အတွဲလိုက် ဗုံးပစ်လောင်ချာများ

M79 ဆိုတာ တစ်ခေတ်တစ်ခါက နာမည်ကြီး ဗုံးပစ်လောင်ချာ အမျိုးအစားပါ။ လူသေစေတဲ့ ပြင်းထန်တဲ့ ယမ်းအားမပါရှိပဲ အများအပြားကို ဒဏ်ရာရအောင် စီမံထားတဲ့ ဗုံးအငယ်စားတွေ ထည့်ပစ်တာပါ။ အားသာချက်အရကတော့ သေနှတ်သံတွေကြားကနေ အသံတိတ် နီးပါး ပစ်နိုင်ပြီး ဘယ်ကပစ်လိုက်တယ်ဆိုတာ အသံအရရော အမြင်အရပါ မခွဲနိုင်တာမို့ အငိုက်မိရတဲ့ လက်နှက် အမျိုးအစားပါ။ ကျည်လမ်းကြောင်း အဖြောင့်မဟုတ်တာကြောင့် ပစ်တဲ့နေရာကို တော်ရုံ သိနိုင်ဖို့ ခဲယင်းပါတယ်။ 

M-79

သည်နောက်မှာတော့ ရမ်ဘိုသေနှတ်လို့ အရပ်ထဲမှာ လူသိများကြတဲ့ မောင်းပြန်ရိုင်ဖယ်အောင်မှာ တပါတည်းတွဲဆက်ထားပြီး သေနှတ်သံတွေကြားမှာ တိတ်တဆိတ် ဗုံးပစ်နိုင်ခဲ့ကြပါတယ်။ စစ်သည်တွေ အကြိုက်တွေ့လှတဲ့ ၄၀မမ ဗုံးပစ်လောင်ချာတွေကို မောင်းပြန်စနစ်နဲ့ အများအပြား ပစ်ခတ်နိုင်ရင် အနီးကပ်တိုက်ပွဲ အတွင်းမှာ ရန်သူကို ဦးနှိမ်ထားနိုင်မယ် ဆိုတဲ့ အယူအဆနဲ့ ၄၀၀မ ဗုံးပစ်လောင်ချာတွေကို ထပ်မံ ပြင်ဆင်ခဲ့ကြပါတယ်။

အမေရိကန်ရဲ့ Hawk M1 ဆိုရင် Terminator ဇာတ်လမ်းထဲက စက်ရုပ်လူသား အာနိုးကြီးကိုင်တဲ့ လက်နှက်အဖြစ် မြင်ဘူးကြသလို အဲသည်ခေတ်ခါက အက်ရှင်ဇာတ်လမ်းတွေမှာ ပါလေ့ရှိပါတယ်။ အမေရိကန်ထုတ် ၄၀မမ ဗုံးပစ်လောင်ချာဖြစ်ပြီး ၆လုံးပြူးသေနှတ် အလုပ်လုပ်တဲ့ ပုံစံအတိုင်း ကျည်ဆံ၁၂လုံးပါ လောင်ချာဖြစ်ပါတယ်။ အကွာအဝေး မီတာ၃၅၀ထိ ပစ်ခတ်နိုင်ပါတယ်။ 
 

M32

ခုခေတ်မှာတော့ M32 လို ကျည်၆လုံးပါ မော်တာတွေကို အသုံးပြုပြီး မီတာ ၅၀၀ထိ ပစ်ခတ်နိုင်ပါတယ်။ အထူးတပ်ဖွဲ့တွေနဲ့ မြို့စောင့်တပ်တွေ အရေးခင်းနှိမ်နင်းရေးတပ်တွေ၊ ရဲအထူးတပ်ဖွဲ့တွေ အသုံးပြုပါတယ်။ နိုင်ငံတော်တော်များများက ဝယ်ယူအသုံးပြုတဲ့ စနစ်လဲ ဖြစ်ပါတယ်။
 

