အကူလက်ရုံး စက်ယန္တရားများ ၃

ရိုးစင်းပြီး ထိရောက်လှတဲ့ အခြား တင့်အတားစီးတစ်ခုဟာ မြောင်းများဖြစ်ပါတယ်။ ခံစစ်ပုံစံ ထောက်ခြောက်များနှင့် ပြည့်နှက်နေတဲ့ တင့်အတားအစီး ကျုံးများမဟုတ်ပဲ သာမာန် တင့်တစ်စင်း ကျော်ဖြတ်နိုင်တဲ့ အတိုင်းအတာထက် အနည်းငယ် ပိုသော ကျုံးများနဲ့ ဖြတ်ကျော် တက်ရောက်နိုင်အောင် မဖြစ်နိုင်လောက်သော တူးမြောင်းများသည်ပင်လျင် တင့်တပ်ဖွဲ့များ အတွက် ခေါင်းခဲစရာ ကိစ္စတစ်ခုဖြစ်ပါတယ်။ ထို့အတွက် တူးမြောင်းများနှင့် ချောင်းများကို ကျော်ဖြတ်နိုင်ရန် တံတားထိုး ယာဉ်များကို အသုံးပြုကြပါတယ်။

မြန်မာ့တပ်မတော်သုံး ပုံစံ-၈၄ တံတားခင်းတင့်

T-55 ကိုယ်ထည်ပေါ်မှာ တည်ဆောက်ထားတဲ့ ပထမဆုံးသော အမျိုးအစားဟာ MT-55A အမျိုးအစား ဖြစ်ပြီး ခေါက်ထားတဲ့ သံဘောင်တစ်ခုကို သယ်ဆောင်ကာ ၁၈မီတာ ရှည်ပြီး တန်၅၀ ဝန်ခံနိုင်တဲ့ ယာဉ်တွေ ဖြတ်ကျော်နိုင်တဲ့ လျောက်လမ်း ၂ခုပါ တံတားကို ခင်းပေးနိုင်ပါတယ်။ အလားတူအမျိုးအစားကို ပြည်ပတင်ပို့ရာမှာတော့ MTU-12 အဖြစ် ၁၂မီတာရှည်သော တစ်ဖြောင့်တည်း တံတားတစ်ခုကို သယ်ဆောင်ထားသည့် ယာဉ်အဖြစ်သာ ထားရှိပါတယ်။ နောက်ပိုင်းမှာ MTU-20 အဖြစ်နဲ့ မီတာ ၂၀အရှည်ထိ ဖြန့်နိုင်တဲ့ ၃ခေါက်ချိုး တံတားတစ်ခုကို သယ်ဆောင်နိုင်အောင် အဆင့်မြင့်တင်ခဲ့ပါတယ်။ MTU-20 မှာတော့ သံချပ်ကာ ထုထည်ပိုမိုထူထဲလာပြီး အဆင့်မြင့် ကွန်ပြူတာစနစ်များ၊ ဆက်သွယ်ရေးစနစ်များနဲ့ တတိယနိုင်ငံများကို တင်ပို့နိုင်ဖို့ အဓိက ဆွဲဆောင်ထုတ်လုပ်ထားပါတယ်။ အဆိုပါ တံတားခင်းယာဉ်တွေဟာ ယာဉ်အဖွဲ့သား ၂ဦးမှ ၃ဦးထိသာ လိုအပ်ပြီး မိနစ်ပိုင်းအတွင်းမှာပဲ သယ်ဆောင်လာတဲ့ တံတားကို ခင်းပေးနိုင်မှာဖြစ်ပြီး တပါတည်း ပြန်လည်ဖြုတ်ယူ သယ်ဆောင်သွားနိုင်ပါတယ်။

MT-55A တံတားခင်းတင့်

 MTU-20 တံတားခင်းတင့်

MTU-72 တံတားခင်းတင့်

T-72 ကိုယ်ထည်ပေါ်မှာ တည်ဆောက်ထားတဲ့ တံတားခင်းယာဉ်ကတော့ MTU-72 ဖြစ်ပြီး၊ ဇီဝ၊ဓါတု၊ ဓါတ်ရောင်ခြည်ဒဏ် ခံနိုင်တဲ့ သံချပ်ကာ ကိုယ်ထည်နဲ့တည်ဆောက်ထားပါတယ်။ အဆင့်မြင့်ထားတဲ့ သထ္ထုစပ်တွေကို အသုံးပြုထားလို့ ပိုမိုပေါ့ပါးတဲ့ MTU-20 ပုံစံ ၃ခေါက်ချိုး တံတားတစ်ခုကို သယ်ဆောင်နိုင်ပါတယ်။ ၂မိနစ်အတွင်းမှာ ၂၀မီတာ ရှည်တဲ့ တံတားတစ်ခုကို ခင်းနိုင်ပြီး ၁၀မိနစ်အတွင်းမှာ ပြန်ခေါက်သိမ်းနိုင်ပါတယ်။ 

