Friday, September 23, 2016

WZ131 chassis သုံးမိုင်းရှင်းယာဉ်


WZ131 ဆိုတာ အနည်းငယ်စိမ်းနေကြပါလိမ့်မယ်။ Type62 တင့် chassis ဆို အလွယ်သိကြမယ် ထင်ပါတယ်။
Type 62


တရုတ်ပြည်သူ့တပ်မတော်ဟာ ၁၉၅၉ ခုနှစ်မှာ Type59 ဆိုတဲ့ မူပိုင်တင့်ထုတ်လုပ်ရေး စက်မှု စနစ်တစ်ခုကို ပိုင်ဆိုင်ခဲ့ပါတယ်။ တရုတ်နဲ့ ရုရှားတို့ရဲ့ တူညီသော စနစ်အခြေခံအရ ဒီဇိုင်းတွေကို နာမည်ပေးရာမှာ ထုတ်လုပ်နိုင်တဲ့ ခုနှစ်ကို ပေးလေ့ရှိတာမို့ ဆိ်ုဗီယက်စက်မှုရဲ့ ၁၉၅၄ ခုနှစ်မှာ အောင်မြင်ခဲ့တဲ့ T54/55 ပုံစံ တင့်တွေကို ၄နှစ်အကြာမှာ တရုတ်က အမြောက်အမြား တရားဝင် ထုတ်လုပ်နိုင်ခဲ့တာ မြင်သာလွန်းလှပါတယ်။ 
GSL 130 မိုင်းရှင်းယာဉ်

ဒါပေမယ့် တရုတ်တပ်မတော် ပိုင်ဆိုင်တဲ့ ပုံစံ၅၉ တွေဟာ တရုတ်နိုင်ငံ တောင်ပိုင်းမှာရှိတဲ့ အိမ်နည်းချင်း နယ်စပ်တွေကို နေရာချထားရာမှာ တောင်တန်းနဲ့ မြေနုလွင်ပြင်နဲ့ တောတောင် ထူထပ်ရာဒေသတွေ ဖြစ်တာမို့ အံဝင်ခွင်ကျ မဖြစ်လှပါဘူး။
ဒါ့ကြောင့် တရုတ်တပ်မတော်ရဲ့ စက်မှုယူနစ် နံပတ် ၆၇၄ (Harbin First Machinery Building Group Ltd လို့သိရှိနိုင်) ကို ပုံစံတူ ပိုမိုပေါ့ပါးတဲ့ တင့်အမျိုးစား တစ်မျိုး ထုတ်လုပ်ဖို့ တာဝန်ပေးအပ်ခဲ့ပါတယ်။ အဲသည်ကနေ ပုံစံ၆၂ အပေါ့စား တင့်တွေ ပေါ်ထွက်လာခဲ့ပါတယ်။
လက်ဘနွန်ရှိ UN သုံး GSL130

ပုံစံ၆၂ တင့်တွေဟာ တရုတ်-ဗီယက်နမ် စစ်ပွဲမှာ ဗီယက်နမ်တွေ ဘယ်လိုမှ မျှော်လင့်မထားတဲ့ နယ်စပ် တောင်တန်းတွေပေါ်ကနေ ပေါ်ထွက်လာခဲ့တဲ့ တင့်တွေ ဖြစ်ပါတယ်။ အခြားထင်ရှားတဲ့ တင့်အမျိုးအစားကတော့ ပုံစံ၆၃ ကုန်းရေ ၂သွယ်သွားတင့်တွေ ဖြစ်ပါတယ်။ 
 