RG-6

ရုရှားထုတ် DP-64 ဟာ နှလုံးပြူးပုံစံ သေနှတ်ဖြစ်ပြီး မြင်တွေ့ရခဲပါတယ်။ RG-6 ကတော့ ခုခေတ် ရုရှား အထူးတပ်ဖွဲ့သုံး ဖြစ်ပြီး နိုင်ငံတော်တော်များများက ဝယ်ယူအသုံးပြုပါတယ်။ M32 ထက် ကျည်ထွက်နုန်းမြန်ပြီး တစ်စက္ကန့်ကို ၂လုံးထိ အလိုလျောက် ပစ်နိုင်ပါတယ်။ ကျည်ခြောက်လုံးပါ လောင်ချာ အမျိုးအစားဖြစ်ပြီး မီတာ ၄၀၀ထိ ပစ်ခတ်နိုင်ပါတယ်။

DP-64

ခေတ်သစ်နည်းပညာသုံး ဗုံးပစ်လောင်ချာများ အဖြစ်နဲ့ လေကွဲကြည်သုံးကာ အကာကွယ်နောက်မှာ ပုန်းအောင်းနေတဲ့ ရန်သူကို ပစ်ခတ်ဖို့ XM25 လို လောင်ချာတွေလဲ တီထွှင်ထုတ်လုပ်ကြပါတယ်။ နည်းပညာသစ် ချိန်ရွယ်မှု စနစ်တွေကို အသုံးပြုပြီး တိကျပစ်ခတ်နိုင်ဖို့ တီထွှင်ထားတာပါ။ ၂၅မမနဲ့ ၂၀မမလို သေးငယ်တဲ့ ဗုံးသီးတွေကို အသုံးပြုပါတယ်။ ဗုံးသီး၎လုံးပါ လောင်ချာ အမျိုးအစားဖြစ်ပါတယ်။ မီတာ ၁၀၀၀ထိ တိတိကျကျ ပစ်ခတ်နိုင်ပါတယ်။

သို့သော်လည်း သယ်ဆောင်ရ ဝန်ကျယ်ပြီး အမြန်ပစ်ခတ်နိုင်တဲ့ အထက်ပါ လောင်ချာတွေကို ခြေလျင်စစ်သည်တွေက အကြိုက်နဲပါးလှပါတယ်။ အမြန်ပစ်ခတ်ပြီး ရန်သူကို ခေါင်းမဖေါ်တမ်း ဖိနိပ်ထားနိုင်ပေမယ့် ကျည်ကို ကြိုဖြည့်ထားရတာမို့၊ တိုက်ပွဲအတွင်း ဒါမှမဟုတ် အရေးအခင်းနှိမ်နင်းရေး အတွင်းမှာ ကျည်အမျိုးအစား ပြောင်းပစ်ဖို့ဆိုရင် အစအဆုံး ပြန်ပြင်ဆင်ရတာမို့ သာမာန် တစ်တောင့်ထိုး ဗုံးပစ်လောင်ချာတွေကိုသာ အမြန်ပစ်နိုင်ဖို့ လေ့ကျင့်ပြီး အသုံးပြုရတာကို စိတ်ကြိုက်တွေ့ကြပါတယ်။ တစ်ထောင့်ထိုး လောင်ချာတွေရဲ့ ရိုးရှင်းတဲ့ပုံစံ၊ လွယ်ကူတဲ့ အသုံးပြုရမှု ပြုပြင်ထိမ်းသိမ်းရမှုတွေကို သာလွန်တဲ့ စိတ်ကြိုက်ရမှုမျိုးကို ခေတ်သစ် ဗုံးပစ်လောင်ချာတွေက ဖြည့်ဆည်းမပေးနိုင်သေးပါဘူး။