TMM-6 တံတားခင်းယာဉ်



BTRများ၊ BMP များကဲ့သို့ အပေါ့စား တင့်များအနေနဲ့ တံတားထိုးယာဉ်အစား သစ်လုံးများ၊ သံပိုက်လုံး အသေးများကို စုစီးထားတဲ့ ပိုက်လုံးအစည်းများကို မြောင်းများတွင်း ချထားပြီး ကျော်ဖြတ်လေ့ရှိ
ကြပါသေးတယ်။ သို့သော်လည်း ပင်မတိုက်ပွဲဝင်တင့်များနဲ့ ရေစီးရှိတဲ့ နေရာများကို ကျော်ဖြတ်ရာမှာတော့ တံတားထိုးယာဉ်များကိုသာ အားကိုးရလေ့ရှိပါတယ်။လူလုပ်အတားအဆီး မြောင်းများ မဟုတ်ပဲ သဘာဝ အတားအဆီးများ ဖြစ်တဲ့ ချောင်းများ၊ မြစ်များကို ကျော်ဖြတ်ကြရမှာတော့ တံတားထိုးယာဉ် 
အကြီးစားများကို အသုံးပြုကြရပါတယ်။ TMM အမျိုးအစား စစ်မြေပြင် တံတားများဟာ ၇မီတာခန့်ထောက်တိုင်များ ပါရှိပြီး ရေအနက် ၅မီတာ အရှည် မီတာ ၄၀မှ မီတာ၁၀၀ထိ ကျော်ဖြတ်နိုင်အောင် ထောက်တိုင်ပါ တံတားများ ခင်းနိုင် ဖြုတ်သိမ်းနိုင်ကြပါတယ်။ ယာဉ်အဖွဲ့သား ၂ဦးမှ ၃ဦးထိသာ လိုအပ်ပြီး ကြာမြင့်ချိန် နာရီပိုင်းသာ ကြာမြင့်ပါတယ်။ မီတာ ၁၀၀ထက် ပိုတဲ့ အတားအဆီးကို ကျော်ဖြတ်ရာမှာတော့ ယာဉ်၂စင်းမှ ၃စင်းထိ ပူးပေါင်း ဆောင်ရွက်နိုင်ပါတယ်။ တန်ချိန် ၆၀ထိ ဖြတ်သန်းနိုင်ပြီး သယ်ဆောင်သည့် ယာဉ်များကို သာမာန် အကြီးစား သယ်ယူပို့ဆောင်ရေးယာဉ်များအစား စစ်မြေပြင်သုံး အကြီးစားယာဉ်များဖြင့် အသုံးပြုသည့် TMM-6 တံတားခင်းယာဉ်များဟာ ရန်သူ့ပစ်ခတ်မှုအောက်နှင့် ညအချိန်များပင်လျင် တံတားခင်းနိုင်အောင် စွမ်းဆောင်ရည် မြင့်မားကြပါတယ်။

 KMM တံတားခင်းယာဉ်

TMM အမျိုးအစားများနဲ့ ဆင်တူစွာ ပေါ့ပါးစွာ တည်ဆောက်ထားတာကတော့ KMM အမျိုးအစား တံထားထိုးယာဉ်တွေဖြစ်ပြီး  ရေစီးသိပ်မသန်တဲ့ ချောင်းများနဲ့ ရွံညွန်များကို ကျော်ဖြတ်နိုင်အောင် အဓိကထားတည်ဆောက်ပါတယ်။ ခံနိုင်ဝန် ၁၅တန်မှ တန်၃၀သာ ရှိတာမို့ ခြေလျင်သုံး အပေါ့စားယာဉ်များနှင့် သာမာန် ယာဉ်များကို ချီတက်ရာမှာ လွယ်လင့်တကူ တွဲဖက် အသုံးပြုကြပါတယ်။ သာမာန် ၆x၆ ဘီးတပ်ယာဉ်ပေါ်မှာ တင်ဆောင်သွားနိုင်ပြီး အင်ဂျင်နီယာ အဖွဲ့သား ၄-၅ဦးဖြင့် နာရီဝက် အတွင်း အရှည် ၂၅-၄၀မီတာ ၊ ရေအနက် ၅မီတာကို ကျော်ဖြတ်နိုင်တဲ့ တံတားတစ်ခုကို ခင်းနိုင်ပါတယ်။