Type63 ကုန်းရေနှစ်သွယ်သွားတင့်


၁၉၇၀ မတိုင်ခင်က ဗီယက်နမ် ကိုယ်တိုင်နဲ့ ဗီယက်နမ်ဘက်က စစ်ကူပေးတဲ့ တရုတ်တပ်တွေရဲ့ အဓိက တင့်ကား အမျိုးအစားလဲ ဖြစ်ပါတယ်။ တရုတ်တပ်မတော်ဟာ ပုံစံ၆၂ တင့်တွေကို ပုံစံ၆၂အေ အဖြစ် အဆင့်မြင့်ပြီး ဗီယက်နမ်ကို ကျူးကျော်ရာမှာ သုံးခဲ့ပေမယ့် သံချပ်ကာ အားနည်းမှုကြောင့် ဆိုဗီယက်လုပ် အာပီဂျီ၇ ရဲ့ ဒဏ်ကို မခံနိုင်ပဲ ဆုံးရှုံးမှုတွေ ဖြစ်ပေါ်ခဲ့ရပါတယ်။ နောက်ပိုင်းမှာ အဆင့်မြင့်တင်မှုတွေ ပြုလုပ်ခဲ့ပြီး ပုံစံ၇၀လို့ အမည်ပေးခဲ့ပေမယ့် ခေါ်ဝေါ်သုံးဆွဲသူ မရှိပါဘူး။ ယခုအချိန်မှာတော့ လေ့ကျင့်ရေး တင့်အဖြစ်သာ တရုတ်ပြည်သူ့တပ်မတော်က အသုံးပြုပါတော့တယ်။

ပုံစံ၆၂ တင့်ကားရဲ့ ပေါ့ပါးမှု မောင်းနှင်ရ လွယ်ကူရိုးရှင်းမှု မြေပြင်အနေအထားအမျိုးမျိုးအပေါ် ပြောင်းလွယ်ပြင်လွယ်နိုင်မှုတို့ကြောင့် စစ်မြေပြင်သုံး အင်ဂျင်နီယာ တင့်များ၊ မိုင်းရှင်းယာဉ်များ အဖြစ် ပြောင်းလဲ အသုံးပြုခဲ့ကြပါတယ်။ ၁၉၈၀ နှစ်လွန်များမှာ ပုံစံ၆၃ ကုန်းရေ၂သွယ်သွားတင့်၊ GJT211 စစ်မြေပြင်အင်ဂျင်နီယာတင့်နဲ့ GSL130 မိုင်းရှင်းတင့် အမျိုးအစားတွေဟာ ဈေးနုန်းသက်သာမှုနဲ့ ရိုးရှင်းလွယ်ကူမှုတွေကြောင့် UN အပါအဝင် ကမ္ဘာ့တတိယနိုင်ငံများက ဝယ်ယူအသုံးပြုခဲ့ကြပါတယ်။

UN ကဝယ်ယူအသုံးပြုပြီး လက်ဘနွန်မှာ မိုင်းရှင်းတာဝန်များကြား ထင်ရှားခဲ့တာကတော့ GSL130 မိုင်းရှင်းယာဉ်များ ဖြစ်ပါတယ်။ ပုံ၇၉ အဖြစ် ထုတ်လုပ်ခဲ့တဲ့ စစ်မြေပြင် အင်ဂျင်နီယာ တင့်ကို အခြေခံပြီး မိုင်းရှင်းယာဉ်များ အဖြစ် ထပ်မံထုတ်လုပ်ခဲ့ရာမှာ ၁၉၈၂ ခုနှစ်မှာ ထုတ်လုပ်ခဲ့တာမို့ ပုံစံ၈၂ အဖြစ်သတ်မှတ်သော်လည်း GSL130 အဖြစ်သာ အသိများကြပါတယ်။

၂၅တန်သာ ရှိတဲ့ အပေါ့စား တင့်ကို ယာဉ်အဖွဲ့သား ၄ဦး နဲ့ မောင်းနှင်ပြီး တောတောင်ထူထပ်ရာတွေ၊ အနိမ့်အမြင့်အတိမ်းအစောင်း များရာတွေ၊ မြေအနေအထား အမျိုးမျိုးမှာ အလွယ်တကူ အသုံးပြုနိုင်ပါတယ်။
အဓိက အားဖြင့် GDB127 အမျိုးအစား မိုင်းရှင်း ယမ်းကြိုးပစ် လက်နှက်ကို သယ်ဆောင်ထားပါတယ်။ အဆိုပါ မိုင်းရှင်းယမ်းကြိုးဟာ မီတာ ၁၅၀ထိ ပစ်လွှတ်နိုင်ပြီး ဖေါက်ခွဲမိုင်းရှင်းခြင်းဖြင့် အကျယ် ၅မီတာ အရှည် မီတာ ၁၀၀ရှိ မိုင်းရှင်းလမ်းကို ခဏအတွင်းဖေါ်ဆောင်ပေးနိုင်ပါတယ်။ ပြန်လည်ပြင်ဆင်ချိန် ၁၅မိနစ်ကနေ အကြာဆုံး နာရီဝက်သာ လိုပါတယ်။

