေး လေကြောင်းရန်ကာကွယ်ရေး လက်နက်များ သီးခြားပါရှိပါသည်။



  ထို့အပြင် လျှက်စစ်အင်ဂျင်နီယာတပ်ဖွဲ့မှလည်း တင့်/သံချပ်ကာ ဆယ်တင်ရေးကားများ ပြည်တွင်းဖြစ်FVRဟုခေါ်ဆိုသော Field Recovery Vehicleများပါဝင်ခဲ့ပြီး စစ်ပွဲနယ်မြေအတွင်း ပျက်စီးသွားသော တင့်နှင့် သံချပ်ကာများ ဆယ်တင်ပြုပြင်ခြင်း အခြားစစ်သုံးယာဉ်များ ပြုပြင်ထိန်းသိမ်းခြင်း လုပ်ငန်းဆောင်တာများကို ဆောင်ရွက်ခဲ့သည်။ဤစစ်ဆင်ရေးတွင် လျှက်စစ်အင်ဂျင်နီယာတပ်ဖွဲ့မှာ မရှိမဖြစ် အရေးကြီးပြီး တိုက်ပွဲအတွက် အရေးပါသော ယာဉ်များအား အလျှင်အမြန် ပြုပြင် ထိန်းသိမ်းခြင်းအားဖြင့် စစ်ပွဲအတွက် အရေးပါသော စစ်လက်နက်နှင့် အထောက်အကူ ပြုပစ္စည်းများကို အချိန်မှီ ပြုပြင် ထိန်းသိမ်းခြင်းဖြင့် တိုက်စွမ်းအားကို ဆက်လက် တိုးတက်စေမည်ဖြစ်သည်။

ထောက်ပံနှင့် ပို့ဆောင်ရေး တပ်ဖွဲ့မှ ရိက္ခာ အထွေထွေသုံး မော်တော်ယာဉ် စက်သုံးဆီများကို စစ်မြေပြင်စခန်းများ စနစ်တကျတည်ဆောက်ကာ ထားရှိအသုံးပြုခဲ့ခြင်းကြောင့် အရေးပေါ်ကာလ စစ်ဆင်ရေးတွင် ထောက်ပံပို့ဆောင်ရေး လုပ်ငန်းများကို ဆောင်ရွက်နိုင်ပါသည်။စစ်လက်နက်ပစ္စည်း တပ်ဖွဲ့မှလည်း လိုအပ်သော စစ်အသုံးအေဆာင်နှင့် လက်နက်ခဲယမ်းများကို စစ်မြေပြင်အတိုင်းထားရှိသိုလှောင် ဆောင်ရွက်ခဲ့သည်မှာ အုပ်ချုပ်ထောက်ပံမူ၏ အရေးပါမူကို စနစ်တကျ လေ့ကျင့်ဆောင်ရွက်ကြောင်းတွေ့ရှိရသည်။

ဆက်သွယ်ရေး တပ်ဖွဲ့မှလည်း တပ်ဖွဲ့အချင်းချင်းဆက်သွယ်ဆောင်ရွက်ပေးခြင်း ရန်သူဆက်သွယ်မုအား နှောက်ယှက်ဖျက်ဆီးခြင်း မိမိတပ်ဖွဲ့ဆက်သွယ်မူ လုံခြုံအောင် ဆောင်ရွက်ခြင်း ရန်သူဆက်သွယ်မူအား တန်ပြန်ထောက်လှမ်းခြင်းတို့ကို ခေတ်မှီစက်ကရိယာများ အသုံးပြုဆောင်ရွက်ခဲ့သည်။

 ဆေးဝန်ထမ်းတပ်ဖွဲ့မှ စစ်မြေပြင်ဆေးရုံဖွင့်လှစ်ခြင်း စစိမြေပြင် လူနာသယ် လူနာကောက် လုပ်ငန်းများ ဆေးပစ္စည်းထိန်းသိမ်းခြင်းတို့ကို တကယ့်စစ်မြေပြင် အတိုင်းလေ့ကျင့်ခဲ့သည်ကို တွေ့ရှိရသည်။

တပ်မတော် တပ်ထိန်းတပ်ဖွဲ့ကလည်း တပ်ဖွဲ့ဝင်များအား လမ်းကြောင်းထိန်းသိမ်းပေးခြင်း တိုက်ပွဲအပြီး သုံ့ပန်းထိန်းသိမ်းရေး စစ်ကျောရေး လုပ်ငန်းများကို စနစ်တကျပါဝင်ခဲ့သည်မှာလည်း တိုက်ပွဲအတွင်းအမှန်တကယ် လိုအပ်သော အချက်များကို လေ့ကျင့်မူပင်ဖြစ်သည်။

ယခုပူးပေါင်းစစ်ဆင်ရေးတွင် အမြောက်နှင့် ဒုံးတပ်ဖွဲ့များသည် ပြစ်မှတ်ရှာရေဒါကို အသုံးပြုတိုက်ခိုက်ခြင်းဖြစ်သည်။ခေတ်သစ်စစ်ပွဲများတွင် ရန်သူနယ်မြေထဲ အကဲကြည့်ပြစ်မိန့်ပေးရန် ခက်ခဲပေသည်။ရန်သူ့ပြစ်မှတ်များရှာဖွေခြင်း တန်ပြန်ပြစ်ခတ်မူများကို ထောက်ခာလှမ်းခြင်း ပြစ်မှတ်အား တိတိကျကျ ပြစ်ခတ်နိုင်ရေးအတွက် ပြစ်မှတ်ရှာရေဒါမှာ အရေးပါသော အချက်ပင်ဖြစ်သည်။ယခုစစ်ဆင်ရေးတွင် မြန်မာ့တပ်မတော် အမြောက်တပ်ဖွဲ့မှာ SLC-2ပြစ်မှတ်ရှာရေဒါကို အသုံးပြုခဲ့သည်။ထို့အပြင် အပေါ့စားမောင်းသူမဲ့ လေယာဉ်ငယ်ဖြင့် တိုက်ပွဲနယ်မြေအတွင်း အမြောက်တပ်ဖွဲ့အတွက် အသေးစိတ်ထောက်လှမ်းမူ ပြုလုပ်ခဲ့သည်။့ အပေါ့စားမောင်းသူမဲ့လေယာဉ်ငယ်ဖြင့် ခေတ်သစ်စစ်ပွဲများတွင် အသုံးပြုလျှက်ရှိပေသည်။ထိုသို့ အသုံးပြုခြင်းဖြင့် စစ်ဆင်ရေးအတွက် လိုအပ်သော အထောက်အပံကောင်းများကို ပေးစွမ်းနိုင်ကြောင်းတွေ့ရှိရသည်။