မီတာများစွာ ကျယ်ပြောတဲ့ ရေပြင်ကို ဖြတ်ကျော်နိုင်ရန် အတွက်ကတော့ အခြားသော တံတားထိုးယာဉ် အကြီးစားများကို အသုံးပြုကြရပါတယ်။

 ရေပေါ် တံတားများ (Pontoon bridge) များ ထိုးနိုင်ရန်အတွက် ဗော်ရာများကို ထရက်ကားများနဲ့ သယ်ဆောင်လာပြီး တစ်ခုနဲ့တစ်ခုကို တံထားထိုး ပစ္စည်းများဖြင့် ချိတ်ဆက်ကာ ရေပေါ်တံတားကို ခင်းနိုင်ပါတယ်။ ဗော်ရာများမှာ ရေစီးကို ဆန့်ကျင် တည်ထားနိုင်ရန် အင်ဂျင်ပါသော ဗေါ်ရာများ အင်ဂျင်တပ်မထားသော ဗေါ်ရာများ စသည်ဖြင့် သက်ဆိုင်ရာ အလိုက် အသုံးပြုပါတယ်။ ဗေါ်ရာ တစ်ခုနှင့် တစ်ခုကြား ၇မီတာထိ အများဆုံး ခြားကာ အပေါ်က တံတားခင်းစနစ်များဖြင့် တံတားထိုးကြရပါတယ်။ တံထားကြမ်းနှင့် ဗေါ်ရာများကို လျင်မြန်စွာ ချိတ်ဆက်နိုင်အောင်နဲ့ ရန်သူတိုက်ခိုက်မှုရှိလာပါကာ လျင်မြန်စွာ အစားထိုးနိုင်အောင် ဆောင်ရွက်ထားရှိရာ လေ့ကျင့်ထားသည့် အင်ဂျင်နီယာ တပ်ဖွဲ့ဖြင့်ဆိုရင် တစ်မိနစ်ကို မီတာ ၆မီတာနုန်းဖြင့် တံတားခင်းနိုင် ပြင်နိုင်မှာဖြစ်ပါတယ်။

 PMP ရေပေါ်တံတားထိုးယာဉ်များ

 ဗော်ရာအတွက် ယာဉ်အဖွဲ့သားတစ်ဦး၊ တံတားခင်းအတွက် ယာဉ်အဖွဲ့သား ၂ဦးလိုအပ်ပြီး မီတာ ၁၀၀တိုင်းအတွက် စစ်သည် ၃ယောက်မှ ၅ယောက်နုန်းနဲ့ တံတားခင်းနိုင်ပါတယ်။ LPP အမျိုးအစား တံတားများဟာ ၂၄တန်ထိ သာ ခံနိုင်ပြီး ခြေလျင်နှင့် အပေါ့စား သံချပ်ကာများသာ အသုံးပြုနိုင်ပါတယ်။ တင့်တပ်ဖွဲ့များအတွက် တန်၇၀ထိ ခံနိုင်သော TPP အမျိုးအစား တံတားခင်း စနစ်များကို အသုံးပြုကြရပါတယ်။ ဗေါ်ရာများ တံတားကြမ်းခင်းများ မလိုအပ်တော့ပဲ ထို၂မျိုးကို ပေါင်းစပ်ထားပြီး ဖြန့်ခင်း ချိတ်ဆက်လိုက်ရုံဖြင့် ရေပေါ်တံတား(ribbon bridge) အဖြစ် တည်ဆောက်နိုင်သော PMP အမျိုးအစား ရေပေါ်တံတားထိုး စနစ်များကို လက်ရှိအသုံးပြုကြပါတယ်။ သာမန် သယ်ယူပို့ဆောင်ရေး ယာဉ်ပေါ်တွင်သယ်ဆောင်နိုင်သော PMP စနစ်များဟာ ခေါက်ထားချိန်မှာ ၁မီတာ ၆ပေ ပတ်လည်သာရှိပေမယ့် ဖြန့်ချလိုက်ချိန်မှာတော့ ၆.၆မီတာ ရှည်လျားတဲ့ ရေပေါ် တံတား အစိတ်အပိုင်းတစ်ခုကို ရရှိမှာဖြစ်ပါတယ်။ အစိတ်အပိုင်းများကို ရေထဲမှာပင် လွယ်ကူစွာ ချိတ်ဆက်နိုင်ပြီး မီတာ ၄၀၀ထိ ဖြတ်သန်းနိုင်ပါတယ်။ ခံဝန်အား တန်၆၀ထိရှိပြီး ယာဉ်အဖွဲ့သား ၂၀ခန့်ဖြင့် ဆောင်ရွက်နိုင်ပါတယ်။