ဒါ့အပြင် ယာဉ်ရဲ့ရှေ့မှာ မိုင်းရှင်း ထယ်သွား (mine plow) ကို တပ်ဆင်ပြီး သာမာန် လူသတ်မိုင်းများ၊ နင်းမိုင်းများ၊ တိုက်မိုင်းများ၊ IED များကို ရှင်းလင်းပေးနိုင်ပါတယ်။
မိုင်းကွင်း အတားအဆီးကဲ့သို့ နေရာတွေကို ဖြတ်ကျော်ရာမှာတော့ မိုင်းရှင်းဘီး (mine rollers) များကို အသုံးပြုပြီး သာမန် တင့်ဖျက်နဲ့ သံလိုက်မိုင်းများ အပါအဝင် မိုင်းအမျိုးမျိုးကို ကြိုတင်ဖေါက်ခွဲ ရှင်းလင်းပေးနိုင်ပါတယ်။ ကျန်းမာချမ်းသာကြပါစေ။  
မိုင်းရှင်းယမ်းကြိုး ပစ်လွှတ် နေစဉ်

Sunday, July 3, 2016

တစ်ခေတ်ဆန်းသစ်လာသည့် ဆော်လမွန်များ




       ၂၀၁၄ခုနှစ် အောက်တိုဘာ ၂၀ရက်နေ့ ညနေပိုင်းတွင် စိတ်ဝင်စားဖွယ်ရာ သတင်းတစ်ခုသည် မီဒီယာပေါ်သို့ တက်လာခဲ့ပါတယ်။ ဆွီဒင်နိုင်ငံ စတော့ဟုမ်း ကမ်းခြေအနီးမှာ အမည်ဖေါ်ပြနိုင်ခြင်း မရှိတဲ့ ရေငုပ်သင်္ဘောပုံစံ အရာဝထ္ထုတစ်ခုကို ဆွီဒင် ရေတပ်နဲ့ လေတပ်တို့က အင်အားသုံးရှာဖွေနေကြတယ် ဆိုတဲ့ သတင်းပါ။

      အဆိုပါ အရာဝထ္ထုဟာ ရေငုပ်သင်္ဘော အငယ်စား (midget submarine) နဲ့ ဆင်တူလွန်းပြီး ဓါတ်ပုံသက်သေတွေအရ ၁၇ရက်နေ့မှာ တစ်ကြိမ် ရေပေါ် တက်ခဲ့ပြီး နောက်တစ်ကြိမ် အဖြစ် ၂၀ရက်နေ့မှာ ထပ်မံပေါ်ထွက်ခဲ့တာ ဖြစ်ပါတယ်။ ဓါတ်ပုံတွေရဲ့ ပုံရိပ်တွေအရ ဆိုဗီယက်ခေတ် ရေငုပ်သင်္ဘော အငယ်စား ဖြစ်နိုင်လွန်းပါတယ်။ ဖြစ်နိုင်ချေများ အရ ရေငုပ်သင်္ဘော အငယ်တွေကို ရှားပါးစွာ ထုတ်လုပ်ခဲ့တဲ့ ဆိုဗီယက် ရေတပ်မှာ Losos အတန်းအစား ဒါမှမဟုတ် Triton II ရေငုပ်သမား သယ်ပို့ ယာဉ်ငယ် ဖြစ်နိုင်တယ် လို့ သုံးသပ်ကြပါတယ်။