တရုတ်တပ်မတော်သုံး

ဒါ့အပြင် ခံစစ်ပစ်ဒါမှမဟုတ် ပစ်ကူပေးမှာ ရန်သူကို အမြန်ပစ်ခတ်နိုင်စေဖို့ ဆိုရင်လဲ ဗုံးသီး ၆လုံးကနေ ၁၂လုံးထိသာ အများဆုံးရှိတာမို့ ထိရောက်မှု မရှိလှဘူးလို့ ဆိုပါတယ်။ ဒါ့ကြောင့် လူတစ်ကိုယ်စာ သယ်ဆောင်နိုင်ဖို့ဆိုတဲ့ အချက်ကို စွန့်လွှတ်ပြီး အတွဲလိုက် အမြန်ပစ်ခတ်ဖို့ကိုသာ ဦးစားပေးတဲ့ အော်တိုမစ်တစ် အတွဲလိုက်ပစ် လောင်ချာ အကြီးစားတွေကို အလေးပေးလာခဲ့ကြပါတယ်။ ယာဉ်တမ်းကို လုံခြုံရေးပေးဖို့၊ ခံစစ်နေရာကနေ ပစ်ခတ်ဖို့ ၊ မြစ်တွင်းကင်းလှည့်ယာဉ်တွေမှာ တပ်ဆင်ဖို့၊ ဒါ့အပြင် မြေပြင်သုံး မောင်းသူမဲ့ ယာဉ်များမှာ တွဲဖက် တပ်ဆင်နိုင်ဖို့ အထိ အသုံးဝင်လှပါတယ်။ လူလှိုင်းစစ်ဆင်ရေးနဲ့ ရင်ဆိုင်ရလေ့ရှိတဲ့ ကွန်မြူနစ်ဆန့်ကျင်ရေး စစ်ပွဲ စစ်မျက်နှစာအတွက် ၁၉၆၀ ခုနှစ်များဆီက အမေရိကန်တို့ စတင်ထုတ်လုပ်ခဲ့ကြတဲ့ စနစ်လဲဖြစ်ပါတယ်။ ခုခေတ်မှာတော့ နိုင်ငံတော်တော်များများရဲ့ ယာဉ်တင်စနစ် ဒါမှမဟုတ် ခံစစ်ပစ်ခတ်ရေး စနစ်အနေနဲ့ အသုံးပြုကြပါတယ်။

အမေရိကန်လုပ် Mk19 ဟာ ဗီယက်နမ်စစ်ပွဲကနေ ယနေ့ခေတ် အမေရိကန် တပ်မတော်ထိ သုံးဆွဲနေဆဲ စနစ်တစ်ခုဖြစ်ပါတယ်။ စစ်သည်၂ဦးနဲ့ သယ်ဆောင်ပစ်ခတ်ရပြီး၊ blowback စနစ်သုံး အလိုလျောက်ပစ်ခတ်နိုင်တဲ့ လောင်ချာဖြစ်ပါတယ်။ တစ်မိနစ်ကို ဗုံးသီး၃၀၀ ကျော်နုန်းနဲ့ ပစ်ခတ်နိုင်ပြီး မီတာ ၁၅၀၀ ထိ ထိထိရောက်ရောက် ပစ်ခတ်နိုင်ပါတယ်။ ဗုံးသီး၃၂လုံး ဒါမှမဟုတ် ၄၈လုံးပါ ကျည်တွဲကို အသုံးပြုပါတယ်။ ဒေဝူးကုမ္မနီထုတ် K4 နဲ့ စင်ကာပူထုတ် CIS-40AGL တို့ဟာ အလားတူ လောင်ချာ အမျိုးအစားတွေ ဖြစ်ပါတယ်။ ညကြည့်ကိရိယာတွေနဲ့ အနီအောက်ရောင်ခြည်သုံး ချိန်ဆိုဒ်တွေကို တပ်ဆင်ကာ နေ့ညမရွေး ချိန်ရွယ် ပစ်ခတ်နိုင်အောင် အဆင့်မြင့်နိုင်ပါတယ်။ 