 PMP ရေပေါ်တံတားထိုးစနစ်ဖြင့် လေ့ကျင့်နေပုံ

 ရေစီးသန်ပြီး မီတာ ၄၀၀ထက် ပိုတဲ့ မြစ်များကိုတော့ TPP အမျိုးအစား ရေပေါ် တံတားစနစ်များနဲ့ တွဲဖက်ကာ အသုံးပြုနိုင်သလို မီတာ ၁၀၀ထက် ပိုတဲ့ ကျော်ဖြတ်မှုများ အတွက်ကတော့ မော်တော်ဘုတ်များနဲ့ စက်တပ်ဗော်ရာများ လိုအပ်ပါတယ်။ အဆိုပါ ribbon bridge အစိတ်အပိုင်းတစ်ခုချင်း သို့မဟုတ်  အတွဲများကို မော်တော်ဘုတ် သို့မဟုတ် TPP စနစ် စက်တပ်ဗော်ရာများနဲ့ တွဲဖက်ကာ မြစ်ကူးယာဉ်အဖြစ် အသုံးပြုနိုင်ကြပါသေးတယ်။ တစ်စိတ်တစ်ပိုင်း တံတားအဖြစ် ခင်းကာ မော်တော်ဘုတ်များ ဆွဲယာဉ်များ စက်တပ်ဗော်ရာများဖြင့် မီတာများစွာ ကျယ်ပြောပြီး ရေစီးသန်တဲ့ မြစ်များကို ဖြတ်ကူးရာမှာ အဓိက အသုံးပြုကြပါတယ်။ PMP စနစ်များရဲ့ လုံခြုံစိတ်ချရမှု အကြမ်းခံနိုင်မှုနဲ့ အသုံးပြုရလွယ်ကူမှုကြောင့် တင့်များနဲ့ တပ်ဖွဲ့များ ယာဉ်များကို လွယ်ကူစွာ မြစ်ကူးစစ်ဆင်နိုင်မှာ ဖြစ်ပါတယ်။

GSP-55 တံတားထိုးယာဉ်
အခြားသော တံတားထိုးယာဉ် တစ်မျိုးကတော့ PT-76 ကုန်းရေနှစ်သွယ်သွား ယာဉ်ပေါ် အခြေခံကာ တည်ဆောက်ထားသော GSP စနစ်ဖြစ်ပြီး ရေနက်သော ချောင်းငယ်များ၊ ရွံ့ညွံများနဲ့ မြစ်ဝကျွန်းပေါ်နှင့် ပင်လယ်ကမ်းစပ်ကဲ့သို့ ဒေသများတွင် အသုံးပြုနိုင်အောင် ထုတ်လုပ်ထားသော ယာဉ်များဖြစ်ပါတယ်။ GSP-55 တွင် ဗေါ်ရာတစ်ခုဆီ သယ်ဆောင်ပြီး ၂စင်းတွဲကာ တာဝန်ထမ်းဆောင်ပါတယ်။ ချောင်းလည်၊ မြစ်လည်မှာ ၂စင်းတွဲလျက် ရပ်တန့်တာ သယ်ဆောင်လာသော ဗောရာတစ်ခုဆီကို ဖြန့်ခင်းလိုက်ခြင်းဖြင့် အရှည် ၁၂၀မီတာရှိပြီး ခံဝန် ၅၂တန်ရှိသော ယာယီတံတားတစ်ခုကို ရရှိမှာဖြစ်ပါတယ်။ ရွှံညွံထူထပ်သော နေရာများနဲ့ မီတာ ၁၂၀ထက် ကျော်သော မြစ်ကူးစစ်ဆင်ရေးများ အတွက် တင့်ယာဉ်များကို သယ်ဆောင်ကာ ဖြတ်ကူးပေးနိုင်ပါတယ်။  မြစ်ကူးစစ်ဆင်ရေး အတွက် အသုံးပြုသော တံတားခင်း စနစ်များ အားလုံးဟာ ပင်လယ်ပြင် ကမ်းတက်စစ်ဆင်ရေး အတွက် ကမ်းထိုး တံတားများ၊ သယ်ပို့စနစ်များ အဖြစ်လဲ အသုံးပြုနိုင်သော စနစ်များဖြစ်ကြပြီး လေ့ကျင့်မှုများစွာလိုအပ်ပြီး
 မြစ်ဝကျွန်းပေါ်ဒေသနှင့် မြစ်ကူးစစ်ဆင်ရေးများ ဆောင်ရွက်ရန်ရှိသော တပ်မတော်တိုင်းအတွက် မရှိမဖြစ် လေ့ကျင့်ပိုင်ဆိုင်ထားရမည့် စနစ်များဖြစ်ကြပါကြောင်း။  ကျန်းမာချမ်းသာကြပါစေ။  ။