           အဆိုပါ ရေငုပ်သင်္ဘော ငယ်တွေဟာ သူချည်း သပ်သပ် လှုပ်ရှား စစ်ကစားဖို့ ဝေးကွာလွန်းတဲ့ အကွာအဝေးမှာ ရှိနေတာကြောင့် Mother ship ကို ထပ်မံရှာဖွေတဲ့ အခါမှာတော့ zigzag ပုံစံ (အင်္ဂလိပ် အက္ခရာ Z ပုံစံ) လမ်းကြောင်းနဲ့ ခုတ်မောင်းနေတဲ့ ရုရှားပိုင် ကုန်တင်သင်္ဘော Concord ကို ရုရှားနဲ့ ဆွီဒင် ရေပိုင်နက်ကြားမှာ ထောက်လှမ်းရခဲ့ပါတယ်။
          ဒါပေမယ့် ဆွီဒင်လေတပ်က Concord ဆီကို သတိပေးချက် ပေးပို့လိုက်ချိန်မှာပဲ သင်္ဘောဟာ ရုရှားရေပိုင်နက်ထဲ ဝင်သွားခဲ့ပါတယ်။ ရုရှားကတော့ တရားဝင် ငြင်းဆိုပြီး Concord ဟာ Estonia ကမ်းခြေကနေ  St. Petersburg ဆီကို တရားဝင်ခုတ်မောင်းနေတဲ့ သင်္ဘောသာ ဖြစ်တယ်လို့ ဆိုပါတယ်။
       လက်ပူးလက်ကြပ်မမိတဲ့ ဆွီဒင်ကမ်းခြေက ရေငုပ်သင်္ဘောဟာ ဝေလငါးလိုလို ကောလဟာလလိုလိုနဲ့ ပြီးသွားခဲ့ပေမယ့် ၂၀၁၅ခုနှစ်မှာတော့ ပူတင်ဟာ စစ်အေးခေတ်က ရပ်ဆိုင်းခဲ့တဲ့ Losos အတန်းအစား ရေငုပ်သင်္ဘော ငယ်တွေကို အဆင့်မြင့်တင် ထုတ်လုပ်ဖို့ နဲ့ အရန်ထားရှိထားတာတွေကို ပြန်လည် တပ်တော်ဝင်နိုင်ဖို့ ယူယိုသန်း ၂၀၀ နီးပါး အသုံးပြုမယ် ဆိုတဲ့ သတင်းနဲ့အတူ ၂၀၁၄ခုနှစ်က ရေငုပ်သင်္ဘော သတင်းဟာ ပြန်လည်ခေတ်ထ လာခဲ့ပါတယ်။
         အသစ်အသစ်သော ရေတပ်သင်္ဘောကြီးတွေကို တည်ဆောက်တာထက်၊ ရှိပြီးသား စစ်သင်္ဘောကြီးတွေကို ပြန်လည် အသက်သွင်းတာဟာ ပိုမိုစိတ်ချရတယ်ဆိုတဲ့ အယူအဆဘက်ကို ပြင်သစ်မှာ တည်ဆောက်တဲ့ ရဟတ်ယာဉ်တင်သင်္ဘော စီမံကိန်းက ရလိုက်တဲ့ ရုရှားရေတပ်ဟာ စစ်အေးခေတ် ဆိုဗီယက်ဓါးတွေကို အသက်သွင်းရာမှာ Losos အတန်းအစား ရေငုပ်သင်္ဘော ငယ်တွေရဲ့ စီမံကိန်းလဲ အပါအဝင်ဖြစ်ပါတယ်။
         စိန့်ပီတာစပတ်မှာ ရှိတဲ့ သင်္ဘောကျင်းတွေကနေ ထုတ်လုပ်နိုင်တဲ့ midget အတန်းအစား ရေငုပ်သင်္ဘောတွေဟာ ၂၀၁၀ခုနှစ် တောင်ကိုရီးယားရဲ့ ရေငုပ်သင်္ဘော တိုက်ဖျက်ရေး ကော်ဗက် ၇၇၂ ကို မြောက်ကိုရီးယားရဲ့ ခေတ်ဟောင်း ရေငုပ်သင်္ဘောအငယ်စားလေးက နှစ်မြုတ်စေခဲ့အပြီး ကတည်းက ကမ္ဘာ့ရေတပ်နည်းပညာတွေရဲ့ အိပ်မက်ဆိုး အဖြစ် အသက်ပြန်ဝင်ခဲ့တာ ဖြစ်ပါတယ်။
၂၀၁၆ခုနှစ် ရုရှားရဲ့ လက်နက်ပြပွဲတွေမှာ Losos အတန်းအစား ရေငုပ်သင်္ဘောငယ်တွေရဲ့ မျိုးဆက်သစ်တွေကို ခင်းကျင်းပြသတော့မှာ ဖြစ်ပြီး အသုံးပြုလိုတဲ့ စစ်ဆင်ရေး လိုအပ်ချက်တွေအရ ထုတ်လုပ်ပေးနိုင်ဖို့ ပြင်ဆင်ထားမယ်လို့ ဆိုပါတယ်။ စိတ်ဝင်စားစရာ ကောင်းတာက ၂၀၁၄ ခုနှစ်ကနေ ၂၀၁၅ ခုနှစ် အတွင်း ဆန်ရှင်တွေနဲ့ ဒဏ်ခတ်မှုတွေ တောက်လျောက် ရင်ဆိုင်ရတဲ့ ရုရှားနိုင်ငံရဲ့ စစ်လက်နက်ပစ္စည်း တိုးချဲ့မှုတွေဟာ ပြင်ပနိုင်ငံတွေရဲ့ ပေါင်းစပ် ရင်းနှီင်္းမြုပ်နံမှုတွေ မပါပဲ လုပ်ငန်းအစပျိုးဖို့ ခဲယင်းလွန်းတာပါပဲ။ Mig35 ထုတ်လုပ်ဖို့ စီမံကိန်းလိုပဲ ရေငုပ်သင်္ဘော အငယ်တွေ ထုတ်ဖို့ဆိုတာ ပြင်ပက အမှာစာတွေ ရရှိပြီး ဖြစ်နေလို့ဆိုတာ ရာခိုင်နုန်း ၅၀ကျော်မယ့် ဖြစ်တန်စွမ်း အဖြစ် ယူဆနိုင်တာပါပဲ။