AGS30

 ရုရှားတပ်မတော်ကတော့ AGS17 အနေနဲ့ထုတ်လုပ် အသုံးပြုပြီး ၁၉၉၀ နောက်ပိုင်းမှာတော့ AGS30 အနေနဲ့ အဆင့်မြင့်တင်ခဲ့ပါတယ်။ စစ်သည်၂ဦးနဲ့ သယ်ဆောင်ပစ်ခတ်နိုင်ပါတယ်။ blowback စနစ်သုံး အလိုလျောက်ပစ်ခတ်နိုင်တဲ့ လောင်ချာဖြစ်ပါတယ်။ ၃၀မမ ကျည်ကို အသုံးပြုပြီး အကွာအဝေး မီတာ ၂၀၀၀ထိ တိတိကျကျပစ်ခတ်နိုင်အောင် အဆင့်မြင့်တင်ထားပါတယ်။ အဆင့်မြင့်ချိန်ဆိုဒ်တွေကို စိတ်ကြိုက် တပ်ဆင် အသုံးပြုနိုင်ပါတယ်။ လောင်ချာ အလွတ် အလေးချိန် ၁၆ကီလိုဂရမ်သာ ရှိတာကြောင့် အမေရိကန်လုပ် Mk19ထက် တစ်ဝက်နီးပါး သေးငယ်ပေါ့ပါးပါတယ်။ ဗုံးသီး၃၀ပါ ကျည်တွဲများအကို အသုံးပြုပြီး တစ်မိနစ်လျင် အတောင့်၄၀၀နုန်းထိ အမြန်ပစ်ခတ်နိုင်ပါတယ်။ AGS-40 အနေနဲ့ ၄၀မမဗုံးသီးအသုံးပြုတဲ့ လောင်ချာစနစ်ကိုလဲ ပြင်ပကိုတင်ပို့ ရောင်းချဖို့ ထုတ်လုပ်ပါတယ်။

ဂျာမနီနိုင်ငံထုတ် GMG အမျိုးအစား ၄၀မမ အတွဲလိုက်ပစ် လောင်ချာ စနစ်ကိုလဲ နိုင်ငံတကာ တပ်ဖွဲ့များက အသုံးပြုကြပါသေးတယ်။ ကျန် အမျိုးအစားတွေနဲ့ ကွာခြားမှု သိပ်မရှိပါဘူး။ 
 

XM-307

အမေရိကန်ကတော့ XM 174 နဲ့ XM307 ကဲ့သို့ ကွန်ပြူတာ စနစ်နဲ့ တွဲဖက်တဲ့ ဗုံးပစ်လောင်ချာ စနစ်ကို ထုတ်လုပ်လာပြီး မောင်းသူမဲ့ မြေပြင်သုံးယာဉ်တွေနဲ့ သံချပ်ကာတင် စနစ် ဒါမှမဟုတ် ခံစစ်သုံး စနစ်အနေနဲ့ အသုံးပြုဖို့ ထုတ်လုပ်တာပါ။ ထူးခြားကွဲပြားလာတာကတော့ နေ့ညမရွေး တိကျအောင် ချိန်ရွယ်ပေးမယ့် စနစ်တွေ အဝေးထိန်း စနစ်နဲ့ ပစ်ခတ်နိုင်တဲ့ စနစ်တွေ အပါအဝင် ဒဿမ၅ စက်သေနှတ်ကြီးကိုပါ တွဲဖက် တပ်ဆင်အသုံးပြုလို့ရပါတယ်။ အတောင့် ၃၀ပါ ဗုံးတွဲကို အသုံးပြုပြီး မီတာ ၃၆၀၀ထိ ပစ်ခတ်နိုင်ပါတယ်။ လေကွဲကျည်လို ကျည်တွေကို ပစ်ခတ်ပေးနိုင်ပါတယ်။ XM174 ကတော့ ၄၀မမ ဗုံးသီးကို အသုံးပြုပြီး XM307 ကတော့ ၂၅မမ ဗုံးသီးတွေကို အသုံးပြုပါတယ်။

စစ်သည်များနဲ့ တွဲဖက် သယ်ဆောင်ကာ တိုက်ပွဲဝင်နိုင်ဖို့ လေးလံတဲ့ စနစ်တစ်ခုဖြစိပေမယ့် ယာဉ်တင်အဖြစ် အသုံးပြုခြင်း၊ ခံစစ်ပစ်လက်နှက်အနေနဲ့ အသုံးပြုခြင်းတွေမှာ ထိရောက် ကောင်းမွန်တဲ့ စနစ်ဖြစ်လို့ နိုင်ငံတကာ တပ်မတော်တွေက လက်မလွတ်တမ်း အသုံးချနေတဲ့ ဗုံးပစ်လောင်ချာ စနစ်များ ဖြစ်ပါကြောင်း တင်ပြလိုက်ရပါတယ်။ ကျန်းမာချမ်းသာကြပါစေ။