         Losos ဆိုတာဟာ နေတိုးရဲ့ ခေါ်ဆိုတဲ့ နာမည်ဖြစ်ပြီး ဆော်လမွန်လို့ အမည်ရပါတယ်။ တကယ်တော့ ရုရှားလို Project 865 Piranha (Пиранья) အသားစားငါးလို့ ခေါ်ဆိုတာပါ။ ကမ်းရိုးတမ်းရေတိမ်နဲ့ မြစ်လက်တက်တွေအထိ ဝင်ရောက်နိုင်အောင် တည်ဆောက်ထားပါတယ်။ မိုင်းခင်းဖို့နဲ့ ကွန်မင်ဒိုတွေ သူလျိုတွေ ကြိုပို့ဖို့ အဓိက တည်ဆောက်ထားတာမို့ ပင်လယ်ကနေ ရေကိုဆန်တက်လာမယ့် ငါးနာမည် ဆော်လမွန်ကို ပေးခဲ့ပေမယ့် အနည်းငယ် အဆင့်မြင့်လိုက်တာနဲ့ ပင်လယ်ဝကနေ တော်ပီတိုနဲ့ တိုက်ခိုက်နိုင်မယ့် စွမ်းရည်ရှိတာကြောင့် အသားစားငါး အဖြစ် ဆိုဗီယက်တွေက ခေါ်ဝေါ်ခဲ့တာပါ။
           ၁၂စင်းအထိ တည်ဆောက်ဖို့ရှိပေမယ့် ဆိုဗီယက် အင်ပါယာ ပြိုကွဲချိန်မှာ MS-520 နဲ့ MS-521၂စင်းသာ တည်ဆောက်ပြီးခဲ့ပြီး ဆောက်လုပ်ဆဲ ၆စင်းလုံး ရပ်နားခဲ့တယ် ဆိုပါတယ်။ ဘယ်အဆင့်မှာ ရပ်နားခဲ့တယ် အစင်းရေ ဘယ်လောက်များများ အရန်အဖြစ် ရှိတယ်ဆိုတာ မသိရပါဘူး။
         Project 865 Piranha တွေဟာ နာမည်ကျော် ရေတပ်သင်္ဘော ဒီဇိုင်းပညာရှင် L.V.Chernopyatov ရဲ့ ၁၉၇၀ ပြည့်နှစ် ခေတ်ရှေ့ပြေး လက်ရာ ဖြစ်ပါတယ်။ ဒီဇင်အင်ဂျင်သုံး ရေငုပ်သင်္ဘောကို အသံတိတ်အောင် လုပ်ဆောင်ရာမှာ ဆရာတစ်ဆူ ဖြစ်တဲ့ ဆိုဗီယက် သင်္ဘောကျင်းဟာ L.V.Chernopyatov ရဲ့ သထ္ထုစပ် ကိုယ်ထည်၂ထပ် ပုံစံကို တည်ဆောက်နိုင်ဖို့ ၁၀စုနှစ်တစ်စု ကြာခဲ့ပါတယ်။ Project 865 Piranha ရဲ့ သင်္ဘော ကိုယ်ထည်ဟာ တိုက်တေနီယမ် သထ္ထုစပ်နဲ့ တည်ဆောက်ထားပါတယ်။ အပြင်ကိုယ်ထည်ကတော့ non-magnetic alloy ကို အသုံးပြုထားတာကြောင့် သံလိုက်လှိုင်းကို အသုံးပြုထောက်လှမ်းတဲ့ ထောက်လှမ်းရေး ကိရိယာတွေ၊ သံလိုက်လှိုင်းကို အသုံးပြု တိုက်ခိုက်မယ့် တော်ပီတိုတွေ၊ သံလိုက်မိုင်းတွေ ရန်ကနေ သိပ်ကို လုံခြုံတဲ့ ရေငုပ်သင်္ဘော အမျိုးအစား ဖြစ်ပါတယ်။ ဒါ့အပြင် ရေငုပ်သင်္ဘောရဲ့ သေးငယ်တဲ့ အရွယ်အစား ကမ်းခြေရေတိမ်နားမှာ လှုပ်ရှားနိုင်မှု စတာတွေကြောင့် ပင်လယ်ဝနဲ့ မြစ်လက်တက်တွေထဲမှာတော့ သိပ်ကိုကြောက်စရာ ကောင်းမယ့် ရေပေါ် ရေအောက် ရေယာဉ်တွေရဲ့ မှင်စာလေး သဖွယ် ဖြစ်နေတာပါပဲ။
           Project 865 Piranha တွေဟာ အလျား- ၂၈.၂မီတာ၊ အကျယ် ၄.၇၄မီတာ၊ တန်ချိန် ၂၀၀ကျော်သာ ရှိတာမို့ သင်္ဘောသား ဦးနဲ့ မောင်းနှင်နိုင်ပြီး ၆ဦး လိုက်ပါနိုင်ပါတယ်။ ရေပေါ် ရေအောက် တစ်နာရီ ရေမိုင် ၇မိုင် ကျော်သာ ခုတ်မောင်းနိုင်ပေမယ့် နောက်ပိုင်းမှာ ၁၁မိုင်ကျော်ထိ ခုတ်မောင်းလာနိုင်ပါတယ်။
         ရေအနက် မီတာ ၂၀၀ထိ ငုပ်လျိုးနေနိုင်ပြီး ပင်မသင်္ဘော ဒါမှမဟုတ် အခြေစိုက်စခန်းကနေ ရေမိုင် ၄၀၀ ပတ်လည်အတွင်း ကမ်းမကပ်ပဲ ၁၀ရက်အထိ စစ်ကစားနိုင်ပါတယ်။ မိုင်းခင်းစစ်ဆင်ခြင်းနဲ့ ကွန်မင်ဒိုသယ်ပို့ နိုင်ဖို့ အဓိက ရည်ရွယ်ပေမယ့် တော်ပီတိုပြွန် ၂ခု ထည့်သွင်းထားတာမို့ ၄၀၀မမ တော်ပီတို ၂လုံး သယ်ဆောင်ပစ်ခတ်နိုင်ပါတယ်။ Swimmer Delivery Vehicle သယ်ဆောင်သွားနိုင်တဲ့ ပြင်ပ ချိတ်ဆွဲရာနေရာ ၂ခုကနေလဲ ၅၃၃မမ တော်ပီတို အကြီးစား သယ်ဆောင်ပစ်ခတ်နိုင်ပါသေးတယ်။ Active/passive radar and sonar တွေ၊ Decoy တွေ၊ ဆက်သွယ်ရေး ကိရိယာတွေ အဆင့်မြင့်စွာ ပါဝင်ပြီး လွန်စွာ အသံလုံ တိတ်ဆိတ်တဲ့ အမျိုးအစား တစ်ခု ဖြစ်ပါတယ်။
Piranha-T အမျိုးအစား

            Piranha-T အမျိုးအစားကတော့ တိုက်ခိုက်ရေး အတွက် ဖြစ်ပြီး ကွန်မင်ဒို ၃ဦးထိသာ သယ်ဆောင်နိုင်ပါတယ်။ ဒါ့အပြင် သီးသန့်ထွက်ပေါက် မပါရှိပဲ တော်ပီတို ပြွန်ကနေ တဆင့်သာ ထွက်နိုင်ပါတယ်။ တော်ပီတိုပြွန် ၄ခု ပါရှိပြီး ၅၃၃မမ ၂ခု၊ ၄၀၀မမ ၂ခု ပါဝင်ပါတယ်။ ကွန်မင်ဒို သယ်ဆောင်နိုင်ခြင်း မရှိပဲ မိုင်းသာ ခင်းနိုင်တယ်လို့လဲ ဆ်ိုကြပါတယ်။ သီးခြား အချက်အလက်မရှိပါဘူး။ ပထမ Project 865 နဲ့ ပုံစံခြင်း ကွာခြားပြီး ယူဂို အတန်းအစား ရေငုပ်သင်္ဘောငယ်တွေနဲ့ ဆင်တူပါတယ်။
U-130 အမျိုးအစား

            U130 လို့နာမည်ပေးထားတဲ့ နောက်တစ်မျိုးကတော့ ပြင်ပဈေးကွက်အတွက် အထူးရည်ရွယ်ထားတာဖြစ်ပြီး ၄၀၀မမ တော်ပီတိုပြွန် ၄ခုနဲ့ ရေငုပ်သမား ၆ယောက်ကို သယ်ဆောင်နိုင်မှာဖြစ်ပါတယ်။ ရေငုပ်သင်္ဘောတွေ ဝင်နိုင် ထွက်နိုင်ဖို့ ရေလုံအခန်းငယ် သီးသန့်ပါရှိမှာ ဖြစ်ပါတယ်။
            Piranha-2 ကတော့ AIP (air-independent propulsion) စနစ်တွေ အဆင့်မြင့် ဆက်သွယ်ရေး စနစ်တွေ ပါဝင်ပြီး ကွန်မင်ဒိုတွေကို တာဝေး သယ်ပို့နိုင်ဖို့ Sirena-UME SDV လို ယာဉ်ငယ်တွေကို ကိုယ်ထည်ပြင်ပမှာ ချိတ်ဆွဲ သယ်ဆောင်နိုင်မှာ ဖြစ်ပါတယ်။ Piranha-M  အမျိုးအစားကတော့ အချက်အလက်များ မသိရပါဘူး
             Piranha အတန်းအစား ရေငုပ်သင်္ဘောတွေဟာ သေးငယ်ပြီး ထိမ်းသိမ်းစားရိတ်သက်သာတဲ့ ရေငုပ်သင်္ဘော အမျိုးတွေ ဖြစ်ပါတယ်။ Mother ship နဲ့သာ တာဝေး စစ်ဆင်နိုင်တယ် ဆိုပေမယ့် မြောက်ကိုရီးယားရဲ့ သင်္ဘောငယ်တွေနဲ့ ယခုဖေါ်ပြလိုက်တဲ့ Piranha အတန်းအစားတွေဟာ ရေမိုင် ၂၀၀ နီးပါးကို လွှမ်းခြုံစစ်ဆင်ထားနိုင်ပါတယ်။ သယ်ဆောင်နိုင်တဲ့ လက်နက် အရေအတွက် နဲပါးလှပေမယ့် ထောက်လှမ်းရ သိပ်ကို ခက်ခဲတဲ့ သင်္ဘောငယ်လေးတွေရဲ့ ရေတိမ်ပိုင်း ချောင်းမြောင်းတိုက်ခိုက်မှုဟာ ခေတ်မီရေတပ်တွေ အတွက် ချိန်းခြောက်ထားနေဆဲ ရန်စွယ်တစ်ခု အဖြစ် ရပ်တည်နေဆဲပါ။ လူအင်အားနဲနဲနဲ့ မောင်းနှင်နိုင်ပြီး အသုံးပြုရ လွယ်ကူတာကြောင့် လူအင်အား ငွေကြေးအင်အား နည်းပညာ အင်အား ကန့်သတ်ချက်ရှိနေတဲ့ ကမ်းရိုးတန်းပိုင် နိုင်ငံတွေအဖို့ အားကိုးထိုက်တဲ့ ရေအောက် ဓါးတစ်လက်ပါပဲ။ ရုရှားနိုင်ငံဟာ ၂၀၁၆ အတွင်း ပြသ ရောင်းချမယ့် အဆိုပါ ရေငုပ်သင်္ဘောငယ်တွေရဲ့ သတင်းကို နားစွင့်နေနိုင်ကြဖို့ တင်ဆက်လိုက်ရပါတယ်။ ကျန်းမာချမ်းသာကြပါစေ။